Morgunblaðið - 25.11.1975, Blaðsíða 15
MORGUNBLAÐIÐ, ÞRIÐJUDAGUR 25. NÖVEMBER 1975
15
Hrafn frá Kröggólfsstöðum var sýndur á Evrópumóti fsl. hestsins f
Austurrfki f haust og seldur þar á 600 þúsund krónur.
Hross flutt út fyrir
65 milljónir í ár
A ÞESSU ári hafa verið flutt út
samtals 411 hross og lætur nærri
að útflutningsverðmæti þessara
hrossa sé um 65 milljónir fsl.
króna. Mest hefur verið flutt út af
hrossum til V-Þýzkalands eða 297
hross. Ekki verða fleiri hross
flutt út f ár en aðspurður sagði
Magnús Ingvason, sölufuiltrúi
hjá Sambandi fsl. samvinnu-
félaga, að góðar horfur væru á
sölu hrossa á næsta ári.
Eins og áður sagði er mest flutt
af hrossum til V-Þýzkalands en til
Noregs voru flutt 47 hross, til
Austurríkis fór 21 hross, til Hol-
lands 13 og til Sviss 22 hross. Af
þessum hrossum voru 7 stóð-
hestar og 72 hryssur. Meðalverð
fyrir þau hross, sem flutt hafa
verið út á þessu ári, er 120 þús-
und fyrir tamin hross, 50 þúsund
fyrir ótamin og 70 þúsund fyrir
brokkara. Hæsta verð, sem vitað
er að fengizt hefur fyrir íslenzkan
hest á þessu ári, er 600 þúsund og
var það verð greitt fyrir stóðhest.
Nærri lætur að hestur, sem hér er
keyptur á 120 þúsund, sé seldur
erlendis á um 290.000, en hafa
verður í huga að mjög er
kostnaóarsamt að flytja hross út.
Nálægt 90% þeirra hrossa, sem
flutt voru út á árinu, voru tamin.
Mest af hrossunum hefur verið
flutt út á vegum Sambands ísl.
samvinnufélaga. Sá fjöldi, sem
fluttur var út í ár, er svipaður
fjöldanum í fyrra en á árunum
1971 til 1973 voru flutt út á
hverju ári milli 800—900 hross.
Minnkandi kaupmáttur fólks I
Evrópu hefur dregið mest úr
hrossaútflutningnum.
Af vettvangi landbúnaðarins
Kindakjötsframleiðslan
hefur aukizt um 8,23%
Sala á nautakjöti hefur ekki aukizt
EKKI LIGGJA enn fyrir
nákvæmar tölur um fjölda
fjár, sem slátrað var á
þessu hausti, en í yfirliti
um kindakjötsframleiðsl-
una í haust kemur fram, að
af dilkakjöti fengust á
þessu hausti 13.003 smá-
lestir, en í fyrra var magn-
ið 11.966 smálestir. Heild-
armagn kindakjöts nú varð
14.577 smálestir og er það
8,23% aukning frá árinu
1974. í fréttabréfi Upplýs-
ingaþjónustu landbúnaðar-
ins kemur m.a. fram að
sala á nautakjöti eftir að
niðurgreiðslur á því voru
teknar upp, hefur verið
mjög áþekkt og undanfarin
haust og hefur því ekki
orðið aukning I sölu nauta-
kjöts og má telja að þar
komi til áhrif útsölunnar á
nautakjöti fyrr í haust en
þá seldust á skömmum
tíma rúmar 300 smálestir.
Jónmundur Ölafsson, kjötmats-
formaður hjá Framleiðsluráði
landbúnaðarins, sagðist telja lik-
ur á að meðalfallþungi dilka á
þessu hausti yrði um 14!4 kíló eða
um 300 grömmum meiri en i
fyrra. I fyrra var alls slátrað
907.513 fjár og voru dilkar þá
828.090 en hitt geldfé. ær og hrút-
ar. I haust var rætt um að tala
sláturgripa færi yfir 1 milljón en
að sögn Jónmundar er ósenniiegt
að slátrun verði svo mikil. Fall-
þungi hefur verið einna mestur á
Norð-Austurlandi, á Norðurlandi
er hann 300—400 grömmum
hærri en í fyrra en á Suðurlandi
er fallþunginn heldur meiri en á
síðastliðnu hausti.
t flestum sláturhúsum landsins
stendur nú yfir slátrun stórgripa
og er reiknað með nokkurri aukn-
ingu í slátrun nautgripa. Eins og
áður var komið fram hefur ekki
orðið um þá söluaukningu að
ræða, sem gert var ráð fyrir að
fylgdi í kjölfar niðurgreiðslna á
nautakjötinu og telja menn að þar
komi til að fólk hafi á nautakjöts-
útsölunni í haust keypt nokkurn
forða. Þess má geta að nú er hægt
að fá keypt nautakjöt í 'A og heil-
um skrokkum á hagstæðu verði.
Þess má að lokum geta að engin
verðhækkun hefur orðið á hrossa-
kjöti frá því í fyrra haust.
Verð á útfluttum land-
búnaðarvörum hækkar
Verð það sem fæst fyrir
ýmsar landbúnaðarvörur,
sem fluttar eru út frá Is-
landi, hefur hækkað tölu-
vert á síðustu mánuðum.
Sem dæmi má nefna að
verð á ull hefur hækkað
um 10—12% en þróunin á
erlendum mörkuðum hef-
ur að undanförnu verið í
þá átt, að hrávörur hafa
hækkað í verði. Þá fæst nú
rúmlega 20% hærra verð
fyrir það kindakjöt sem
flutt er út til Noregs en í
fyrra.
I samtali við Agnar Tryggva-
son, framkvæmdastjóra Búvöru-
deildar S.I.S., kom fram að verð á
ull á erlendum mörkuðum hefur
hækkað um 10—12% og fást nú
um 300 krónur fyrir hvert kfló af
klipptri ull, en svokölluð gæruull,
sem er bezti flokkur, fer öll til
innlendrar framleiðslu. Verð á
húðum hefur einnig hækkað og
lætur nærri að hækkunin hafi á
síðustu mánuðum verið 6—7%.
Gærur hafa hins vegar lækkað í
verði frá því í fyrra. Ástæðunnar
er að leita f lækkun á fullunnum
gærum en hin góða veðrátta í
Evrópu undanfarna vetur hefur
orsakað aukna sölu á mokka-
skinnum en sala á pelsum hefur
dregizt saman.
Verð á því kindakjöti, sem við
íslendingar flytjum út, hefur
hækkað töluvert milli ára. Bezt
verð fæst fyrir kjötið í Noregi eða
um 330 krónur fyrir kílóið og er
það um 60 krónum hærra en í
fyrra. Ekki nær þetta verð þó því,
sem greitt er fyrir hvert kíló hér
innanlands og koma því til út-
flutningsbætur úr rfkissjóði, sem
nema um 170—180 krónum á
hvert kíló. Agnar sagði, að ráð-
gert væri að Búvörudeildin flytti
út um 4000 tonn af kindakjöti á
þessu ári og þar af væru um 2500
tonn á markað í Noregi og er það
um 800 tonnum meira magn en i
fyrra.
Fulningahurðir
Enn ein sending komin
Tilbúnar til afgreiðslu.
HURÐIR hf.
Skeifan 13
Gunnar Ásgeirsson hf., Akureyri
Verzl. Brimnes, Vestmannaeyjum
OSRAM JÓLALJÓS
FALLEG HÁTÍÐALYSING
Jólaseríurnar frá OSRAM eru löngu viöurkenndar fyrir gæöi og
endingu. Ef ein pera bilar, slökknar ekki á hinum kertunum.
Þannig þarf ekki að eyöa dýrmætum tíma jólanna í leit að
biluðum perum.
OSRAM býður yður gleðilegri jól með reglulegum jólaljósum.
OSRAM
vegna gæðanna