Morgunblaðið - 29.10.2011, Blaðsíða 14
Ránið og rannsóknin
» Um viku fyrir ránið komu
ræningjarnir til landsins með
flugi og hinn 11. október kom
samverkamaður þeirra með
Norrænu á silfruðum Audi-bíl.
» Tollgæslan framkvæmdi ít-
arlega leit í bílnum 11. október
og lét lögreglu vita af grun-
semdum sínum. Aftur fékk lög-
reglan upplýsingar frá Toll-
gæslu 16. október.
» Hinn 17. október var ránið
framið í verslun Michelsen.
» Lögreglan fann bíl Pólverj-
ans eftir ábendingar Tollgæslu
og ítarleg leit fór fram í bílnum
25. og 26. október. Við seinni
leitina fundust úrin og þann
dag tilkynnti lögreglan lausn
málsins.
BAKSVIÐ
Björn Jóhann Björnsson
bjb@mbl.is
Rannsókn og eftirfylgni tollvarða
hjá Tollgæslunni áttu samkvæmt
upplýsingum Morgunblaðsins tölu-
verðan þátt í því að lögreglan upp-
lýsti á nokkrum dögum ránið sem
framið var 17. október síðastliðinn
í úraverslun Frank Michelsen við
Laugaveg.
Maðurinn sem lögreglan hand-
tók í vikunni vegna aðildar að rán-
inu kom einn til landsins með Nor-
rænu á silfurlitaðri Audi-bifreið
11. október sl. og samkvæmt upp-
lýsingum blaðsins vakti hann strax
athygli tollvarða þegar farið var
yfir farþegalistann daginn áður en
skipið lagðist að bryggju.
Tollgæslan ákvað að framkvæma
ítarlega leit í bílnum á Seyðisfirði.
Ekkert fannst við leitina, sem stóð
yfir í sex tíma, en leitarhundar
sýndu bílnum engu að síður mik-
inn áhuga, sem tollverðir töldu
merki þess að fíkniefni hefðu ein-
hvern tímann verið í bílnum.
Ótrúverðugar skýringar
Var maðurinn, Pólverji á fer-
tugsaldri, yfirheyrður á Seyðisfirði
og þótti framkoma hans óörugg og
skýringar á tilgangi ferðarinnar til
Íslands ótrúverðugar. Sagðist
hann hafa komið til Íslands til að
leita sér að vinnu.
Hafði Pólverjinn keypt bílinn í
Hull í Bretlandi 27. september sl.
og var hann því á bresku skráning-
arnúmeri. Hlutir í fórum mannsins
og í bílnum vöktu grunsemdir Toll-
gæslunnar um að tilgangur ferð-
arinnar væri eingöngu sá að koma
einhverju ólöglegu inn í landið eða
út úr því.
Að lokinni leit í bílnum var
manninum sleppt en Tollgæslan
lét lögregluna strax vita af ferðum
hans, eða 11. október, og sendi
jafnframt myndir af honum og
bílnum. Var hann settur á gátlista
Tollgæslunnar og sérstaklega
fylgst með því hvort hann færi úr
landi, en Pólverjinn átti hins vegar
bókað far með Norrænu til baka
19. október. Sú ferð féll síðan nið-
ur vegna veðurs en miðað við leit-
ina sem framkvæmd var við kom-
una til landsins má telja ólíklegt að
maðurinn hefði komist úr landi
með þýfið.
Lögregla var látin vita af ferð-
um bílsins í tölvupósti hinn 16.
október eða daginn fyrir ránið í
verslun Michelsens, en Pólverjinn
hafði skráð sig inn á gistiheimili í
Kópavogi eftir ferðalagið frá Seyð-
isfirði. Grunaðir samverkamenn
mannsins komu sem kunnugt er
með flugi til landsins viku fyrir
ránið en komust úr landi að því
loknu og eru eftirlýstir.
Úrin fundust í bílnum
Strax eftir ránið mánudaginn
17. október minnti Tollgæslan
lögregluna á Pólverjann og fannst
Audi-bifreið hans við gistihúsið.
Ítarleg leit fór fram í bílnum í
tvígang og með aðstoð röntgen-
myndavéla og tollvarða fann lög-
reglan úrin vel falin innan í hurð-
um bílsins og innan í
farangursgeymslu, alls um 50 úr
að verðmæti 50-70 milljóna
króna.
Þessi þáttur Tollgæslunnar í
því að ránið upplýstist svo fljótt
hefur ekki farið hátt til þessa, en
í tilkynningu lögreglunnar sl.
fimmtudag, þegar tilkynnt var
um gæsluvarðhald yfir Pólverj-
anum handtekna, er Tollgæslu og
embætti ríkislögreglustjóra þakk-
að fyrir aðstoð við rannsókn
málsins.
Rannsókn Tollgæslu skipti miklu
Bíllinn Audi-bifreiðin sem tollverðir rannsökuðu hátt og lágt við komuna til
landsins með Norrænu 11. október sl. Ekkert fannst þá við leitina en síðar
fundust úrin í bílnum, sem ætlað var að fara með ránsfenginn úr landi.
Pólverjinn sem tekinn var vegna úraránsins vakti grunsemdir tollvarða við komuna til landsins með
Norrænu Ítarleg leit í bílnum skilaði engu en lögreglan var látin vita Úrin fundust síðar í bílnum
Morgunblaðið/Júlíus
Úrin Frá blaðamannafundi lögreglunnar þar sem þýfið úr Michelsen-ráninu
var opinberað. Fundust úrin í bílnum hér til hliðar sem kom með Norrænu.
14 FRÉTTIRInnlent
MORGUNBLAÐIÐ LAUGARDAGUR 29. OKTÓBER 2011
Björn Jóhann Björnsson
bjb@mbl.is
Tollgæslan og lögreglan á Seyðisfirði fundu mikið
magn ætlaðs þýfis í tveimur bílum við brottför
Norrænu í vikunni. Ítarleg leit fór fram í bílunum
en þeim var ekið af tveimur Litháum á miðjum
aldri sem hafa dvalið um nokkurt skeið hér á landi
við ýmiss konar verkamannavinnu.
Í bílum þeirra fannst margs konar varningur,
sem að langstærstum hluta er talinn vera þýfi úr
verslunum hér á landi að undanförnu. Fer lög-
reglan nú með rannsókn málsins, en að lokinni yf-
irheyrslu var mönnunum sleppt úr landi með Nor-
rænu. Alls er um eitt hundrað hluti að ræða sem
fundust í bílunum undir hefðbundnum ferðafatn-
aði. Má þar nefna fatnað ýmiskonar, snyrtivörur,
verkfæri, mótorhjól í pörtum, rakvélablöð í
stórum stíl og mikið magn af lýsispillum, sem þyk-
ir óvenjulegur varningur þegar ætlað þýfi er ann-
ars vegar. Engin fíkniefni fundust í fórum mann-
anna.
„Það er í sjálfu sér ekkert nýtt að við leitum við
brottför ferjunnar. Við bæði komu og brottför fer
fram mikið eftirlit af hálfu Tollgæslu og lögreglu
en okkur vitanlega er ekki mikið um að stolinn
varningur fari héðan með ferjunni,“ segir Árni El-
ísson, aðstoðaryfirtollvörður á Seyðisfirði, í sam-
tali við Morgunblaðið.
Tollgæslan og lögreglan höfðu undirbúið meiri
viðbúnað en venja er við Norrænu í vikunni vegna
rannsóknar á úraráninu sem síðan leystist
skömmu áður en ferjan fór úr landi á mið-
vikudagskvöld, í sinni síðustu almennu farþega-
ferð haustsins. Í vikulegum ferðum í vetur verður
fyrst og fremst siglt með vörur til landsins.
Með mikið þýfi við brottför Norrænu
Tollgæsla og lögregla
fundu m.a. fatnað,
rakvélablöð og lýsispillur
Norræna Við brottför ferjunnar sl. miðvikudagskvöld fannst mikið magn af ætluðu þýfi
um borð í tveimur bílum sem Litháar voru á. Þeir höfðu unnið hér um nokkurt skeið.
Morgunblaðið/Steinunn Ásmundsdóttir
Maðurinn sem lögreglan handtók
vegna ránsins í verslun Franks Mic-
helsens hefur verið úrskurðaður í
gæsluvarðhald til 10. nóvember nk.
Eins og kemur fram hér til hliðar
kom hann á bíl til landsins með
Norrænu og var greinilega ætlað
að fara með ránsfenginn úr landi.
Mennirnir þrír sem rændu versl-
unina komust hins vegar úr landi
með flugi til Danmerkur daginn
eftir ránið. Hafa þeir verið eft-
irlýstir og alþjóðleg hand-
tökuskipun gefin út. Allt eru þetta
pólskir ríkisborgarar á fertugsaldri
og ekki talið að þeir hafi áður kom-
ið til landsins. Notuðust þeir við
þrjá stolna bíla á flótta sínum frá
versluninni.
Úrin sem þeir tóku, 49 að tölu,
þar af 40 Rolex-úr, eru talin jafn-
virði 50-70 milljóna króna. Frank
Michelsen hefur ekki fengið ráns-
fenginn í hendur, þar sem úrin eru
enn innsigluð hjá lögreglu vegna
rannsóknarinnar. Þau eru að ein-
hverju leyti löskuð og rispuð en að
sögn Franks er möguleiki að lag-
færa þau.
Ný sending væntanleg
Úrin verða þó aldrei seld aftur á
fullu verði. Trygging bætir tjónið
að hluta en Frank á von á nýrri
sendingu fljótlega af hinum eft-
irsóttu Rolex- og Tudor-úrum. Ör-
yggismál í versluninni verða öll
endurskoðuð vegna ránsins.
Einn úrskurðaður í gæslu-
varðhald og þrír eftirlýstir
Mennirnir sem stóðu að ráninu við Laugaveg