Helgarpósturinn - 29.05.1986, Blaðsíða 33

Síðastliðinn laugardag, 24. maí, var
opnuð sýning á verkum eftir Ole Kortzau
í Norræna húsinu í Reykjavik. Þar sýnir
listamaðurinn silfur- og postulínsmuni,
vefnað, litografíur, vatnslitamyndir og
fleira.
Föstudaginn 30. maí opnar
Jónína Guðnadóttir sýn-
ingu á lágmyndum og
skúlptúrum úr steinleir í
Gallerí Grjóti við Skóla-
vörðustíg. Þetta er sjötta
einkasýning Jónínu og
verður hún opin kl. 12—18
alla virka daga, en kl.
14—18 um helgar.
JAZZ
Hin fágaða Sarah og hrái McShann
Sarah Vaughan: Summertime (CBS 21114
— Steinar).
CBS heldur áfram að auka við /Love Jazz
skífuröð sína. Ein nýjasta skífan er Summer-
time með Söruh Vaughan. Þetta er endurút-
gáfa á efni af Sarah Vaughan in Hi-Fi ogAfter
Hours, upptekið á árunum 1949—53. Fyrri
hliðin eru lögin átta er hún hljóðritaði með
hljómsveit píanistans Jimmy Jones, þess er
kom hingað með Ellu Fitzgerald 1966, í New
York 18. óg 19. maí 1950. Þetta eru gull og
gersemar, ekki síst vegna þess að sjálfur
Miles Davis blæs þarna í trompetinn. Aðrir í
sveitinni eru Benny Green á básúnu, Tony
Scott á klarinett, Bud Johnson á tenórsaxa-
fón, Billy Taylor á bassa og J.C. Heard á
trommur. Freddie Green, Mr. Rhythm úr
Basie-bandinu slær gítarinn fyrri daginn
þegar: Ain’t Misbehavin’, Goodnight My
Love, Can’t Get out of This Mood og It Might
As Well Be Spring voru hljóðrituð, en
Mundell Lowe á hinum lögunum fjórum er
hljóðrituð voru þann 19. Eg get þessa fyrir
geggjara því ekkert er um það á umslaginu
— CBS er margt betur gefið en að gefa ná-
kvæmar upplýsingar um tónlist þá er fyrir-
tækið gefur út.
Þeir félagar Davis, Green, Scott og John-
son blása margan fallegan sóló og Sarah
syngur einsog engill. Sérí lagi er Davis
magnaður í Nice Work If You Can Get It.
Á hlið tvö leika stórbönd með Söruh og
stjórna þeim Mitch Miller, Percy Faith og aðr-
ir í þeim stíl. Jazzinn ræður í Perdido, en í
hinum lögunum átta þarsem stórsveitir leika
undir hjá Söruh er dægurtónninn ráðandi —
en hún er meistara frasari einsog Sinatra og
gerir öllu góð skil er hún syngur.
Fyrir djassgeggjara er þessi skífa óborgan-
leg vegna laganna sem Miles Davis blæs á —
það skipti minna þó vanti eitthvað af slögur-
unum á Sarah Vaughan in Hi-Fi og After
Hours fyrst allur Davis er með.
Jay McShann: The Man From Muskogee —
Affinity 147 (Skífan).
Gamla brýnið Jay McShann er enn á fullu
þó kominn sé yfir sjötugt. Hann ferðast um
og leikur Kansans City blús og búgga á
píanóið og syngur á stundum. Mongólskt
negraandlitið Ijómar og sveiflan er heit. Það
muna þeir er sáu hann, Count Basie og Big
Joe Turner ásamt fleiri góðstjörnum í kvik-
myndinni The Last of The Blue Devils. Eftir
að Basie og Andy Kirk yfirgáfu Kansans City
var stórsveit Jay McShanns aðalbandið þar í
borg og það voru engir smákallar sem þar
blésu og sá varð frægastur er yngstur var —
sautján ára strákpjakkur, sem blés í altóinn
eftir Vernharð Linnet
svo blúsinn blómstraði sem aldrei fyrr.
Charlie Parker hét hann og McShann kallaði
piltinn Yardbird. Einusinni voru þeir á ferð
og rútan keyrði yfir hænu. Bird heimtaði að
bíllinn stansaði: Go back and pick up that
yardbird, sagði Parker og lét síðan sjóða
hænuna á hótelinu þarsem þeir gistu.
Á sjötta áratugnum leik McShann á píanó
heima í Kansans City og ræktaði tómata, en
eftir að ofanrituð skífa kom út 1967 og
McShann ferðaðist um Evrópu 1969 hefur
hann haft meira en nóg að gera í tónlistinni
— enda engir leikið eins magnaðan blús og
búgga á píanó eins og hann og Sammy Price
— eftir að Ammons-Lewis-Johnson tríóið
hvarf úr þessu jarðlífi.
Á The Man from Muskogee má finna 11
ópusa, flesta blúsbúgga. Þó er þarna einn
vals í minningu Charlie Parkers og raular
McShann angurvært: Yardbird Waltz. Svo er
gamla kynningarlag Benny Moton bandsins:
Moton Swing, og tvö af frægari lögum
McShans stórsveitarinnar: Confessin The
Blues og Dexters Blues. Það er sosum alltí
lagi með undirleikarana á skífunni — en
ekkert meira en það. McShann gerir allt sem
þarf og hann kann að koma dansi í tærnar.
HÚSGAGNAVERSLUN
Strandgötu 7-9 Akureyri, símar 96-21790 og 21690.
ORÐ
ERU ÓÞÖRF
VERÐ VIÐ ALLRA HÆFI
HELGARPÖSTURINN 33