Golf á Íslandi - 01.10.2011, Page 74

Vítahringurinn
Það er merkilegt að horfa til baka síðustu 50 árin og komast að því að meðal-
kylfingurinn er ekkert að verða betri í golfi. Ekki er skortur á frábærum
golfráðum úr tímaritum, sjónvarpi eða neti. Æfingasvæði spretta upp eins
og gorkúlur og eru opin allt árið sem gefa mönnum tækifæri á að æfa golf
allt árið. Golfkennarar eru orðnir hámenntaðir með allar nýjustu tölvu-
greiningarforritin.
Þrátt fyrir allt þetta er meðalkylfingurinn ekkert að verða betri
Hver kannast ekki við að leika golf með vini og það er komið að þér að slá.
Þú tekur þessar fínu æfingasveiflur sem líta út nákvæmlega eins og Tiger
Woods væri að sveifla. Síðan er staðan tekin og boltinn sleginn með þeim
afleiðingum að þú dúndrar kylfunni langt niður í jörðina og boltinn skondrast
nokkra metra áfram. Vinurinn sem er náttúrulega búinn að lesa nýjustu golf-
bókina segir í sama bragði „þú leist upp kæri vinur“.
Þetta er elsta og lélegasta afsökun fyrir lélegu höggi í golfi. Ekki erum við
að segja Anniku Sörenstam, einum fremsta kvenkylfingi allra tíma, að horfa
lengur á boltann þar sem hún horfir mjög fljótlega af boltanum í fram-
sveiflunni.
Ástæðan fyrir því að við hittum boltann ekki nógu vel er sú að kylfingurinn
hefur ekki næga stjórn á líkamanum til að framkvæma hreyfinguna af öryggi
og verður útkoman sú að einn daginn getur kylfingurinn leikið ágætt golf og
næsta dag gengur ekkert upp.
Þetta er hinn algengi vítahringur þegar kylfingur reynir nýjasta og heitasta
golfráðið í hverri viku og heldur ávallt að hann sé að nálgast sannleikann að
þessu strikbeina og langa höggi.
Þetta virkar ekki.
Leiðin að árangri - Líkaminn
Þegar haldið er af stað í breytingar á tækni, er algjörlega nauðsynlegt að
kanna líkamsástandið fyrst. Getur kylfingurinn yfir höfuð framkvæmt fyrir-
hugaðar hreyfingar. Fyrir nokkrum árum kom Titleist Performance Institute
„TPI“ með brautryðjandi líkamsþjálfun fyrir kylfinga, þar sem kylfingar eru
settir í hreyfigreiningu. Það eru ákveðnir líkamshlutar sem eiga að vera
hreyfanlegir „mobile“ og aðrir stöðugir „stable“. Ef af einhverri líkamlegri
ástæðu þessi keðja er brotin þá verður til villa í golfsveiflunni, þar sem
útkoman er slæmt högg. Það eru nokkrir hér á landi búnir að tileinka sér
þessi fræði og mæli ég eindregið með því að ef menn hafa þá fyrirætlun að
ná góðum árangri að byrja á þessum enda.
Hvernig við lærum
Áður en lengra er haldið er mikilvægt að skoða hvernig við lærum nýja hluti
og hvernig heilinn vinnur úr þeim. Heilinn er ekki þannig gerður að við
getum lært hluti á 100 km hraða. Sem dæmi má nefna að þegar við fyrst
lærðum að keyra bíl þá var ekki farið út í umferðina í fyrsta tíma, heldur var
byrjað á bílaplani og farið hægt og rólega yfir stjórntækin. Nemandanum
er kennt að sleppa kúplingunni varlega og á sama tíma gefa bensíngjöfinni
aðeins inn. Smám saman nær nemandinn tökum á þessu og er þá bætt við
nýju atriði.
Ástráður Þ. Sigurðsson, golfkennari PGA á Íslandi skrifar
G O L F
kennsla
Lélegur í golfi?
74