Helgarpósturinn - 12.03.1987, Blaðsíða 3

Indriði G. Þorsteinsson
(Skellihlátur.) „Það er eflaust kominn tími á mig fyrir löngu!"
— Saknarðu gamla starfsins sem ritstjóri Tímans?
„Ja, það er nú orðið svo langt síðan ég var í gamla starfinu.
Þetta eru orðin sextán ár. Maður er orðinn svo gamall."
— Ertu alltaf jafn mikill framsóknarmaður?
„Ég hef alltaf verið framsóknarmaður, já já, en ég er svo ekk-
ert endilega ánægður með allt sem Framsókn gerir frekar en
menn í öðrum flokkum eru ánægðir með sína flokka. Ég hef
aldrei yfirgefið Framsókn, enda dettur mér það ekki í hug. Ég
hef engan áhuga á flokkaflækingi."
— Hver finnst þér staða framsóknarmanna vera
núna?
„Hún er mjög góð. Ég held hún hafi sjaldan verið betri að
mínu mati, en eins og þú veist var ég kallaður „gamall fasisti"
svo það eru kannski ekki meðmæli að ég sé að hæla Fram-
sókn."
— Hafa þær breytingar sem orðið hafa á dagblöðun-
um á síðustu árum orðið til góðs eða ills að þínu mati?
— „Þær hafa orðið til góðs. Þetta er allt orðið miklu frjáls-
legra — öll umræða í blöðum. Og það fá allir að blómstra! Þetta
er eins og hjá Maó. Maó sagði að þúsund blóm ættu að
blómstra, þegar hann var ekki í menningarbyltingunni! Það er
eins i fjölmiðlunum hérna. Að vísu flýtur heilmikið af vitleysu
með, en þetta er nú almanna vettvangur og ég get ekki ímynd-
að mér að almenningur eigi að hafa einhvern ákveðinn gáfna-
kvóta. Það góða við það er, að fólk á miklu betri aðgang að fjöl-
miðlunum og það er alltaf verið að opna þennan vettvang. Hitt
er verra: Þegar verið er að búa til alþjóðadómstól í Austurstræti
með því að spyrja fólk um eitthvað, sem það veit ekkert um..."
— Hvernig finnst þér blaðamenn standa sig al-
mennt?
„Mjög vel. Ég er afskaplega ánægður með blaðamennsk-
una, eins og hún er hér. Hún er djörf og hress og ber svip æsku-
manna. Það er ekki nema gott eitt um hana að segja."
— Ertu eitthvað að skrifa um þessar mundir?
„Ég er alltaf skrifandi. Það komu út eftir mig tvö bindi núna
af „Þjóðhátíðinni 1974", mikið verk og myndskreytt en var að
vísu lokið 1977. Svo var ég að Ijúka við skáldsögu sem kemur
í haust."
— Viltu segja eitthvað um hana?
„Nei, nei."
— Ef þú verður ritstjóri Tímans, hvað ætlarðu þá að
gera til að rífa blaðið upp?
Indriði skellihlær, enda sér hann í gegnum spurninguna:
„Ætli maður liggi ekki svolítið á þessum leyndarmálum öllum!"
— Verður Svarthöfði íTímanum?
„Svarthöfði? Ja það er spurning, hvort Svarthöfði sé ekki
kominn svo hátt í þjóðfélagsstiganum að ég nái ekki samning-
um við hann!!"
Slðustu daga hefur mikið verið rætt um að Indriði G. Þorsteinsson setj-
ist við hlið Níelsar Árna Lund sem ritstjóri Tfmans. Indriði gegndi því
starfi áður fyrr, en lét af störfum árið 1971. HP sló á þráðinn til Indriða
og spurði hvort eitthvað væri hæft í þessum sögum.
HELGARPÚSTURINN UMMÆLIVIKUNNAR
FYRST OG FREMST
I NÝJASTA hefti Lœknablads-
ins er birt erindi Kristjáns Bald-
vinssonar læknis frá síðasta aðal-
fundi Lœknafélags íslands. Þá
fjallaði Kristján um samskipti
lækna og Tryggingastofnunar
ríkisins og var harðorður. Hann
sagði meðal annars: „Það hefur
orðið hugarfarsbreyting af hálfu
starfsfólks TR í garð lækna. Andi
tortryggni gagnvart læknum er
alls ráðandi. Þeir eru grunaðir um
græsku þar til annað sannast."
Nefnir Kristján að iðulega séu
vottorð lækna vefengd, krafist
skriflegra skýringa og greinar-
gerða langt umfram það sem vott-
orðaeyðublöð segja til um og að
læknar séu snupraðir fyrir skrif og
frágang. „Talað er niður til þeirra í
hrokafullum kansellístíl" segir
Kristján...
Kristján Baldvinsson
SAMSKIPTI LÆ!
góöir fundarmenn
liðin síðan TR var stofnuð
stu almannatryggingalögum á
KRISTJÁN Baldvinsson hefur
ákveðnar skýringar á reiðum
höndum um versnandi samskipti
lækna og starfsfólks Trygginga-
stofnunarinnar. Hann segir:
„Eflaust er um að ræða taktík af
yfirlögðu ráði, annars vegar til að
þreyta tímalitla lækna, sem eru í
samninganefndum og verða oft
fyrir verulegu tekjutapi og hins
vegar til að draga greiðslur frá TR
á langinn svo lengi sem auðið er."
Harðar ásakanir þetta. Þær hljóta
fyrst og fremst að beinast að for-
stjóra TR Eggert G. Þorsteinssyni,
formanni Tryggingaráðs Ólafi G.
Einarssyni þingmanni og svo
formanni samninganefndar TR
Helga V. Jónssyni
endurskoðanda...
INNBROT hafa hingað til ekki
þótt mál til að brosa að, en þó
varð mörgum á að glotta þegar
DV birti frétt fyrir nokkrum vikum
um innbrot í hús við Fjólugötu.
Húsráðendur vöknuðu um miðja
nótt við það að verið var að
ganga um léttilega á parketgólfinu
á neðri hæðinni. Þustu þeir niður
og komu að „gestum" sem voru
að bera sjónvarpstæki hjónanna út
úr húsinu. Ekki brá þjófunum
meira en svo að þeir náðu að taka
sjónvarpstækið með sér og hefur
það víst ekki sést síðan. Ástæðan
fyrir því að sumir brostu í
kampinn var hins vegar sú að
eigandi sjónvarpstækisins var
Sigurmar Albertsson lögfræðingur,
sem sér um innheimtuaðgerðir
fyrir ríkisútvarp/sjónvarp. Eins og
menn vita annast hann vörslu-
sviptingu á sjónvarpstækjum
þeirra sem ekki greiða gjöldin...
MAL og menning var í öndverðu
stofnað af sanntrúuðum sósíalist-
um sem höfðu hugsjónina eina að
vopni. Nú er hinsvegar illt í efni
hjá félaginu, Kommúnistaávarpið
uppselt en að vísu von á endurút-
gáfu. Á sama tíma gerist það að
SMARTSKOT
búðarfólk MM ákveður að seija
ekki lengur klám í búðinni sinni,
ekki einu sinni einhverri ákveð-
inni tegund af fullorðnum karl-
mönnum, vegna þess að börnin
hafi átt það til að standa fyrir
framan blaðarekkann og stara á
þessa forboðnu ávexti. Ollum ætti
að vera ljóst hvað kemur í rekk-
ann í stað klámritanna, enda eins
gott að börnin stari á eitthvað
uppbyggilegt séu þau starandi á
annað borð .. .
MENNTAMÁLAráðherrar
Evrópuríkja héldu fund um fjöl-
miðla sl. haust og var rætt um
framtíð fjölmiðlunar í álfunni. í
síðasta tbl. Nordisk medie nyt, sem
gefið er út af Norrænu menningar-
málaskrifstofunni eru viðtöl við
menntamálaráðherra Norðurland-
anna um Vínarfund Evrópuráðsins
og er m.a. beint spurningu um
þessi mál til Sverris Hermannsson-
ar, menntamálaráðherra. Það vek-
ur athygli við ummæli ráðherrans
að hann er óhress með fundarstað
menntamálaráðherranna og segir:
„Fundir Evrópuráðsins hafa aldrei
verið haldnir á íslandi og því spyr
maður sig, hvort kvóti Vínarborg-
ar og Stokkhólms sé nú ekki full-
ur. Eftir leiðtogafundinn í Reykja-
vík er spurning hvort ekki sé
kominn tími til að halda fundi ráð-
herra Evrópuráðsins á íslandi."
Framsækinn og stoltur maður
Sverrir . ..
UMBOTASINNAÐIR stúdent-
ar heitir flokkur einn sem býður
fram til Stúdentarádskosninga við
Háskóla Islands. Flokkurinn var
stofnaður einhverntíma í fyrndinni
af óánægðu fólki sem ekki vildi
láta spyrða sig saman við uppeld-
isstöðvar stjórnmálaflokkanna inn-
an skólans. Þegar á leið þóttust þó
sumir kenna að þarna væri á ferð-
inni einhver ungliðahreyfing sem
ætti rætur sínar að rekja til Fram-
sóknarflokksins. Undir þessu hafa
þeir umbar, eins og þeir eru í dag-
legu tali nefndir, ekki viljað sitja,
enda ákaflega vont mál, og löng-
um staðið í stappi við að sverja af
sér framsóknarlitinn. Nú þykir
mönnum þó sem einsýnt sé að
það muni aldrei takast og byggir
það á ákaflega einfaldri röksemda-
færslu. Höfuðvígi Framsóknar-
flokksins er á Akureyri, þar er
sömuleiðis KEA og SIS og tveir af
hverjum þremur frambjóðendum
umbanna hafa þreytt stúdentspróf
við M.A. Ljóst mun af þessu hver
stefna umbanna er varðandi Há-
skólann á Akureyri, heima enda
best...
,,Betri gerðin af kommúnistaáróðri var
mjög vinsœl á markaðinum..."
HALLDÓR GUÐMUNDSSON, ÚTGÁFUSTJÓRI MÁLS
OG MENNINGAR, I VIÐTALI I' ÞJÓÐVIUANUM UM
SÖLUNA Á BÓKAMARKAÐINUM
GVÖÐ TVÖ
Vandi er nú orðinn að velja sér trú,
vitið það, bræður og systur.
Um barnanna sálir þeir bítast nú
bæði Jón Óttar og Kristur.
Niðri
Er kominn Tími á
þig Indriði?
HELGARPÓSTURINN 3