Morgunblaðið - 24.01.1989, Blaðsíða 16

16
MORGUNBLAÐIÐ ÞRIÐJUDAGUR 24. JANÚAR 1989
Minning:
EinarH. Ásgríms-
son verkfræðingur
Fæddur 20. september 1928
Dáinn 18. janúar 1989
Einar Haukur Ásgrímsson and-
aðist í sjúkrahúsi í London miðviku-
daginn 18. janúar 1989. Hann
veiktist snögglega að kvöldi 8. jan-
úar og var fluttur til London að-
faranótt mánudagsins 9. janúar og
gekkst þann dag undir mikla skurð-
aðgerð vegna alvarlegs æðasjúk-
dóms. í fyrstu voru bundnar vonir
við að uppskurðurinn myndi heppn-
ast, en svo kom í ljós að lífí Hauks
varð ekki bjargað.
Einar Haukur var fæddur í Hafn-
arfírði 20. september 1928 og var
því 61. aldursári, þegar hann lést.
Foreldrar hans voru Ásgrímur
Magnús útgerðarmaður í Hafnar-
fírði Sigfússon, útvegsbónda í
Nyjabæ í Njarðvíkum Jónssonar og
kona hans, Ágústa Guðrún Þorðar-
dóttir sjómanns úr Reykjavík Þórð-
arsonar. Ásgrímur faðir Einars
Hauks flutti 9 ára gamall með for-
eldrum sínum úr Njarðvíkum til
Hafnarfjarðar. Þar gekk hann í
Flensborgarskólann og lauk þaðan
gagnfræðaprófí 1914. Leiðin lá
síðan í Verslunarskólann þar sem
hann lauk námi árið 1918. Eftir
að hafa starfað sem bókhaldari hjá
fyrirtækinu Davíðsson og Hobbs í
Hafnarfirði stofnaði Ásgrímur
verslunar- og útgerðarfélagið Akur-
gerði hf. í Hafnarfírði árið 1923.
Varð hann framkvæmdastjóri þess
og annar aðaleigandi. Akurgerði
hf. hafði veruleg umsvif, gerði með-
al annars út tvo togara samfara
fískverkun.
Böm Ásgríms og Ágústu voru
tvö. Auk Einars Hauks er dóttirin
Vera Magna, f. 1930. Hún er gift
Guðmundi lækni Guðmundssyni
Markússonar. Þau eru búsett í
Svíþjóð og hefur Guðmundur verið
starfandi um árabil sem sérfræð-
ingur í beinaskurðlækningum við
Kám-svæðissjúkrahúsið í Skövde.
Einar Haukur ólst upp með for-
eldrum sínum í Hafnarfírði og síðar
í Reykjavík. Það var mikið áfall
fyrir flölskylduna, þegar Ásgrímur
veiktist alvarlega í blóma lífsins og
varð óvinnufær. í þijú ár þurfti
Ágústa að annast hann sjúkan þar
til hann lést árið 1944 þá 47 ára
gamali. Það var til þess tekið hve
Ágústa hafði af mikilli umhyggju
annast mann sinn á þessum erfíðu
ámm.
Þegar Ásgrímur fellur frá er Ein-
ar Haukur 15 ára gamall og Vera
13 ára. Framundan voru námsárin
hjá þeim systkinum. Þau fetuðu
bæði í fótspor föður síns og gengu
í Verslunarskólann. Einar Haukur
lauk þar stúdentsprófí árið 1949.
Tók hann síðan viðbótarpróf frá
Menntaskólanum í Reykjavík árið
1950. Þegar velja skyldi háskóla-
nám varð verkfræði fyrir valinu og
varð það að ráði að Einar Haukur
innritaðist í háskólann í Birming-
ham í Bretlandi og lagði hann þar
stund á vélaverkfræði. Þar lauk
hann BS-prófí árið 1955.
Að loknu námi hélt Einar Haukur
heim til íslands og hóf störf hjá
íslenskum aðalverktökum á
Keflavíkurflugvelli, þar sem hann
starfaði um eins árs skeið 1955-
1956. Þá tóku við störf hjá Sindra-
smiðjunum í Reykjavík til ársins
1957, en þá er Einar Haukur ráðinn
stöðvarstjóri hjá Olíuverslun íslands
hf. þar sem hann starfaði um
tveggja ára skeið, en var svo ráðinn
tæknilegur framkvæmdastjóri hjá
Tunnuverksmiðjum ríkisins á Siglu-
fírði. Því starfí gegndi hann til árs-
ins 1965. Þá lá leiðin suður er hon-
um bauðst deildarverkfræðings-
starf á verkfræðistofu sjóhers
Bandaríkjanna á Keflavíkurflug-
velli árið 1965. Þar starfaði hann
svo til dauðadags.
Hér að framan hefur verið í gróf-
um dráttum minnst á menntun Ein-
ars Hauks og svo helstu störf hans.
Þott þessir þættir séu að sjálfsögðu
þýðingarmiklir í lífí hvers manns,
er það þó hjónabandið og fjölskyldu-
lífíð sem mestum sköpum skiptir
um hamingju manna enda oft sagt,
að fjölskyldan sé homsteinn og kjöl-
festan í lífí manna.
Sama ár og Einar Haukur lýkur
námi í Verslunarskólanum er tvítug
stúlka austan úr Landbroti að hefja
nám í Husmæðraskólanum við Sól-
vallagötu í Reykjavík. Þetta var
Ásdis, yngst þriggja dætra hjón-
anna Helga Jónssonar bónda í Segl-
búðum og konu hans, Gyðríðar
Pálsdóttur, en Helgi hafði látist þá
um vorið 55 ára að aldri. Yngsta
bam þeirra hjóna, Jón Helgason,
síðar alþ.maður og ráðherra, var
þá við nám i Menntaskólanum í
Reykjavík. Á þessum ámm bjó
Ágústa Þórðardóttir, móðir Einars
Hauks, á Sólvallagötu 11 í
Reykjavík, andspænis húsmæðra-
skólanum. Það mun hafa verið á
þessum slóðum sem kynni hófust
milli Ásdísar og Einars Hauks, sem
leiddu svo til þess, að Ásdís hélt til
Birmingham árið 1953. Þar voru
þau svo gefín saman í hjónaband,
Ásdís og Einar Haukur, þann 30.
desember 1953.
Nú hefst nýr kafli í lífí Einars
Hauks. Heimili er nú stofnað í
Birmingham, þar sem ungu hjónin
búa næstu tvö árin. Einar Haukur
stundar námið í háskólanum en
Ásdís fékk sér starf á sjúkrahúsi í
borginni. Kom þá strax í ljós hin
mikla umhyggja hennar fyrir þeim
sem sjúkir eru eða eiga bágt af
öðrum ástæðum. Það hefur líka
komið í ljós að hjartagæska Ásdísar
Helgadóttur hefur verið einstök í
gegnum árin.
Þegar Einar Haukur hafði lokið
vélaverkfræðináminu við háskólann
í Birmingham 1955 flytja þau Ásdís
heim til Reykjavíkur og stofna þar
heimili. Ásdís reyndist einstök hús-
móðir. Má segja að hún hafi haft
gott veganesti með sér að heiman
frá Seglbúðum. Heimilið þar var
annálað fyrir myndaskap.
Hjónaband þeirra Ádísar og Ein-
ars Hauks var farsælt enda jafn-
ræði með þeim. Þau sýndu mikla
gestrisni og eignuðust fjölda vina,
bæði hér fyrir sunnan og einnig
fyrir norðan er þau dvöldu á Siglu-
fírði.
Þegar árin liðu hóf Ásdís nám
við Kennaraskólann og lauk þar
prófí í handavinnukennslu. Síðar
hóf hún sjúkraliðanám og lauk prófí
í þeirri grein. Hefur hún sl. ár starf-
að sem sjúkraliði á Vífílsstöðum og
nú um nokkurt skeið á Borgarspít-
alanum. Ásdís minnist þess sérstak-
lega, hve Einar Haukur studdi hana
vel á þessum námsferli hennar. Er
hún þakklát fyrir að hafa átt kost
á því að ljúka þessum námsgrein-
um.
Þau Ásdís og Einar eignuðust tvö
kjörböm, Ásgrím Helga, f. 1969,
og Gyðu Sigríði, f. 1971. Þau
stunda bæði nám, Ásgrímur í Fjöl-
brautaskólanum í Garðabæ en Gyða
í Verslunarskólanum.
Nu þegar Einar Haukur er horf-
inn af sjónarsviðinu geymist minn-
ingin um góðan dreng. Skýr stend-
ur hann manni fyrir hugskotssjón-
um, fríður sýnum, í hópi hæstu
manna og vakti eftirtekt hvar sem
hann fór. Hann hafði hressilegt við-
mót og ákveðnar skoðanir á málum
og fór alltaf eftir sannfæringu sinni,
þótt það stangaðist á við skoðanir
annarra. Hann var góður drengur,
sem mátti ekki vamm sitt vita,
hrekklaus og umfram allt heiðarleg-
ur. Hann var ljúfmenni, þótt undir
niðri væri stórt skap sem hann fór
vel með.
Einar Haukur skrifaði greinar í
blöð um málefni sem lágu honum
á hjarta. Hann lagði vinnu í þessi
skrif með þvi að leita sér fanga um
heimildir og hann reyndi að bijóta
mál til mergjar.
Tengdir okkar Einars Hauks við
flölskylduna í Seglbúðum urðu m.a.
til þess, að við störfuðum saman
að málefnum veiðiskapar í Grenlæk
í landi Seglbúða. Það hafði t.d.
komið í hlut Einars Hauks að gera
á hveiju ári „almanak" um skipt-
ingu á veiðidögum í landi Seglbúða.
Uppkast af veiðialmanakinu fyrir
næsta sumar var síðasta verk Ein-
ars Hauks. Má segja að það hafí
verið nokkuð táknrænt, því svo
sterkar taugar hafði hann til Gren-
læks og uiphverfisins í Landbroti.
Einar Haukur hafði yndi af veiði-
skap og hann var sportveiðimaður,
veiddi einungis á flugu. Hann sýndi
reyndar mikla þrautseigju í því að
sanna, að unnt væri að veiða sjóbirt-
ing á flugu með góðum árangri.
Hann átti líka margar unaðsstundir
við Grenlæk eins og reyndar svo
margir sem þar hafa gengið um
bakka.
En nú er Einar Haukur Ásgríms-
son allur. Of snemma gekk hann á
vit feðra sinna. Við Margrét óskum
honum heilla á nýrri vegferð og
þökkum honum jafnframt vináttu
og góð kynni á liðnum árum. Ás-
dísi og bömunum, sem misst hafa
svo mikið, vottum við innilega sam-
úð. Þeirra missir er svo sár. Megi
Guð gefa þeim styrk til að bera
sorgina og söknuðinn. Megi hann
einnig gefa þeim gæfu og birtu á
braut framtíðarinnar.
Erlendur Einarsson
Mér varð óþyrmilega hverft við
þá harmafregn nú í janúar að vinur
minn, Einar Haukur Ásgrímsson,
hefði fengið alvarlegt hjartaáfall
sem leiddi hann síðan til dauða á
örfáum dögum. Mér hafði öllum
stundum virst hann eldhress og
síkátur og fjarri því að standa dauð-
anum nærri. Oumflýjanleg örlög
okkar allra eru vissulega stundum
óvænt..
Oft hefir verið sagt að sú vinátta
sem stofnað er til á skólaárum sé
varanlegust, endist bæði lengst og
best. Þessi staðhæfing hefir áreið-
anlega sannast varðandi vináttu
okkar Einars Hauks, sem nú er
snögglega fallinn frá í fullu fjöri.
Vinátta okkra hófst á fyrstu
ámm okkar í Verslunarskólanum,
þar sem við vorum samferða í námi
fram að stúdentsprófí 1949. Síðan
hefír vináttusamband okkar verið
óslitið þótt oftast hafí verið æði-
langt á milli okkar. Eftir stúdents-
próf vorum við sinn í hvorum stað
í framhaldsnámi úti í Evrópu, og
síðustu áratugina hefí ég verið bú-
settur fyrir norðan en hann fyrir
sunnan. Um nokkurra ára skeið upp
úr 1960 bjuggu þau Einar Haukur
og Ásdís eiginkona hans þó hér á
Siglufírði meðan hann starfaði sem
framkvæmdastjóri Tunnuverk-
smiðja ríkisins, og vorum við þá
daglegir heimilisgestir hvor hjá öðr-
um. Eftir að þau fluttust frá Siglu-
firði hefír heimili þeirra fyrir sunn-
an ævinlega staðið okkur Önnu
opið af takmarkalausri gestrisni
jafnt á nóttu sem degi.
Við sem út á landi búum þurfum
oft að ferðast til Reykjavíkur og
þá einatt án nokkurs fyrirvara.
Oftast gafst mér því ekki tækifæri
til að hringja til vinar míns fyrr en
ég var kominn til Reykjavíkur, og
var þá ekki sökum að spyija, hann
var umsvifalaust kominn til að ná
í mig og eiga með mér samveru-
stund með ijörugum samræðum og
oftar en ekki við glóandi vín á skál.
Ég hefí engum öðrum kynnst sem
lagt hefir sig jafneindregið fram
um að rækta vináttusamband.
Hann virtist alltaf geta ýtt öðru
fyrirvaralaust til hliðar til þess að
eiga stund með mér. Og ekki nóg
með það, hann var boðinn og búinn
til að aðstoða mig við þau erindi
sem ég hafði að sinna. í vináttusam-
bandi okkar var ég óefað meiri
þiggjandi en veitandi og stend nú
eftir með samviskubit og vináttu-
skuld sem ég á ekki lengur kost á
að gjalda í sömu mynt.
Einar Haukur átti sér margvísleg
hugðarefni sem hann hafði unun
af að sökkva sér niður í, mynda sér

K K
S' -
NÁMSMENN
ATHUGIÐ!
Ný hraðvirk, létt og
handhæg TA
Triumph-Adler skrif-
stofuritvél á verði
skólaritvélar.
Umboðsmenn um land allt:
Bókabúð Keflavíkur, Keflavík, Bókabúð Olivers Síeins,
Hafnarfirði, Bókabúðin Grima, Garðabæ, Grifill, Reykjavík,
Hans Arnason, Reykjavík, Jón Bjarnason, Akureyri,
Kaupf. V-Húnvetninga, Hvammstanga, Kaupf. A-Skaftf.,
Hornafirði, M.M. búðin, Selfossi, PC tölvan, Akranesi,
Penninn, Reykjavík, Rás s.f„ Þorlákshöfn, Síuðull s.f.,
Sauðárkróki, Sameind, Reykjavík, Skrifvélin, Reykjavík,
Tölvuvörur hf„ Reykjavík, Traust, Egilsstöðum.
Sendum í póstkröfu
Góð hönnun og glæsilegt útlit einkenna
ritvélarnar frá TA Triumph-Adler
• Prenthraði 13 slög/sek
• ”Lift off” leiðréttingar-
búnaður fyrir hvern staf eða
orð.
• 120 stafa leiðréttingarminni
• Sjálfvirk: miðjustilling
undirstrikun
feitletrun
• Handfang og lok.
auk ýmissa annarra kosta sem
prýða eiga ritvél morgun-
dagsins.
Komdu við hjá okkur eða
hringdu og fáðu frekari
upplýsingar.
Einar J. Skúlason hf.
Grensásvegi 10, sími 686933