Morgunblaðið - 29.10.2011, Blaðsíða 17

FRÉTTIR 17Innlent
MORGUNBLAÐIÐ LAUGARDAGUR 29. OKTÓBER 2011
Ármúla 30 | 108 Reyk jav í k | S ími 560 1600 | w w w.borgun . i s
Það er alltaf nóg að gera!
Borgun gerir það eins
auðvelt og hægt er.
J
Ó
N
S
S
O
N
&
L
E
’M
A
C
K
S
•
jl
.i
s
•
S
ÍA
Kjartan Kjartansson
kjartan@mbl.is
Komið verður á samtengdri raf-
rænni sjúkraskrá fyrir allt landið og
þjónustustýringu innan heilbrigðis-
kerfisins ef tillögur ráðgjafahóps
velferðarráðherra um breytingar á
skipulagi heilbrigðisþjónustu verða
að veruleika.
Tillögur ráðgjafahópsins voru
kynntar í gær en þær eru byggðar á
skýrslu sem ráðgjafarfyrirtækið
Boston Consulting Group gerði að
beiðni ráðherra. Var hópnum ætlað
að skoða hvort þörf væri á grundvall-
arbreytingum á heilbrigðisþjónust-
unni og í hverju þær gætu falist
þannig að unnt væri að uppfylla
markmið um öryggi og jöfnuð á
sama tíma og aðhaldskröfum fjár-
laga væri mætt.
Í skýrslu ráðgjafarfyrirtækisins
kom fram að bæta þyrfti til muna
áætlanagerð og árangursstjórnun í
íslenska heilbrigðiskerfinu. Nú eru
sjúkraskrár aðeins samtengdar inn-
an heilbrigðisumdæmanna sjö en til-
laga ráðgjafahóps ráðuneytisins
kveður á um að komið verði á sam-
tengdri rafrænni sjúkraskrá fyrir
allt landið sem tekur til heilsufars
einstaklinga frá vöggu til grafar.
„Það er ekki spurning um það að
það yrði auðveldara að halda uppi
hagkvæmri gæðaþjónustu. Dæmi
eru um að fólk fer inn í kerfið í
Reykjavík og rannsóknir eru jafnvel
endurteknar því að það er ekki að-
gangur að sjúkraskrám,“ segir Þor-
valdur Ingvarsson, forstjóri Sjúkra-
hússins á Akureyri, sem átti sæti í
ráðgjafahópnum, spurður hvort eitt-
hvað sparist með slíkri samræmdri
sjúkraskrá.
Engin þjónustustýring hér
Bent er á það í skýrslu ráðgjaf-
arfyrirtækisins að Ísland sé nánast
einstakt í því á meðal Evrópulanda
þar sem ríkisrekin heilbrigðisþjón-
usta er á föstum fjárlögum að hér er
engin þjónustustýring á milli heim-
ilislækna, sérfræðinga, göngudeilda,
sjúkrahúsa og bráðadeilda. Fyrir
vikið sé hætta á að þjónusta sér-
greinalækna verði ofnotuð. Kostnað-
ur vegna hennar hafi aukist um sjö
prósent frá 2008 jafnframt sem fjár-
útlát til flestra annarra þátta hafa
minnkað.
Því er lagt til að slíkri þjónustu-
stýringu verði komið á í áföngum.
Þannig verði öll heilbrigðisþjónusta
tengd samtengdu sjúkraskránni og
formleg samvinna göngudeilda, sér-
greinalækna og heilsugæslu aukin.
Þá verði einn tiltekinn læknir, að
jafnaði heimilislæknir, gerður
ábyrgur fyrir þjónustustýringu
sjúklings.
Til þess að auðvelda fólki að vita
hvert það á að snúa sér innan heil-
brigðiskerfisins er lagt til að komið
verði á símaráðgjöf með leiðbeining-
um allan sólarhringinn um land allt
og gagnvirkri heimasíðu með
fræðslu um notkun kerfisins.
Endurskoða heilsugæsluna
Einnig er lagt til að heilsugæslan á
höfuðborgarsvæðinu verði endur-
skipulögð og greiðslufyrirkomulag
verði endurskoðað í þágu sveigjan-
leika, hagkvæmni, gæða og skil-
virkrar þjónustu.
Enginn tímarammi hefur enn ver-
ið settur fram um hvenær tillögurn-
ar gætu hugsanlega komið til
framkvæmda en vinna við að
ákvarða hann hefst innan
tíðar í ráðuneytinu. Guð-
bjartur Hannesson, vel-
ferðarráðherra, segist þó
vonast til þess að sam-
ræmd sjúkraskrá geti
komist í gagnið árið
2013.
Kerfinu breytt og það bætt
 Ráðgjafahópur leggur til að þjónustustýring verði tekin upp í áföngum innan heilbrigðiskerfisins
 Samtengd rafræn sjúkraskrá fyrir allt landið lykill að meiri gæðum og sparnaði á næstu árum
Heilsugæsla Heimilislæknar yrðu að jafnaði ábyrgir fyrir þjónustustýr-
ingu sjúklinga samkvæmt tillögum ráðgjafarhóps velferðarráðherra.
Fyrirséð er að sumar tillögur
ráðgjafarhópsins eigi eftir að
falla í grýttan jarðveg á lands-
byggðinni. Bent er á í skýrslu
Boston Consulting Group að
hugsanlega séu heilbrigð-
isumdæmi, heilsugæslu-
stöðvar, hjúkrunarheimili,
heilbrigðisstofnanir og sjúkra-
hús of mörg á landinu.
Þá séu margir heim-
ilislæknar á vakt á lands-
byggðinni og nýting sjúkra-
bifreiða misjöfn og jafnvel
engin sums staðar.
Því leggur ráðgjafarhóp-
urinn meðal annars til
að lokið verði við sam-
einingu heilbrigðisstofn-
ana, vaktsvæðum verði
fækkað um landið og
sjúkraflutningar verði
endurskipulagðir.
Þá verði hjúkrunar-
og sjúkrarými á heil-
brigðisstofnunum
skilgreind nánar og
nýting þeirra
greind.
Of margar
stofnanir
FJÖLDI TILLAGNA
Guðbjartur
Hannesson