Golf á Íslandi - 01.10.2011, Síða 75

75GOLF Á ÍSLANDI • Október 2011
Við lærum golfsveifluna á nákvæmlega sama hátt þar sem við náum góðum
tökum á einföldum grunnatriðum áður en kennslunni er haldið áfram.
Töfrar Myalins
Þar sem heilinn gerir engan greinarmun á réttri eða rangri hreyfingu er mikil-
vægt að framkvæma hreyfinguna rétt frá upphafi. Best er að láta kylfur og
kúlur í friði og framkvæma hreyfinguna löturhægt fyrir framan spegil til að
tryggja það að hún sé framkvæmd á réttan hátt.
Það tekur heilann ca. 100 réttar endurtekningar til þess að byrja að mynda
nýja boðleið á milli tauga og vöðva sem er grunnurinn fyrir þessari nýju
hreyfingu.
Þegar boðleiðin er mynduð getur kylfingurinn framkvæmt hreyfinguna rétt
með því að gera hana hægt og hefst þá Myalin fasinn.
Myalin er efni sem myndast í líkamanum þegar við endurtökum sama hlut-
inn aftur og aftur og vefst utan um taugaboðleiðina eins og einangrun. Því
fleiri endurtekningar því betur einangrast boðleiðin og boðin komast hraðar
á milli heila og vöðva og hreyfingin verður nákvæmari.
Það tekur kylfinginn 3000-5000 réttar endurtekningar að festa hreyfingu í
vöðvaminni.
Þjálfun
Ef kylfingurinn eyðir ca. 30 mínútum á dag í endurtekningar á hreyfingunni,
byrjar hægt í uppréttri stöðu og byggir síðan ofan á með því að færa sig
niður í golfstöðuna og að lokum er hægt að framkvæma þetta á fullum
hraða. Þegar hingað er komið til sögunnar er kylfunni bætt inn í ferlið og
endurtekningum haldið áfram þangað til kylfingurinn getur framkvæmt
hreyfinguna á fullum hraða þó að truflun að einhverju leyti eigi sér stað og
getum við sagt að hreyfingin sé komin inn í vöðvaminnið.
Ef kylfingurinn fer á æfingasvæðið með það að leiðarljósi að þvinga fram
breytingu með því að slá bolta mun það ekki virka því heilinn gerir engan
greinarmun á því sem er rétt eða rangt. Það sem gerist er að kylfingurinn
heldur áfram að styrkja villuna og hlaða Myalini utan um þá boðleið.
Leiðin út úr þessu er einföld og þarf að byrja á einföldum hreyfingum sem
gerðar eru löturhægt til að tryggja að þær séu framkvæmdar á réttan hátt.
Síðan er hlaðið ofan á með nýrri hreyfingu eða hraði aukinn.
Höfundur að nafni Daniel Coyle skrifaði bók sem heitir „The Talent Code“
þar sem hann fer í gegnum hver sé munurinn á þeim sem eru góðir og þeim
sem skara fram úr í sinni grein. Formúlan er alltaf sú sama og það eru engar
styttri leiðir að árangri.
Í þessari bók nefnir hann tvö dæmi: Er tilviljun að lítill tennisskóli langt
úti í sveit í Rússlandi framleiðir fleiri heimsstjörnur í kvennatennis en allir
bandarískir tennisskólar sameinaðir. Það er heldur engin tilviljun að Julliard
skólinn í Bandaríkjunum framleiðir heimsklassa tónlistarfólk sem skarar langt
fram úr öllum hinum.
Eins og góður maður sagði „Rétt æfing skapar meistarann“ og vertu
Myalinfíkill.
Lélegur í golfi?