Helgarpósturinn - 29.05.1986, Blaðsíða 18

UMTALSVERÐAR „BJÖRGUNARAÐGERÐIR" SKÖMMU FYRIR GJALDÞROT. KRÖFUHAFAR
GLATA MILLJÓNUM KRÓNA. ÞUNGT ÁFALL FYRIR BLÓMABÆNDUR
Verslunin Blóm og ávextir við Hafnarstræti. Starfsmaður verslunarinnar keypti verslunina en þeim kaupum
verður mögulega rift að kröfu kröfuhafa. Með f kaupunum fylgdi slagorðið „Látið blómin tala". Spurning
hversu lengi þau fá að blaðra . . .
Húseign Fritz Hendrik Berndsens og Ástu Kristjánsdóttur að Túngötu 8. öllum að óvörum var húsið slegið
Jóni Magnússyni lögmanni á fyrra uppboði — sem er harla óvenjulegt. Þau Fritz Hendrik og Ásta búa þar
enn, enda segist Jón hafa keypt fasteignina fyrir umbjóðanda sinn, Ástu og að nú sé verið að ganga frá afsali
yfir á hennar nafn.
Eftir 45 ára misjafnlega,, blómleg-
arí' rekstur var fyrirtœkiö Blóm og
ávextir h/flýst gjaldþrota 24. febrú-
ar sídastlidinn. Undir þad síöasta
var fjármálaóreidan ordin óbœrileg
eigendum fyrirtœkisins og Ijóst ad
sérstök rannsókn mun fara fram á
bókhaldi fyrirtœkisins og medferö
búsins skömmu fyrir gjaldþrot. Inn í
málid spila sídan umtalsverd okur-
lánavidskipti, sem ekki hafa komið
fram á skiptafundum, en eiga
stœrsta þáttinn í falli fyrirtœkisins.
,,Látið blómin tala" er landsþekkt
slagorö fyrirtœkisins. Það er kald-
hœðni örlaganna að slagorð þetta
er ein af verðmœtustu eignum
þrotabúsins!
Skuldir fyrirtækisins umfram
eignir eru umtalsverðar. Almennar
kröfur í þrotabúið hljóða upp á um
30 milljónir króna, en þar af hafa
um 24 miiljónir króna verið viður-
kenndar af þrotabússtjóranum
Magnúsi Norðdahl. Öruggar í höfn
eru forgangskröfur upp á 700—800
þúsund krónur, en þar er um að
ræða launakröfur og kröfur frá líf-
eyrissjóðum. Almennar kröfur
hljóðuðu upp á rúmlega 28 milljónir
króna auk 125 þúsunda danskra
króna. Stærstu kröfuhafarnir eru
Búnaðarbankinn með um 10 millj-
ónir króna, tollstjórinn með um 4,5
milljónir króna, Blómamiöstöðin
með um 2,2 milljónir króna, Blóma-
heildsalan með um 1,6 milljónir
króna og Verzlunarbankinn með
um 1,3 milljónir króna.
Hér vantar hins vegar inn í dæmið
umtalsverðar okurlánaskuldir fyrir-
tækisins eða aðaleigandans (fyrr-
verandi) Fritz Hendrik Berndsens
blómaskreytingamanns. Þessir lán-
veitendur lögðu ekki fram kröfur í
búið, eiga enda skiljanlega erfitt um
vik, en heimildir Helgarpóstsins
greina frá því að verið sé að semja
um þessar skuldfr á bak við tjöldin.
Sömu heimildir greina frá því að
okurlánararnir geri sér ekki miklar
vonir um að fá skuldirnar greiddar
og hafi í raun afskrifað þær, enda
fyrir löngu búnir að fá höfuðstól lán-
anna og vel það. Hér er um umtals-
verðar upphæðir að ræða og hafa
tölur verið nefndar frá 15 og upp í
20 milljónir króna.
Eins og oft vill verða voru okurlán
þessi tekin þegar halla fór undan
fæti hjá fyrirtækinu. Fyrir liggur að
þegar þessi björgunaraðgerð brást
og gjaldþrot blasti við, var hafist
handa með að bjarga þeim eignum
sem bjargað varð, bæði eignum fyr-
irtækisins og eigandans persónu-
lega.
•Heimildir blaðsins greina frá því
að áætlun björgunaraðgerðarinnar
hafi byrjað á því að bifreið fyrirtæk-
isins, amerísk skutbifreið af tegund-
inni Chrysler Le Baron, var ,,seld“ 9.
nóvember á síðasta ári. Kaupandinn
var Othar Örn Petersen, hæstarétt-
arlögmaður, en stöðugur notandi
fram á þennan dag er sem fyrr Fritz
Hendrik Berndsen.
Umfangsmestu aðgerðirnar hóf-
ust síðan í sama mánuði og gjald-
þroti var lýst yfir. 14. febrúar var fyr-
irtækið sjálft selt. Kaupandinn er
Kristín Magnúsdóttir, starfsmaður
verslunarinnar um 14—15 ára skeið.
Söluverðið var 1,2 milljónir króna
og hefur verið dregið í efa að um
raunvirði sé að ræða, enda líkindi á
málshöfðun af hendi kröfuhafa til
að fá kaupunum rift. Ekki eru þó all-
ir sammála um að verðið sé undir
því sem eðlilegt má telja. Ekki var
um húseign að ræða, því húseignin
við Hafnarstræti var leigð af Ó.
Johnson og Kaaber og húseignin
við Miklatorg leigð af Alaska. Það
sem kaupunum fylgdi var nafnið
sjálft með áhöldum, tækjum og lag-
er, auk þess viðskiptavild og slag-
orðið áðurnefnda, „Látið blómin
tala“.
í eigu fyrirtækisins var sendibif-
reið af tegundinni Subaru Van, en
fjórum dögum fyrir gjaldþrot var sú
bifreið umskráð af nafni fyrirtækis-
ins, á nafn aðaleigandans fyrrver-
andi, Fritz Hendrik Berndsens. Sú
bifreið fylgdi því ekki með í kaupun-
um. Samtals eru eigur þrotabúsins
metnar á um 3 milljónir króna. Að
forgangskröfum frágengnum er því
Ijóst, að við óbreytt ástand mun að-
eins tíundi hluti krafna innheimtast.
Enn er ótalinn einn liður í björg-
unaraðgerðunum. Fritz Hendrik
Berndsen og sambýliskona hans,
Ásta Kristjánsdóttir, áttu væna fast-
eign að Túngötu 8 í Reykjavík.
Framreiknað fasteignamat húss og
lóðar hljóðar upp á um 5,8 milljónir
króna, endurstofnverð húss upp á
4,8 milljónir króna, en brunabóta-
matið upp á 9,5 milljónir króna.
Þetta 181 fermetra hús var hins veg-
ar selt á uppboði skömmu fyrir eða
í sama mánuði og fyrirtækið var lýst
gjaldþrota. Kaupandinn reyndist
vera samkvæmt afsali Jón Magnús-
son héraðsdómslögmaður og kaup-
verðið rúmar 3 milljónir króna. Jón
er þó enn ófluttur inn í húsið, því þar
búa enn sem fyrr þau Fritz Hendrik
Berndsen og Ásta Kristjánsdóttir.
Fasteign þessa keypti Jón á nauð-
ungaruppboði, en sjálfur segir Jón
Magnússon að hann hafi keypt hús-
ið fyrir umbjóðanda sinn, Ástu
Kristjánsdóttur og að nú sé verið að
ganga frá afsali yfir á hennar nafn.
Fasteign þessi var seld á fyrra upp-
boði og viðurkenndi Jón að það
væri óvenjulegt, enda hefði það
vissulega komið sér á óvart að eng-
inn aðili hefði beðið um síðara upp-
Skömmu fyrir gjaldþrot var þessi sendi-
bifreið umskráð hjá Bifreiðaeftirlitinu af
nafni fyrirtaekisins á nafn Fritz Hendriks. I
nóvember sl. var drossla fyrirtækisins af
tegundinni Chrysler Le Baron „seld"
Othari Erni Petersen, en Fritz Hendrik hef-
ur hana þó enn til umráða.
boð — í ljósi þess hversu skuldirnar
voru miklar.
Fritz Hendrik Berndsen er um
þessar mundir staddur í Danmörku.
Þar hefur hann verið að undanförnu
að undirbúa stofnun sérstaks með-
ferðarheimilis fyrir áfengissjúkl-
inga. Meðferðarheimili þetta hefur
verið hugsað fyrir sterkefnaða Dani
og ætlunin að hagnast þar ytra á ár-
angursríkri formúlu Samtaka
áhugamanna um áfengisvarnir. Það
setur hins vegar strik í reikninginn,
að samstarfsmaður Fritz Hendriks í
verkefni þessu hefur verið handtek-
inn hér heima, en það er Björgólfur
Guðmundsson, fyrrverandi forstjóri
Hafskips. Er talið að verkefni þetta
hafi ekki síst átt að bjarga þessum
mönnum út úr fjárhagslegum
ógöngum þeirra.
Á morgun, föstudag, verður hald-
inn skiptafundur um málefni Blóma
og ávaxta h/f. Að sögn skiptaráð-
andans, Jóns Finnbjörnssonar,
verður þar fjallað um kröfurnar og
teknar ákvarðanir um önnur mál,
svo sem hvort rifta skuli sölunni á
versluninni fyrir dómi.
Fyrir liggur að kröfuhafar muni
sækja að ábyrgðarmönnum þeirra
lána sem eru inni í dæminu, en inn-
heimta gæti reynst afar erfið og
nokkuð ljóst að kröfuhafarnir muni
tapa háum upphæðum í gjaldþrota-
máli þessu. Það setur vitaskuld
hvorki bankana né tollstjórann á
hausinn, en fyrir viðkomandi
blómabændur og blómakaupmenn
kann þetta mál að reynast mjög
þungbært og jafnvel óyfirstíganlegt
áfall fyrir suma.
eftir Friðrik Þór Guömundsson mynd Jim Smart
18 HELGARPÓSTURINN