Morgunblaðið - 29.10.2011, Blaðsíða 16

ÚR BÆJARLÍFINU
Líney Sigurðardóttir
Þórshöfn
Það er ávinningur fyrir byggð-
arlagið þegar ungt fólk snýr aftur
heim á æskustöðvarnar með starfs-
krafta sína og menntun, eftir
margra ára búsetu fjarri heima-
byggðinni, en sú er raunin hér á
Þórshöfn nú í seinni tíð. Til starfa
komu leikskólastjóri, kennari, skrif-
stofustjóri og snyrtifræðingur sem
opnaði nýverið snyrtistofu á staðn-
um og fleira gott fólk, sem allt á
rætur að rekja hingað á Langanes-
ið og hefur nú sest að með fjöl-
skyldur sínar. Margir nefna það
sem stóran kost að vera laus við
umferðarasann, svo ekki sé talað
um tímann og kostnað sem fylgir
því að þurfa að aka langar vega-
lengdir til vinnu og með börn í
gæslu.
  
Ágætri sumarvertíð er lokið
hjá Ísfélaginu hér á Þórshöfn og
mikil vinnutörn að baki, þar sem
bæði heimafólk og aðkomnir keppt-
ust við að bjarga verðmætum og
lögðu þar nótt við dag. Vertíðin var
sérstök að því leyti að sjaldan eða
aldrei hefur jafnhátt hlutfall aflans
farið í frystingu, um 97% af 13.000
tonnum af síld ásamt makrílfryst-
ingu svo þarna urðu til verðmætar
afurðir til manneldis. Ísfélag Vest-
mannaeyja hefur staðið vel að upp-
byggingu fyrirtækisins á Þórshöfn
og nú stendur yfir bygging á ket-
ilhúsi og gufukatlar hafa verið end-
urnýjaðir. Fyrsta loðnan á vetr-
arvertíðinni kom á land í vikunni
og fór í bræðslu en bolfiskvinnsla
verður í frystihúsinu þar til loðna
kemur í einhverju magni.
  
Eftir annríki sumars og hausts
er tími til að létta sér upp en und-
irbúningur er hafinn fyrir Smala-
bita bændanna og sameiginlega há-
tíð björgunarsveitar og leikfélags
sem báðar verða í nóvember með
matarveislum, skemmtidagskrá og
dansleikjum.
  
Framhaldsskóladeildin í
Menntasetrinu hóf þriðja starfs-
árið sitt í haust í nýju og stærra
húsnæði en þar er Þekkingar-
netið einnig til húsa. Rúmt er nú
um nemendur og starfsfólk og
húsnæðið býður upp á stækk-
unarmöguleika. Skólinn er deild
frá Framhaldsskólanum á Laug-
um og þar stunda nú sjö nem-
endur nám á fyrsta og öðru ári
en mikils virði er fyrir nem-
endur að geta lokið fyrstu
tveimur árum framhaldsnáms í
heimabyggð.
Unga fólkið snýr aftur heim
Morgunblaðið/ Líney Sigurðardóttir
Framhaldsskóli Vel fer um nemendur og starfsfólk Menntasetursins í
reisulegu húsinu sem heimamenn nefna Hávarðsstaði.
Athafnakonan og frumkvöðullinn
Þórdís Lóa Þórhallsdóttir tók á
fimmtudag á móti viðurkenningu
frá alþjóðlegu samtökunum TI-
AW (The International Alliance
of Women). Þórdís Lóa hlaut við-
urkenninguna fyrir fræðslu,
hvatningu og stuðning í þágu
kvenna í frumkvöðlastarfsemi.
Afhending viðurkenning-
arinnar fór fram í Washington.
Þórdís Lóa er félags- og fjöl-
miðlafræðingur og félagsráðgjafi
með MBA-gráðu í alþjóðastjórn-
un. Hún á og rekur Pizza Hut í
Finnlandi og á Íslandi ásamt
Pétri Jónssyni. Hún er stjórn-
arformaður í Finnsk-íslenska við-
skiptaráðinu. Hún leiðir fjárfest-
ingarfélagið Naskar ehf. og situr
í stjórn Naskur ehf. og Fresko
ehf. Þórdís Lóa sat í stjórn Fé-
lags kvenna í atvinnurekstri,
FKA, 2008-2010.
Viðurkenning fyrir
hvatningu kvenna
Stolt Þórdís Lóa Þórhallsdóttir athafna-
kona tekur við viðurkenningu.
16 FRÉTTIRInnlent
MORGUNBLAÐIÐ LAUGARDAGUR 29. OKTÓBER 2011
Rauði kross Íslands hefur opnað
fyrir söfnunarsíma sinn 904 1500
vegna jarðskjálftans sem reið yfir
Tyrkland. Þegar hringt er í núm-
erið bætast 1.500 kr. við næsta sím-
reikning. Tugþúsundir Tyrkja sem
misstu heimili sín í jarðskjálftanum
þurfa á tafarlausri hjálp að halda.
Þeir hafast við undir berum himni,
og fer hitastig niður fyrir frost-
mark á nóttunni á þessum slóðum.
Alþjóða Rauði krossinn hefur
sent út neyðarbeiðni sem hljóðar
upp á 1,3 milljarða íslenskra króna
til þess að styrkja neyðaraðstoð
Rauða hálfmánans í Tyrklandi.
Einnig er hægt að styrkja hjálp-
arstarf Rauða krossins með því að
greiða inn á reikning hjálparsjóðs í
banka 0342, hb. 26, reikn. 12, kt.
530269-2649.
Reuters
Eyðilegging Gríðarleg eyðilegging er víða
á skjálftasvæðunum í Tyrklandi.
Rauði krossinn veit-
ir aðstoð í Tyrklandi
SÍBS hefur stofnað samstarfshópinn Annað líf ásamt sjúklingasamtökunum
Hjartaheillum, Félagi nýrnasjúkra og Samtökum lungnasjúklinga. Hópurinn
hefur það að markmiði að efla umræðu um líffæragjafir og fá samþykkt á Al-
þingi lög um „ætlað samþykki“ fyrir líffæragjöfum, en ætlað samþykki felur
í sér að einstaklingar eru sjálfkrafa líffæragjafar nema þeir óski annars.
Fjöldi Íslendinga hefur öðlast annað líf eftir að hafa þegið líffæri, segir í
frétt frá SÍBS.
Annað líf mun gangast fyrir fjölmiðla- og fræðsluátaki um líffæragjafir,
sem nær hápunkti í málþingi um líffæragjafir í febrúar nk., þar sem fagfólk,
líffæraþegar og gjafar og aðstandendur taka þátt.
Samstarfshópur um líffæragjafir
STUTT
„Þetta hefur mælst vel fyrir og leyst
mörg af þeim málum sem óánægja
var með,“ segir Friðþór Eydal, upp-
lýsingafulltrúi Isavia, um flutning
komufarþega Flugstöðvar Leifs Ei-
ríkssonar með rútum á milli bygg-
inga.
Vegna ósamræmis í reglum í Evr-
ópu og Ameríku þurftu farþegar sem
komu frá Bandaríkjunum og Kanada
að fara í gegnum öryggisleit við kom-
una til landsins. Gangurinn á milli
suðurbyggingar flugstöðvarinnar og
aðalbyggingar er svo þröngur að
ekki er hægt að skipta honum til að
leiða komufarþega aðra leið inn í af-
greiðslusal en biðfarþega sem bland-
ast öðrum farþegum í flugstöðinni.
Þegar mikið var að gera urðu bið-
raðir við öryggisleitina og tafir og
var iðulega kvartað undan því.
Friðþór segir að mögulegt sé að
leysa þetta með því að byggja við
húsið en það hafi verið talin of mikil
og kostnaðarsöm framkvæmd. Málið
var leyst með því að gera nýjan út-
gang á suðurbyggingu og nýjan inn-
gang á afgreiðslusal þar sem tösk-
urnar eru afhentar og rútur látnar
flytja farþegana á milli. Þetta fyr-
irkomulag hófst haustið 2010 og gekk
vel í sumar, að sögn Friðþórs. Keypt-
ar voru tvær hentugar rútur í verk-
efnið. helgi@mbl.is
Vandamálið leyst
með tveim rútum
 Iðulega kvartað undan biðröðum við
öryggisleitina og töfum sem fylgdu þeim
Morgunblaðið/Þorkell
Koma Farþegar frá Ameríku fara lengur í öryggisleit við komuna til landsins.
Sigling í Suðurhöfum
 

       
www.excellentia.is
La ora na e maeva!
 
  


      




Tahiti eyjaklösunum, sem spanna gríðarstórt svæði, á við stærð
Evrópu og telja um 118 eyjar. Þetta er hin sannkallaða paradís;
kristalstær Kyrrahafslón í ótal bláum litbrigðum, skrautlegir
hitabeltisfiskar spriklandi rétt við yfirborðið, drifhvítar
kórallastrendur og eilíft sumar. Excellentia býður lúxussiglingu
með Princess Cruises skipafélaginu á þessar heillandi slóðir í
Suðurhöfum þann 27. janúar næstkomandi.
Princess skipafélagið er rómað fyrir glæsilega hönnun og frábæra
þjónustu. Skipafélagið hefur hlotið margvíslegar viðurkenningar
m.a. fyrir vandaðar ferðaáætlanir og aðbúnað um borð.
Ferðatilhögun:
 Flug Icelandair þann 27. janúar til Parísar. Gist eina nótt.
 Flug Air Tahiti Nui þann 28. janúar um Los Angeles til Papeetee.
Lent seint um kvöld þann 28. janúar.
  

  
   Haldið til baka með flugi Air Tahiti Nui þann 7. febrúar um Los
Angeles og París
 Lending í Keflavík þann 9. febrúar.
Möguleiki á framlengingu á lúxushóteli í Papeete í 2 nætur eftir siglingu.
Verð frá:
495,000 kr   Áætlaðir flugvallaskattar samtals 96,000 kr.
Innifelur:
     
     

  
 
tveggja manna klefa, afþreyingu um borð og íslenska fararstjórn.
Takmarkaður fjöldi, Verð háð gengi og getur breyst án fyrirvara.
Papeete - Huahine -Rangiroa -Raiatea -Bora Bora -Moorea
!

    " www.excellentia.is
Bókunarsímar:
552 0550 og 898 6883