Tímarit lögfræðinga - 01.05.1981, Blaðsíða 43
almennar persónulegar upplýsingar. Það liggur í augum uppi að ekki er
hægt í stuttu máli að gera neina tæmandi úttekt á niðurstöðum könnunar-
innar og vísast því til skýrslu frá 13. 2. 1981. Nokkur atriði má þó nefna.
36% aðspurðra telja að samskipti lögreglu og íbúa á heimastað séu góð,
aðeins 5.6% telja þau slæm, 43.8% segja þau hvorki góð né slæm og
14.6% segjast ekki vita. Ef staðirnir eru athugaðir sérstaklega kemur í Ijós
að Vestmannaeyjar eru með hagstæðasta hlutfallið. Tæplega helmingur að-
spurðra þar segir að samskiptin séu góð og rúm 4% að þau séu slæm. Ungt
fólk er líka mun svartsýnna og eins þeir sem meiri menntun hafa. Mun fleiri
konur en karlar segjast ekki vita og er þetta gegnumgangandi í könnun
þessari.
Þá segja 44.8% að það eigi að auka löggæslu, 48.7% finnst hún hæfileg
og 6.5% að draga eigi úr henni.
Kostnaður við löggæslu var áætlaður ca. 33.000 g.kr. á hvern íbúa landsins.
21.2% fannst þetta of mikið, 29.4 hæfilegt, 22.1 fannst að hann mætti vera
meiri og 27.3% vissu ekki.
46% taldi að lögbrotum myndi fækka ef löggæsla yrði aukin, en 35.5%
taldi að svo myndi ekki verða, 18.5% vissu ekki.
Þá var spurt hvað fólki fyndist að lögreglan ætti að leggja mesta áherslu
á í starfsemi sinni í dag. Flestir, eða 38.5% nefndu að fyrirbyggja afbrot,
27.1% nefndu umferðareftirlit, 24.8% nefndu almenna aðstoð við almenning
en miklum mun færri að vinna að lausn unglingavandamálsins (8.8%), eða
að leysa afbrotamál (4%).
Þá voru 47.6% sammála því að lögreglan handtæki fólk oftar en nauðsyn
krefði. 49.6% voru sammála því að lögreglan notaði of mikinn tíma í smá-
muni. 33.4% voru sammála því að lögreglan tæki ekki nógu mikið tillit til
almennings þegar hann leitaði eftir aðstoð. 60.1% sögðu að lögreglan legði
of litla áherslu á að líta eftir og stjórna umferðinni. 27.1% sögðu að lögreglan
mismunaði fólki eftir tekjum og starfi. 61.9% sagði lögregluna eyða of litlum
tíma almennt í eftirlit á götum úti. 29.3% sagði lögregluna sýna of mikla
linkind í sambandi við afbrotamál. 8.7% fannst að lögreglan ætti að vera
vopnuð. 27.1% voru sammála því að lögreglan berði fólk þegar aðrir sæju
ekki til. 39.3% sögðu að lögreglan kynni ekki tökin á því að umgangast
drukkið fólk. í öllum þessum spurningum kom yfirleitt fram greinilegur munur
eftir aldri, búsetu, menntun og kyni. Yngri neikvæðari en þeir eldri, sömu-
leiðis þeir sem meiri menntun hafa, karlar yfirleitt neikvæðari en konur og
íbúar í S-Múlasýslu neikvæðari en íbúar hinna staðanna.
Þá var spurt hvaða eiginleika fólk teldi vera mest áberandi í fari lögregl-
unnar í dag. 45% nefndu vingjarnleika, 37 drambsemi, 36.1 tillitssemi, 22.7
heiðarleika, 22.7 dugnað, 16.1 ruddaskap, 10.5 ósvífni og 4.2% óheiðarleika.
(Hér var hægt að krossa við fleiri en einn möguleika).
Tæpur fjórðungur aðspurðra gat hugsað sér að starfa í lögreglunni, 66.8%
ekki og 8.6 vissu ekki. Helstu ástæður sem fólk nefndi ef það vildi ekki starfa
hjá lögreglu voru þær, að starfið væri ekki áhugavert eða þá að það væri
erfitt og vanþakklátt. 93% fannst eðlilegt að kvenfólk stundaði almenn lög-
gæslustörf. Flestir (68.6%) sögðust hvorki bera mikla né litla virðingu fyrir
lögreglu, 10.8% sögðust bera litla eða alls enga, en 20.5% mikla eða mjög
mikla.
37