Tímarit lögfræðinga - 01.05.1981, Blaðsíða 49
Vilji gagnaðili bera fram mótmæli um gildi gerðardómssamningsins, eða
bera fyrir sig vanhæfni dómara, sem gerðarbeiðandi hefur tilnefnt, skulu slík
mótmæli rökstudd í svari.
Óski gagnaðili að bera fram gagnkröfu, þarf sú krafa ásamt greinargerð
að fylgja svarinu. Sérhver gagnkrafa eða málsástæður verða að grundvallast á
lögmætum atvikum, sem rúmast innan gerðardómssamningsins.
Svar gagnaðila skal birt gerðarbeiðanda, sem getur gert athugasemdir við
hver slík mótmæli og málsástæður.
Ef gerðarbeiðandi vill véfengja tilnefningu gagnaðila á gerðardómsmanni
skal það gert með rökstuddri kröfu.
Berist tilkynning gagnaðila ekki innan 2 vikna, ef aðili er hérlendis en 4
vikna ef aðili er erlendis, skipar stjórnin gerðardómara af hans hálfu.
8. gr.
Eftir að skrifleg skipti tilkynninga, sbr. 5.—7. gr., hafa farið fram skal stjórn-
in ef hún teiur dóminn eiga lögsögu:
a) Tilnefna formann dómsins og ef nauðsynlegt er annan dómara sbr. 4. gr.
og 7. gr.
b) Ákveða dómsstað hafi málsaðilar ekki gert það.
c) Ákveða upphæð tryggingarfjár og greiðslutíma.
Ákvarðanir þessar skal tilkynna málsaðilum.
9. gr.
Strax og dómarar hafa verið tilnefndir og tryggingarfé innt af hendi vísar
stjórnin málinu til dómsins.
10. gr.
Ef málsaðili véfengir hæfni gerðardómara, tekur stjórnin afstöðu til þeirra
mótmæla. Ef mótmæli eru tekin til greina skal annar dómari tilnefndur. Ef máls-
aðili vill á síðasta stigi málsins véfengja setu dómara, tilnefndum af málsaðila
eða stjórn, skal hann gera það innan 30 daga frá því honum varð kunn ástæðan,
sem hann telur valda vanhæfi.
Taki nýr dómari við af öðrum, ákveður gerðardómurinn sjálfur hvort eða
hver hluti málsmeðferðar, sem fram hefur farið skuli endurtekinn.
11. gr.
1. Gerðardómur skal gera kröfuhafa að staðfesta kröfu, með greinargerð
er innihaldi:
a) sérgreind kröfuatriði.
b) máisatvik, sem kröfuhafi byggir á staðreyndir um kröfu.
c) yfirlýsing um aðal sönnunargögn, sem kröfuhafi vísar til.
2. Þegar greinargerð kröfuhafa er fram komin skal hún kynnt varnaraðila og
hann beðinn um vörn, sem innihaldi:
a) yfirlýsingu um hvort eða að hve miklu leyti varnaraðili samþykki eða
hafni framkomnum kröfum.
b) mótmæli, vilji varnaraðili bera þau fram.
c) yfirlýsing um aðalsönnunargögn, sem varnaraðili vísar til og hvar þau
er að fá.
43