Morgunblaðið - 29.01.2007, Blaðsíða 10
10 MÁNUDAGUR 29. JANÚAR 2007 MORGUNBLAÐIÐ
FRÉTTIR
FRESTA ber öllum stóriðjufram-
kvæmdum á næstu árum í því skyni
að kæla hagkerfið, að mati Ingi-
bjargar Sólrúnar Gísladóttur, for-
manns Samfylkingarinnar. Lýsti
hún þessari skoðun sinni í ræðu sem
hún hélt á aðalfundi Samfylkingar-
félagsins í Reykjavík um helgina.
Auk efnahags- og stóriðjumála
ræddi Ingibjörg í ræðu sinni um
málefni eldri borgara, málefni Evr-
ópusambandsins (ESB) og sérstöðu
Samfylkingarinnar auk þess sem
hún sagði íslensk stjórnvöld hafa far-
ið kæruleysislega með vald sitt.
Ekki í þagnarbandalagi
Sagði formaðurinn Samfylk-
inguna málsvara þeirra sem fylgj-
andi væru aðild að ESB. „Umræðan
hefur verið á villigötum og verum
minnug þess að árið 1992 voru 60%
þjóðarinnar þeirrar skoðunar að
með EES samningnum myndum við
missa yfirráð yfir fiskimiðunum.
Hefur það gerst? Auðvitað ekki.
Samfylkingin trúir á upplýsta um-
ræðu og mun fylgja þeirri stefnu fast
eftir. Við tökum ekki þátt í hinu ólýð-
ræðislega þagnarbandalagi sjálf-
stæðismanna um Evrópumál.“
Sagði Ingibjörg Sólrún að við nú-
verandi aðstæður í efnahagsmálum
væri forgangsmál að kæla hagkerfið.
Það fæli í sér að fresta bæri öllum
stóriðjuframkvæmdum á næstu ár-
um. „Hins vegar hefur Samfylkingin
í Hafnarfirði fært íbúunum í Hafn-
arfirði mikilvægt tæki til að hafa
áhrif á sitt nærumhverfi. Samfylk-
ingin í Hafnarfirði ákvað að virkja
lýðræðið til að leysa deiluna og við
erum stolt af þeirri ákvörðun.“
Hafa brugðist eftirlitsskyldu
Formaðurinn sagði íslensk stjórn-
völd hafa farið kæruleysislega með
vald sitt. „Stjórnvöld hafa brugðist
eftirlitsskyldu sinni með öryggi
borgaranna og meðferð opinbers
fjár. Þetta hefur að undanförnu birst
okkur í Byrgismálinu, barnaníðings-
málinu og Baugsmálinu. Baugsmálið
er hneyksli og áfellisdómur yfir
ákæruvaldinu. Í öðrum löndum væri
Baugsmálið, ófarir lögreglunnar og
ákæruvaldsins réttarfarslegt
hneyksli. Í öðrum löndum væri ein-
hver gerður ábyrgur í Byrgismálinu,
aðrir en starfsfólk Byrgisins og
skjólstæðingar þess,“ sagði Ingi-
björg Sólrún Gísladóttir.
Segir að fresta beri öllum
stóriðjuframkvæmdum
Ingibjörg Sólrún
segir að kæla
þurfi hagkerfið
Morgunblaðið/Árni Sæberg
Fundur Ingibjörg Sólrún Gísladóttir lagði á fundinum áherslu á að Sam-
fylkingin væri framsækinn flokkur sem þorði meðan aðrir þegðu.
arsvæðisins, fyrir helgi þrjá nýja og
vel útbúna lögreglubíla og eitt mót-
orhjól. Á síðasta ári og í byrjun
þessa árs hafa 29 ökutæki bæst við
bílaflota lögreglunnar, flest vegna
endurnýjunar.
HARALDUR Johannessen ríkislög-
reglustjóri afhenti Stefáni Eiríks-
syni, lögreglustjóra höfuðborg-
Fengu afhenta þrjá nýja lögreglubíla
BORGARRÁÐ hefur samþykkt fyr-
irheit um úthlutun fjögurra lóða
undir iðnaðarstarfsemi við Hádegis-
móa uppi við Rauðavatn í Reykjavík
þar sem Morgunblaðið og prent-
smiðja þess eru fyrir.
Um er að ræða lóðir sem samtals
eru um 53 þúsund fermetrar að
stærð. Fyrirtækin sem fengið hafa
fyrirheit eru Léttkaup með stærstu
lóðina, um 17–18 þúsund fermetra,
Bakarameistarinn með u.þ.b. 12 þús-
und fermetra, Sláturfélag Suður-
lands með 14–15 þúsund fermetra
lóð og Límtré með rúmlega 8 þúsund
fermetra lóð.
Fyrirheitið um lóðirnar er háð fyr-
irvara um að samþykktar verði
breytingar á deiliskipulagi Hádegis-
móa sem hæfi starfsemi lóðarhafa.
Samkvæmt upplýsingum skipu-
lagssviðs borgarinnar liggur deili-
skipulag ekki fyrir, en unnið er að
því að deiliskipuleggja svæðið og er
gert ráð fyrir að það liggi fyrir fljót-
lega.
Fyrirheit um
lóðir við
Hádegismóa
Eftir Önnu Pálu Sverrisdóttur
aps@mbl.is
ÞETTA var mikið hitaþing. En það
varð ákveðin niðurstaða og maður
sættir sig við hana. Hins vegar hefði
ég aldrei farið út í þessa baráttu
hefði ég verið sátt,“ segir Eygló
Harðardóttir um röðun á lista Fram-
sóknar í Suðurkjördæmi. Sem kunn-
ugt er þáði Hjálmar Árnason alþing-
ismaður ekki þriðja sæti listans. Á
kjördæmisþingi um helgina var því
kosið milli tveggja tillagna um nýja
uppröðun. Annars vegar að færa
listann upp um eitt sæti, svo Eygló
tæki þriðja sæti. Hins vegar um að
Helga Sigrún Harðardóttir, skrif-
stofustjóri þingflokks Framsóknar,
kæmi ný inn. Helga tók ekki þátt í
nýafstöðnu prófkjöri. Auk þess vakti
nokkrar deilur að hún á lögheimili í
Reykjavík. Tillaga um Helgu hlaut
59 atkvæði en hin tillagan 49.
„Ég verð auðvitað að láta sama
gilda um mig og ég fer fram á við
aðra; að virða lýðræðislega niður-
stöðu,“ segir Eygló sem er frá Vest-
mannaeyjum.
Tillagan um að Helga Sigrún tæki
sætið kom frá kjörstjórn, sem ekki
var einróma. „Meirihluti kjörstjórn-
ar var einhuga,“ segir Skúli Skúla-
son sem var formaður kjörstjórnar.
„Niðurstaða kjörstjórnar var að
reyna að finna mann sem tengdist
Suðurnesjum. Fyrst og fremst hefur
listinn nú breiðari skírskotun og er
sigurstranglegri að okkar viti.“
Eygló segir það hins vegar úrelt
sjónarmið.
„Verð að láta sama
gilda um mig og aðra“
Eygló
Harðardóttir
Í HNOTSKURN
» Á lista framsóknarmannaí Suðurkjördæmi í ár eru
þrettán konur og sjö karlar.
» Hjálmar Árnason tapaðislagnum um fyrsta sæti og
ákvað í kjölfarið að hætta í
pólitík, en skipar heiðurssæti
á listanum í staðinn.
» Flokkurinn fékk tvo menninn í kjördæminu árið
2003.
Helga Sigrún
Harðardóttir
UM helgina undirritaði Valgerður
Sverrisdóttir, utanríkisráðherra, frí-
verslunarsamning milli EFTA-
ríkjanna og
Egyptalands í
Davos í Sviss.
Samkvæmt
samningnum fella
Egyptar niður
tolla á vörur aðr-
ar en landbúnað-
arvörur í áföng-
um. Þá felur
samningurinn í
sér tollkvóta fyrir
flestar mikilvægustu sjávarafurðir
Íslands. Kvótarnir stækka eftir
ákveðnu fyrirkomulagi á sex ára
tímabili sem að lokum leiðir til fullr-
ar fríverslunar.
Tollar á tilteknum landbúnaðar-
vörum eru lækkaðir eða felldir niður
með tvíhliða samningum milli
Egyptalands og hvers EFTA-ríkis
fyrir sig.
Á móti fær Ísland markaðsaðgang
fyrir lifandi hross til Egyptalands og
2000 tonna tollkvóta fyrir lambakjöt.
Ísland veitir tollfrjálsan aðgang fyrir
nokkrar mikilvægar útflutningsvör-
ur Egypta á sviði landbúnaðar og má
þar m.a. nefna ýmiss konar ávexti,
grænmeti, plöntur og unnar land-
búnaðarvörur.
Samið um
fríverslun
við Egypta
Valgerður
Sverrisdóttir
Full fríverslun
með sjávarafurðir
MARTA Guð-
jónsdóttir var
kjörin formaður
Varðar, fulltrúa-
ráðs sjálfstæðis-
félaganna í
Reykjavík á aðal-
fundi félagsins á
laugardag. Marta
er fyrsta konan til
þess að gegna
formennsku í
Verði. Hún var kjörin sama dag og
Kvenréttindafélag Íslands fagnaði
100 ára afmæli sínu.
Aðrir sem kjörnir voru í stjórn fé-
lagsins voru Kristín Edwald, Ingunn
Guðlaug Guðmundsdóttir, Andri
Óttarsson, Garðar Ingvarsson, Hall-
dór Guðmundsson, Júlíus S. Ólafs-
son og Inga Dóra Sigfúsdóttir.
Kosin formað-
ur Varðar
Marta
Guðjónsdóttir
♦♦♦
FRAMBOÐSLISTI Framsókn-
arflokksins í Suðurkjördæmi var
samþykktur á kjördæmisþingi um
helgina. Þetta fólk er í framboði til
Alþingis í vor:
1. Guðni Ágústsson landbún-
aðarráðherra, 57 ára, Sf. Árborg
2. Bjarni Harðarson bóksali, 45 ára,
Sf. Árborg
3. Helga Sigrún Harðardóttir skrif-
stofustjóri, 37 ára, Reykjanesbæ
4. Eygló Harðardóttir fram-
kvæmdastjóri, 34 ára, Vest-
mannaeyjum
5. Elsa Ingjaldsdóttir fram-
kvæmdastjóri, 40 ára, Sf. Árborg
6. Lilja Hrund Harðardóttir bú-
fræðingur, 34 ára, Sf. Hornafirði
7. Brynja Lind Sævarsdóttir flug-
öryggismaður, 31 árs, Reykja-
nesbæ
8. Kjartan Lárusson, sauðfjárbóndi
og nemi, 51 árs, Bláskógabyggð
9. Gissur Jónsson grunnskólakenn-
ari, 30 ára, Sf. Árborg
10. Bryndís Gunnlaugsdóttir laga-
nemi, 26 ára, Grindavík
11. Ólafur Elvar Júlíusson bygginga-
tæknifræðingur, 48 ára, Rang-
árþingi ytra
12. Agnes Ásta Woodhead þjónustu-
fulltrúi, 32 ára, Sf. Garði
13. Guðni Sighvatsson, nemi í íþrótta-
fræðum, 26 ára, Rangárþingi ytra
14. Agnes Lára Magnúsdóttir sölu-
ráðgjafi, 40 ára, Reykjanesbæ
15. Lára Skæringsdóttir hár-
greiðslumeistari, 37 ára, Vest-
mannaeyjum
16. Ásta Berghildur Ólafsdóttir
framkvæmdastjóri, 43 ára, Ása-
hreppi
17. Anna Björg Níelsdóttir skrif-
stofumaður, 38 ára, Sf. Ölfusi
18. Auður Jóna Sigurðardóttir bóndi,
48 ára, Rangárþingi eystra
19. Elín Einarsdóttir kennari/
sveitarstjórnarmaður, 40 ára,
Mýrdalshreppi
20. Hjálmar Árnason alþingismaður,
56 ára, Reykjanesbæ
Listi Framsóknarflokks-
ins í Suðurkjördæmi