Morgunblaðið - 29.10.2011, Blaðsíða 33

UMRÆÐAN 33
MORGUNBLAÐIÐ LAUGARDAGUR 29. OKTÓBER 2011
H
V
ÍT
A
H
Ú
SI
Ð
/
SÍ
A
11
-2
37
1
Íslandsbanki er aðalstyrktaraðili Hvað ef? skemmtifræðslu
og býður grunnskólanemum á sýningar í vetur.
Um er að ræða uppistand og skemmtifræðslu fyrir unglinga, foreldra og
kennara um málefni sem ungt fólk stendur frammi fyrir þegar það er að
vaxa úr grasi. Með húmorinn og einlægnina að vopni er opnuð umræða um
raunveruleika ungmenna á Íslandi og fjallað um mál eins og vímuefni,
áfengi, kynferðisofbeldi, ölvunarakstur, einelti og foreldravandamál.
Hvað ef? hefur hlotið fádæma góðar viðtökur og lof áhorfenda og þeirra
sem vinna við forvarnir og fræðslu. Nú þegar hafa á þriðja þúsund
nemendur og foreldrar séð þetta frábæra verk í boði Íslandsbanka. Verkið er
sýnt í Kassanum í Þjóðleikhúsinu.
„Ein áhrifamesta forvarnarfræðsla sem
ég hef upplifað. Frábær rússíbani og
nemendur tala um atriðin lengi á eftir.“
Stefán Helgi
„Þetta var geðveikt leikrit ...(:“
Guðrún
„Þetta var mjög skemmtilegt og held að
allavegana ég hafi lært eithvað á þessu :)“
Magdalena
Myndskreyting: Kristján Þór / FÍT / dagsverk.is
„Ein áhrifamesta forvarnarfræðsla
sem ég hef upplifað“
BRIDS
Umsjón Arnór G.
Ragnarsson| norir@mbl.is
Þorsteinn Laufdal leiðir
í Gullsmáranum
Að loknum 8 umferðum í sveita-
keppni félagsins (af 13) þá leiðir sveit
Þorsteins Laufdal en keppnin á
toppnum er annars mjög jöfn og
spennandi.
Staða efstu sveita:
Sveit Þorsteins Laufdal 150
Sveit Guðrúnar Gestsdóttur 136
Sveit Einars Markússonar 133
Sveit Guðrúnar Hinriksdóttur 132
Sveit Ármanns J. Lárussonar 130
Sveit Birgis Ísleifssonar 129
Bridsfélag Kópavogs
Síðastliðinn fimmtudag lauk
þriggja kvölda Butler-tvímenningi
hjá Bridgefélagi Kópavogs. Gísli
Tryggvason og Leifur Kristjánsson
náðu bestum árangri það kvöld með
52 impa í plús. Efstir í heildrkeppn-
inni urðu hins vegar Júlíus Snorra-
son og Eiður Mar Júlíusson með 11
impa forskoti á annað sætið.
Júlíus Snorras. - Eiður Mar Júlíuss. 72
Sigm. Stefánss. - Hallgrímur Hallgrímss. 61
Baldur Bjartmars - Sigurjón Karlsson/Hall-
dór Þorvaldsson 61
Sveinn R Þorvaldss. - Hjálmar S Pálss. 38
Gísli Tryggvas. - Leifur Kristjánss. 36
Árni Már Björnsson - Heimir Tryggvas. 8
Næsta keppni er aðalsveitakeppn-
in sem hefst fimmtudaginn 3. nóv-
ember kl. 19 stundvíslega. Spilaðir
verða tveir 14 spila leikir á kvöldi.
Nú þegar hafa átta sveitir skráð sig
en þeir sem vantar „væng“ geta haft
samband við Þórð í s. 862-1794.
Sú frétt var kunngjörð hinn 18.
október sl., að Alcoa væri hætt við að
reisa álver við Húsavík sem hug-
myndir hafa verið uppi um síðan
2005. Í Morgunblaðinu birtist þann
dag langt viðtal við Tómas Sigurðs-
son, forstjóra Alcoa á Íslandi sem á
og rekur álverið á Reyðarfirði. Í sama
blaði birtist líka viðtal við Berg Elías
Ágústsson, sveitarstjóra Norð-
urþings, sem segir: „Erum miður
okkar yfir þessum málalokum.“
Í viðtalinu er rakin saga hugmynda
Alcoa um málið. Fram kemur að fyr-
irtækið hafi lagt fram hugmyndir um
346.000 tonna álver sem yrði reist í
fleiri en einum áfanga. Slíkt álver
þarf um 5.360 GWh af raforku á ári,
reiknað í orkuveri. Þetta er svipuð
stærð álvers og Alcoa hefur nýlega
reist á Reyðarfirði.
Í viðtalinu segir Tómas: „Reynsla
Alcoa af fjárfestingum á Reyðarfirði
hefur verið mjög góð, en verkefnið á
Bakka gengur ekki upp, einfaldlega
vegna þess að það er ekki næg orka
til staðar og verðið er ekki viðunandi
fyrir nýtt álver.“
Eins og góðum forstjóra stórfyr-
irtækis sæmir fer Tómas varlega
þegar pólitík ber á góma. Morg-
unblaðið spyr: „Hafði það ekki úr-
slitaáhrif á það, að ekkert verður af
því að álver Alcoa rísi á Bakka að ný
vinstristjórn, ríkisstjórn Samfylk-
ingar og Vinstrihreyfingarinnar -
græns framboðs, tók við völdum á
árinu 2009?
Þessu svarar Tómas svo: „Ég ætla
ekki að segja úrslitaáhrif, en vissu-
lega hafði það áhrif. Það hefur legið
fyrir og komið æ skýrar í ljós að þessi
ríkisstjórn hefur allt aðrar áherslur í
atvinnuuppbyggingu og orkunýtingu,
en ríkisstjórnin sem við sömdum við í
upphafi. Ríkisstjórnin er bara með
aðra stefnu í orkuuppbyggingu en
var við lýði þegar undirbúningur
verkefnisins hófst og við hjá Alcoa
virðum það.“
Í viðtalinu kemur einnig fram að
gert er ráð fyrir að raforka til álvers á
Bakka myndi að mestu koma frá
jarðhita en ekki úr vatnsorku. Orka
úr jarðhita er óvissu undirorpin þar
til reynsla er komin á vinnslu hennar,
sem óhjákvæmilega
tekur tíma, en vatns-
orkuna er unnt að
meta fyrirfram.
Þetta er mikilvægur
munur sem seinkar
ákvörðunum sem
byggjast á jarðhita.
Til eru áætlanir
um virkjun Jökulsár
á Fjöllum frá ármót-
um Jökulsár og
Kreppu austur í
Fljótsdal. Þær sýna
að sú virkjun gæti skilað
4.000 GWh/ári, sem er
75% af orkuþörf 346.000
tonna álvers. 25% þyrftu
þá að koma úr jarðhita í
Þingeyjarsýslu. Öryggi
orkuafhendingar yrði með
þessu móti mun meira frá
upphafi en ef eingöngu er
stólað á jarðhitavirkjanir,
sem þurfa tíma til að
sanna sig. Þá yrði líka að
öllum líkindum mikill
jarðhiti eftir í Þingeyj-
arsýslu í „eitthvað annað“ sem ætti að
falla þeim í geð sem helst vilja sjá
„eitthvað annað“ en stóriðju.
Þessi virkjun Jökulsár myndi ekki
trufla áhorf ferðamanna á Dettifoss
að sumri til. Hann er meira en 100 km
neðan við inntaksstífluna og á þeim
kafla kemur mikill hluti vatnsins við
Dettifoss neðanjarðar inn í ána.
Er ekki ástæða til að skoða þessa
hugmynd í fullri alvöru? Það eru fleiri
álfyrirtæki í heiminum en Alcoa.
Slæmar fréttir – Alcoa hættir
við að reisa álver við Húsavík
Eftir Jakob
Björnsson
Jakob Björnsson
» Til eru áætlanir um
virkjun Jökulsár á
Fjöllum frá ármótum
Jökulsár og Kreppu
austur í Fljótsdal. Þær
sýna að sú virkjun gæti
skilað 4.000 GWh/ári,
sem er 75% af orkuþörf
346.000 tonna álvers.
Höfundur er fyrrv. orkumálastjóri.