Golf á Íslandi - 01.10.2011, Blaðsíða 70

Ragnar Már Garðarsson úr GKG fór með sigur af
hólmi í Unglingaeinvíginu sem fram fór í lok ágúst á
Hlíðavelli í Mosfellsbæ. Ragnar hafði betur gegn Gísla
Sveinbergssyni í einvígi á 9. holu eftir að þeir fengu
báðir skolla á lokaholuna. Í einvíginu fóru þeir Ragnar
og Gísli 60 metra frá holu og stæði sá uppi sem sigur-
vegari sem nær yrði holunni. Ragnar reyndist nær og
fagnaði því góðum sigri.
Alls komust tíu kylfingar í úrslit í mótinu í þremur
aldursflokkum. Bjarki Pétursson úr GB varð þriðji og
Óðinn Þór Ríkharðsson úr GKG varð fjórði. Guðrún Brá
Björgvinsdóttir úr Keili, sem átti titil að verja, féll úr
keppni á 4. holu eftir einvígi.
„Ég er mjög ánægður með þennan sigur. Þetta var
mjög spennandi á lokaholunum og var erfitt að fara í
einvígi í lokin,“ sagði Ragnar eftir sigurinn. „Þessi sigur
er hápunktur sumarsins. Ég byrjaði ekkert sérstaklega
vel en eftir því sem liðið hefur á sumarið, þá hef ég
fundið taktinn. Loksins fóru púttin að detta hjá mér.
Sumarið hefur verið mjög fínt og ég er mjög sáttur
með árangur minn í ár.“
Kalt var á Hlíðavelli þegar mótið fór fram en það kom
ekki í veg fyrir að okkar ungu og efnilegu kylfingar
sýndu glæsileg tilþrif. Þetta er í sjöunda sinn sem
mótið fer fram og var sýndur sjónvarpsþáttur um
mótið á Stöð 2 Sport. Mótið verður að sjálfsögðu á
sínum stað á næsta ári og er það búið að festa sig í
sessi sem eitt af eftirsóknarverðustu mótum ársins
hjá yngri kylfingum landsins.
Lokaúrslit:
1. Ragnar Már Garðarsson GKG
2. Gísli Sveinbergsson Keili
3. Bjarki Pétursson GB
4. Óðinn Þór Ríkharðsson GKG
5. Geir Jóhann Geirsson GKj
6. Ísak Jasonarson Keili
7. Guðrún Brá Björgvinsdóttir Keili
8. Guðni Valur Guðnason GKj
9. Kristófer Orri Þórðarson GKG
10. Gísli Þór Þórðarson GR
Ragnar Már fagnaði
sigri í Unglingaeinvíginu
Keppendurnir tíu sem
komust í úrslit. T.h. er Ísak
Jasonarson á teig. Að ofan
er Gísli Sveinbergsson
í úrslitavippinu gegn
Ragnari..
Ragnar Már í sveiflu
að ofan og svo með
glæsileg verðlaunin.
70