Morgunblaðið - 29.10.2011, Blaðsíða 6

BAKSVIÐ
Skapti Hallgrímsson
skapti@mbl.is
Steingrímur J. Sigfússon, formaður
Vinstri hreyfingarinnar – græns
framboðs, segir ekkert benda til
annars en að krónan verði gjald-
miðill Íslands í fyrirsjáanlegri
framtíð.
Við upphaf landsfundar VG á Ak-
ureyri í gær sagði Steingrímur að
stefna VG í Evrópumálum væri
óbreytt; „að hagsmunum okkar sé
betur borgið utan Evrópusam-
bandsins en innan þess, og það gera
aðrir flokkar, þar með talið vinir
okkar og samstarfsaðilar í Samfylk-
ingunni, rétt í að hafa í huga.“
Hann sagði að mörgum stórum
spurningum þyrfti að svara varð-
andi framtíðina. Ein sneri að gjald-
miðla- og peningamálum og hann
teldi að það væru eigin efnahagsleg
stýritæki þjóðarinnar, þar með tal-
inn eigin gjaldmiðill, „sem eru að
duga okkur til að komast út úr
kreppunni. Og hvers vegna skyldu
þau þá ekki geta dugað vel áfram?“
Eini fyrirvarinn sem Steingrímur
sagðist setja við þessa afstöðu væri
að til staðar yrðu að vera stjórnvöld
sem stýrðu efnahagsmálum af fullu
viti.
Erum að ná utan um vandann
„Hin mikla gengislækkun var
ekki án fórna en það voru engar
innistæður fyrir hágengi rugltím-
ans og ekki skrýtið og engin ráð-
gáta að krónan lenti í frjálsu falli
eftir hrun og efnahagsóstjórn um
langt árabil,“ sagði hann. „Sæluríki
evrunnar lítur nú ekki beinlínis vel
út um þessar mundir og jafnvel
norska krónan, sem ég hef stundum
verið grunaður um að daðra við,
hefði nú reynst íslenskum veruleika
strembin með sínum olíustyrk und-
anfarin misseri. Á Íslandi erum við
að ná utan um okkar vanda, alla-
vega þann sem snýr beint að okkur
sjálfum, og höfum lært þá lexíu að
við getum til lengri tíma litið ekki
eytt meiru en við öflum.“
Steingrímur benti á það sem nób-
elsverðlaunahafinn í hagfræði, Paul
Krugman, sagði í fyrradag á ráð-
stefnu í Reykjavík, að krónan hefði
hjálpað landinu í gegn um hrunið.
„Ég er sannfærður um að atvinnu-
leysi hér á landi hefði farið, a.m.k.
tímabundið, í háa tveggja stafa pró-
sentutölu, ef við hefðum ekki haft
okkar eigin gjaldmiðil, úr því sem
komið var.“
Formaðurinn spurði svo: „Og er
ekki reynsla sumra annarra þjóða
að sýna að það er nákvæmlega eins
hægt að setja sig á hausinn í evrum
eins og krónum? Meira að segja
mætti halda því fram, að hið falska
öryggi evrunnar hafi leitt margar
þær þjóðir sem nú eru í vanda, ein-
mitt í þær ógöngur sem þær eru í.
Ekkert bendir til annars en að
krónan verði gjaldmiðill Íslands í
fyrirsjáanlegri framtíð með þeim
eina fyrirvara að gjaldmiðlamál
heimsins alls eru á hverfanda hveli.
Allavega er það ljóst, að engin
gjaldmiðils- og peningastefna verð-
ur mótuð hér á landi, með aðild
okkar vinstri grænna, öðruvísi en
að krónan verði þar fullgildur val-
kostur við aðrar hugmyndir.“
Gróskan er víða mikil
Steingrímur sagðist í gær von-
góður um að nýjum fjárfestinga-
verkefnum, þar með talin verkefni á
sviði sjálfbærrar orkunýtingar, færi
fjölgandi á næstu mánuðum. „Slíkt
skiptir vissulega máli og mun styðja
enn frekar við efnahagsbatann.
Landsvirkjun er nú þegar í langt
komnum viðræðum við nokkra aðila
um nýtingu orkunnar í Þingeyjar-
sýslu og er að fjárfesta fyrir millj-
arða til undirbúnings nýtingu ork-
unnar þar.“
Formaðurinn sagði að stór verk-
efni á þessu sviði væru vissulega
mikilvæg en þó ekki „upphaf og
endir atvinnulífsins, eins og ætla
mætti af málflutningi sumra. Öflug
hagkerfi eru fyrst og síðast drifin
áfram af smáum og meðalstórum
fyrirtækjum í vexti og almennri
grósku. Og gróskan er víða mikil í
atvinnulífinu.“
Steingrímur nefndi að mikið starf
væri óunnið við að endurheimta trú-
verðugleika og traust sem skiljan-
lega hefði tapast í hruninu. „Í þeim
efnum hefðum við sem ríkisstjórn
og meirihluti þurft að ná meiri ár-
angri. Okkur er að vísu ekki léttur
leikurinn, því þegar traustið er far-
ið þá er svo óendanlega auðvelt að
gera allt tortryggilegt. Það er svo
auðvelt að jafnvel afdankaðir ráð-
herrar úr hrunstjórninni sem enn
spora gólfið með eigin skítugu
skóm, ganga nú fram sem hvítskúr-
aðir, vængjaðir englar og bera
rakalausar ávirðingar upp á aðra.“
Almannahagur
Þetta leysti stjórnvöld þó ekki
undan ábyrgð. „Við þurfum að gera
betur í að sýna það og sanna með
verkum okkar að betri tímar séu
gengnir í garð í þessum efnum. Að
það sé almannahagur sem sé okkar
leiðarljós, að tímar einkavinavæð-
ingar, sérhyggju og klíkumennsku
séu liðnir. Á sviði upplýsingagjafar
og uppbyggilegrar rökræðu þarf
þessi ríkisstjórn sannarlega að gera
betur. Við verðum að leggja okkar
af mörkum til þess að þjóðmála-
umræða á Íslandi komist á boðlegt
plan og hvorki ráðvillt stjórnarand-
staða, skolpræsin úr Hádegismóum
né skúmaskot nafnleysis í netheim-
um er afsökun fyrir því að gera ekki
betur.“
Formaðurinn sagðist aldrei hafa
verið sannfærðari en nú um það, að
framtíð Íslands væri björt. „Í þess-
um sjö milljarða manna heimi okk-
ar, þar sem uppdráttarsýki nýkapí-
talismans hefur því miður um sinn
skyggt á flest annað, hluti eins og
geigvænlegar loftslagsbreytingar,
loftmengun, vatnsskort, misskipt-
ingu gæða, hina siðlausu sóun víg-
búnaðar og styrjalda o.s.frv., þá
stendur Ísland ótrúlega vel að vígi
um leið og við höfum að fullu unnið
bug á tímabundnum efnahagsvanda
okkar. Svo fremi sem tekist verði á
við þessa örlagahluti heimsins með
árangursríkum hætti, þá hefur Ís-
land allt sem þarf til að hér dafni
gott samfélag. Við höfum okkur
sjálf, okkar mikla mannauð, við höf-
um náttúruauðlindir, mat, vatn,
orku, landrými, við höfum gnægð
alls þess sem allt of marga aðra
skortir í okkar hrjáða heimi.“
Sæluríkið lítur ekki vel út
 Krónan verði áfram gjaldmiðill Íslands  Formaður VG ítrekaði að hagsmunum Íslands væri betur
borgið utan ESB en innan  Steingrímur aldrei sannfærðari en nú um að framtíð Íslands sé björt
Morgunblaðið/Skapti Hallgrímsson
Formaður Landsfundur VG hófst í menningarhúsinu Hofi á Akureyri í gær og stendur fram á morgundag.
6 FRÉTTIRInnlent
MORGUNBLAÐIÐ LAUGARDAGUR 29. OKTÓBER 2011
G l æ s i b æ | Á l f h e i m u m 7 4 | 1 0 4 R e y k j a v í k | Þ j ó n u s t a á l a n d s b y g g ð i n n i | S í m i 5 6 8 6 8 8 0 | w w w. h e y r n a r t æ k n i . i s *Í flokki bak við eyra heyrnartækjasem búa yfir þráðlausri tækni og hljóðstreymingu
Minnstu heyrnartæki í heimi*
Opið hús
Í dag kynnum við ...
Í dag, laugardaginn 29. október verður opið hús hjá Heyrnartækni frá 12 - 16.
Komdu og kynntu þér Intiga - minnstu heyrnartæki í heimi!
Fríar heyrnarmælingar. Kaffi og ljúffengar kökur.
Hjörleifur Guttormsson, fyrrver-
andi ráðherra, lýsti í almennum
stjórnmálaumræðum á landsfund-
inum í gærkvöldi yfir mjög mikilli
andstöðu við viðræður Íslands við
ESB. Þráinn Bertelsson alþing-
ismaður gagnrýndi hins vegar
mjög sjónarmið Hjörleifs.
Hjörleifur spurði hvort VG
myndi, ef svo ólíklega færi að tæk-
ist að hraða viðræðuferlinu og
koma saman samningsdrögum fyr-
ir næstu alþingiskosningar, skrifa
undir þau ásamt Samfylkingunni
og láta málið þannig fara í þjóð-
aratkvæðagreiðslu.
„Verði ekki grundvallarbreyting
á afstöðu og viðbrögðum flokks
okkar gagnvart viðræðuferlinu
mun VG standa uppi sem tvíhöfða
þurs og flokkurinn rúinn trausti.
Það er mál til komið að Vinstri
hreyfingin – grænt framboð horfi
raunsætt á þessa stöðu og þá
ábyrgð sem á flokki okkar hvílir í
stærsta máli sem þjóðin hefur bor-
ið frá því við náðum fullveldi
1918,“ sagði Hjörleifur Guttorms-
son, og að lokum: „Góðir félagar;
eigum við ekki að nudda stírurnar
úr augunum og líta á efnisatriði
þess máls og það sem er í húfi fyr-
ir alda og óborna.“
Þráinn, sem gekk til liðs við
þingflokk VG ekki alls fyrir löngu,
sagðist hafa boðið sig fram í síð-
ustu kosningum fyrir flokk sem
vildi sækja um aðild að ESB til
þess að þjóðin gæti tekið ákvörð-
un um það sjálf, hvort hún gengi í
Evrópusambandið. Hann sagðist
hafa verið velkominn þegar rík-
isstjórnin þurfti á honum að halda.
„Kjósendur voru líka velkomnir og
það er ekki hægt að segja þeim að
fara til fjandans með þessari miklu
ESB-andúð og vera áfram leppríki
Bandaríkjanna.“
„Eigum við ekki að nudda
stírurnar úr augunum?“
MEÐ OG Á MÓTI ESB- UMSÓKN