Morgunblaðið - 29.10.2011, Blaðsíða 26

26 FRÉTTIRViðskipti | Atvinnulíf
MORGUNBLAÐIÐ LAUGARDAGUR 29. OKTÓBER 2011
STUTTAR FRÉTTIR
● Fjármögnunarkjör ítalska ríkisins
hafa aldrei verið verri frá því að landið
tók upp evru. Ítalska ríkið lauk útboði á
tíu ára ríkisskuldabréfum í gær og
nam krafan í útboðinu ríflega 6%.Um er
að ræða umtalsvert hærri ávöxtunar-
kröfu en í síðasta útboði á tíu ára
skuldabréfum ítalska ríkisins, sem fór
fram fyrir mánuði, en þá nam krafan
5,86%.
Versnandi kjör Ítalíu
Vísitala framleiðsluverðs hækkaði
um 13,9% á ársgrundvelli í sept-
ember samkvæmt tölum Hagstofu Ís-
lands sem birtar voru í gær. Þrátt
fyrir þessa þróun lækkaði vísitalan
frá því í ágúst. Vísitalan lækkaði hins
vegar milli mánaða eða um 0,6%.
Vísitala framleiðsluverðs fyrir vörur
sem voru seldar innanlands hækkaði
um 1,2% frá ágúst til september en
vísitalan fyrir vörur sem fluttar voru
út lækkaði um 1,2% á sama tímabili.
Kostnaður
hækkar
Hagnaður Haga á fyrri helmingi
rekstrarársins 2011–2012 nam ríf-
lega einum milljarði eða um 3% af
veltu félagsins . Um er að ræða
tímabilið frá 1. mars til ágústloka.
Hagnaðurinn á sama tímabili í fyrra
nam 470 milljónum króna. Hagar
reka sem kunnugt er meðal annars
verslunarkeðjurnar Bónus og Hag-
kaup.
Hagnaður fyrir afskriftir, fjár-
magnsliði og skatt dróst hinsvegar
saman miðað við sama tímabil í fyrra
en hann var 2,2 milljarðar í ár en var
2,4 milljarðar á sama tímabili í fyrra.
Vörusala félagsins nam 33,7 millj-
örðum króna, samanborið við 33,8
milljarða króna fyrir sama tímabil
árið áður. Á síðasta rekstrarári var
verslanakeðjan 10-11 hluti af sex
mánaða árshlutareikningi félagsins.
Að teknu tilliti til brotthvarfs á
rekstri 10-11 nemur söluaukning fé-
lagsins 6,14%, að því er fram kemur í
fréttatilkynningu um afkomuna.
Hagstæðari fjármögnun
Þegar rýnt er í lykiltölur í árshlut-
areikningi Haga sést að miklar
skammtímaskuldir sem hvíldu á fé-
laginu hafa verið endurfjármagnað-
ar til lengri tíma. Áhrif þessa sjást
glöggt í afkomunni en fram kemur í
fréttatilkynningunni að veruleg
breyting hafi orðið á fjármagnsliðum
félagsins milli ára, sem skýrist bæði
af einskiptisliðum og af hagstæðari
lánakjörum, en á fyrri helmingi árs-
ins var fjármagnskostnaður 231
milljón króna, samanborið við 1.056
milljónir á sama tímabili árið áður.
ornarnar@mbl.is
Morgunblaðið/Heiddi
Hagar Hagar eiga og reka meðal annars Hagkaupsverslanirnar.
Hagar hagnast
um einn milljarð
 Rekstrartekjur tæpir 34 milljarðar
Hörður Ægisson
hordur@mbl.is
Arion banki hefur sent inn kvörtun til
Fjármálaeftirlitsins (FME) og Eftir-
litsstofnunar EFTA (ESA) vegna
skuldaaðgerða sem Landsbankinn
kynnti fyrir viðskiptavini bankans í
maí á þessu ári. Segir bankinn að-
gerðirnar af þeim toga, í ljósi þess að
um sé að ræða banka í meirihlutaeigu
ríkisins, að þær valdi skekkju á
bankamarkaði.
Landsbankinn vísar þessum ásök-
unum Arion banka algjörlega á bug
og segir að aðeins viðskiptasjónarmið
hafi legið að baki aðgerðunum. „Ef
Arion banki telur þessar aðgerðir
hins vegar ástæðu til að leggja fram
kvörtun þá verður það að vera þeirra
mat,“ segir Kristján Kristjánsson,
upplýsingafulltrúi Landsbankans í
samtali við Morgunblaðið.
Í erindi Arion banka til FME og
ESA er gerð athugasemd við að
Landsbankinn hafi lýst því yfir að
greiddir yrðu út tugir milljarða til
einstaklinga sem væru í viðskiptum
við bankann, ekki einungis til þeirra
sem eiga í greiðslu- og skuldavanda –
heldur einnig viðskiptavina bankans
sem ekki glíma við slíkan vanda. Við
þessar aðgerðir Landsbankans
vakna þær áleitnu spurningar, segir í
tilkynningu frá Arion banka, hvort
ríkisbanki sé með þessum úrræðum
að deila út almannafé til tiltekinna
hópa en ekki almennings.
Að sögn Kristjáns er villandi að
tala um að greiddir verði út tugir
milljarða til viðskiptavina. „Þú getur
ekki látið skuldir lifa á fólki sem
munu aldrei verða greiddar. Slíkt
þjónar engum tilgangi.“ Hann bætir
því við að „þessar aðgerðir hafi verið
gerðar til að létta á stöðu mjög skuld-
settra viðskiptavina og styrkja við-
skiptasambandið við þá til lengri
tíma“.
Fram kemur í tilkynningu Arion
banka að eðlilegra hefði verið að
Landsbankinn hefði greitt út arð til
eiganda síns, íslenska ríkisins, „sem
svo hefði útdeilt honum til alls al-
mennings“. Kristján bendir á að
bankanum sé hins vegar ekki heimilt,
samkvæmt tilskipun FME, að greiða
út arð til hluthafa.
Arion banki kvartar undan því að
aðgerðir Landsbankans hafi marg-
vísleg áhrif á aðra aðila á markaði
sem eigi ekki tök á því að ráðast í jafn
kostnaðarsamar aðgerðir og hinn
ríkisrekni banki. Jafnframt segir í
tilkynningu bankans að „óeðlilegar
aðgerðir sem þessar hafa einnig fæl-
andi áhrif á hugsanlega fjárfesta sem
treysta sér ekki til að koma að fjár-
mögnun eða eignarhaldi fjármálafyr-
irtækja sem starfa á markaði þar sem
leikreglur eru ójafnar.“
Fjármálaeftirlitið gat ekki brugð-
ist við spurningum Morgunblaðsins
um þetta mál þar sem stofnunin má
ekki tjá sig um samskipti við einstaka
eftirlitsskylda aðila. Arion segir að
aðrir aðilar á markaði hafi ekki tök á
því að ráðast í jafn kostnaðarsamar
aðgerðir og hinn ríkisrekni Lands-
banki.
Arion kvartar til FME og
ESA vegna Landsbankans
 Segir skuldaaðgerðir Landsbankans skekkja samkeppni á bankamarkaði
Landsbankinn Arion banki hefur kvartað yfir aðgerðum til FME og ESA.
Morgunblaðið/Árni Sæberg
Aðgerðirnar
» Landsbankinn kynnti þrí-
þætt skuldaúrræði í maí sl.:
endurgreiðslu vaxta um 20%,
lækkun fasteignaskulda og
lækkun annarra skulda.
» Arion telur aðgerðirnar
skekkja samkeppni á banka-
markaði, þær séu óeðlilegar og
að hugsanlegir fjárfestar séu
fældir frá þar sem leikreglur
séu ójafnar.
Tap norska olíusjóðsins nam 284
milljörðum norskra króna, rúmum
fimm þúsund milljörðum íslenskra
króna, á þriðja ársfjórðungi. Er
þetta annað mesta tap sjóðsins í
sögu hans en mest varð tapið í fjár-
málakreppunni árið 2008.
Ávöxtun sjóðsins, lífeyrisssjóðs
norska ríkisins, var neikvæð um
8,8% á tímabilinu júlí til september.
Að sögn Yngve Slyngstads, forstjóra
sjóðsins, var ástandið á mörkuðum
afar erfitt á þriðja ársfjórðungi
vegna skuldavanda evru-ríkjanna og
ótta um að efnahagskreppa sé yf-
irvofandi í heiminum.
Eignir lífeyrissjóðsins minnkuðu á
ársfjórðungnum og voru í lok sept-
ember 3.055 milljarðar norskra
króna. Meðal eigna sjóðsins sem
rýrnuðu mest var hlutur hans í
stórum bönkum, svo sem í franska
bankanum BNP Paribas.
Norðmenn
tapa stórfé
 Norski olíusjóð-
urinn tapaði 5 þús.
milljörðum króna
 


   
  
   
  

 




 
  
  

 
  
!"# $% " &'( )* '$*
++,-./
+0+-,1
++2-/+
,+-23.
,4-5,1
+5-.5/
+24-,5
+-/0/
+53-5,
+13-13
++,-3+
+0+-.3
++2-5/
,+-/13
,4-50.
+5-5,.
+24-.2
+-/002
+04-,.
+13-52
,+/-+245
++2-+0
+0,-+2
++/-45
,+-1,,
,4-0/5
+5-550
+24-33
+-/3,.
+04-0
+.4-+0
Skannaðu kóð-
ann til að sjá
gengið eins og
það er núna á
Einbýli í miðbæ Horsens á
Jótlandi í Danmörku
Til sölu
Mjög vel staðsett 5 herbergja 130 m² einbýlishús ásamt
74 m² kjallara til sölu í rólegu hverfi í miðbæ Horsens á
Jótlandi í Danmörku. Stutt í alla þjónustu, barnaskóli í
götunni, um 1 km í íþróttahús og sundhöll, innan við 5
mín. ganga í miðbæ Horsens.
Fasteignamat á húsinu er DKR. 1.9 milljónir.
Skipti á húsnæði á höfuðborgarsvæðinu eru möguleg.
Lýsing:
Gengið er inn á fyrstu hæð, sem samanstendur af sam-
eiginlegu eldhús/stofu, einu barnaherbergi og baðher-
bergi með sturtu.
Á efri hæðinni eru tvö barnaherbergi og stórt hjóna-
herbergi með innangengu baðherbergi með sturtu.
Í kjallaranum er eitt stórt herbergi, tvö minni geymslu
rými, verkstæði og stórt þvottaherbergi. Húsið var gert
upp 2008. Ágætur garður í kringum húsið, frábær yfir-
byggð sólstofa tegist húsinu og lítill sólpallur.
Nánari upplýsingar í síma 0045 24454258 og/eða
www.neteignir.is
Skannaðu kóðann
til að sjá mynd-
skeið.