Tímarit lögfræðinga - 01.05.1981, Blaðsíða 47
Valkostir. Aðilar geta samið um, að komi til ágreinings vegna tiltekinna
viðskipta skuli gerðardómur V. í. skera úr. Sé ekki samið um slíkt geta aðilar
orðið ásáttir um að vísa ágreiningi til dómsins. Heimild til að leita úrskurðar
gerðardómsins um ágreiningsefni er ekki bundin við aðild að Verzlunarráðinu.
FULLNUSTA DÓMS. Úrskurðir gerðardóms eru endanlegir og bindandi
fyrir málsaðila, að því er snertir efni máls, og verða ekki bornir efnislega undir
almenna dómstóla. Hinsvegar eru úrlausnir gerðardóms ekki aðfararhæfar,
og getur þurft að leita aðstoðar dómstóla, vilji dómþoli ekki inna af hendi
greiðslur, sem hafa verið úrskurðaðar. Dómstóll myndi aftur á móti byggja
á gerðardómsúrskurðinum, þar sem hann er endanlegur og bindandi.
MÁLSKOSTNAÐUR.
1. Gerðarbeiðandi greiðir skrásetningargjald um leið og krafa um úrskurð
er lögð fram.
2. Tryggingu fyrir málskostnaði, sem stjórn Gerðardómsins ákveður, skal
setja áður en máli er vísað til dómara.
3. Hafi samkomulag náðst áður en úrskurður gengur, eða áður en dómarar
voru tilnefndir, úrskurða dómarar, eða stjórn, þóknun sína.
4. Auk úrskurðar um greiðslu málsaðila til gagnaðila í málskostnað, úr-
skurðar dómurinn þóknun til stjórnar og dómara, sem málsaðilar ábyrgjast
in solidum".
Engu máli mun, þegar þetta er ritað um miðjan apríl 1981, hafa verið vísað
til gerðardómsmeðferðar eftir hinum nýsettu reglum verslunarráðsins. Hér
fer á eftir reglugerð sú, sem stjórn ráðsins setti dómnum.
REGLUGERÐ
fyrir GerSardóm Verzlunarráðs islands
1. gr.
Stjórn Gerðardóms Verzlunarráðs islands er deild innan Verzlunarráðsins,
sem gegnir því hlutverki að aðstoða við lausn viðskiptadeilu, sem upp er
komin og málsaðilar hafa orðið ásáttir um að leggja undir úrskurð gerðardóms.
Stjórnin lætur í té upplýsingar varðandi gerðardómsmál, tilnefnir formann
dóms og undirbýr mál þar til það er afhent fullskipuðum gerðardómi.
Stjórnin getur einnig tilnefnt einstakan dómara til að kveða upp úrskurð,
séu málsaðilar ásáttir um það.
2. gr.
Stjórn Gerðardóms V. i. er skipuð þrem mönnum, sem stjórn Verzlunar-
ráðs islands skipar til þriggja ára í senn. Formaður stjórnarinnar skal hafa
reynslu sem dómari í úrlausn viðskiptamála, annar meðstjórnandi á að vera
starfandi iögmaður og hinn þriðji kunnur athafnamaður í viðskiptalífinu.
Stjórn Verzlunarráðsins skipar hverjum stjórnarmanni persónulega vara-
mann, sem uppfylli sömu skilyrði og aðalmaður.
í sérstökum tilvikum getur stjórn V. í. vikið stjórnarmanni gerðardóms eða
varamanni hans frá. Slík frávikning skal vera rökstudd.
Ef stjórnarmaður eða varamaður hans lætur af störfum á kjörtímabilinu
tilnefnir stjórn V. í. annan í hans stað til loka kjörtímabilsins.
41