Morgunblaðið - 29.10.2011, Blaðsíða 46

46 MENNING
MORGUNBLAÐIÐ LAUGARDAGUR 29. OKTÓBER 2011
 Í dag og á morgun verða sýndar
sex uppvakningamyndir (e. zombie)
í Bíó Paradís, þ.e. kvikmyndir sem
fjalla með einum eða öðrum hætti
um hina lifandi dauðu. Hljómsveitin
Malneirophrenia sér um dagskrá og
mun einnig halda kvikmynda-
tónleika í kvöld kl. 20 auk rafsveit-
arinnar Radio Karlsson, við kvik-
myndina L’Inferno frá árinu 1911.
Við val á kvikmyndunum var lögð
áhersla á lítt þekktar perlur upp-
vakningageirans, eldri myndir og
sjaldséð eða gleymd meistarastykki.
Myndirnar eru, auk L’Inferno, Night
of the Living Dead (1968), The Gra-
pes of Death (1978), White Zombie
(1932), Let Sleeping Corpses Lie
(1974) og Zombi 2 (1979).
Illvígir uppvakningar
og kvikmyndatónleikar
 Listalausi dagurinn verður hald-
inn á þriðjudaginn. Markmiðið með
listalausum degi er að minna á hve
stóru hlutverki listir gegna í dag-
legu lífi okkar. Lagt er upp með
fimmtán boðorð, fólki til leiðbein-
ingar, og fara hér nokkur. Listann í
heild sinni má m.a. nálgast á Fés-
bókinni.
2) Ekki horfa á myndlistarverk,
þar með talin málverk, ljósmyndir,
höggmyndir og innsetningar, hvort
sem er úti sem inni.
7) Ekki lesa skáldsögu, ljóð eða
nokkurn annan texta sem talist
gæti til fagurbókmennta.
10) Ef einhvers konar listaverk
birtist í sjónvarpi, t.d. í fréttum eða
auglýsingum, ber að loka augunum
eða líta undan.
Þú skalt ekki listar
njóta - á þriðjudaginn
Dans, dans, dans og aftur dans
Helgi Snær Sigurðsson
helgisnaer@mbl.is
Fyrsti dansþáttur sinnar tegundar
hér á landi, sjón-
varpsþáttur sem
gengur út á dans-
hæfileikakeppni,
hefur göngu sína
í Sjónvarpinu í
kvöld. Dans dans
dans nefnist þátt-
urinn og reyna
hæfileikaríkir
dansarar með sér
í honum allt þar
til einn stendur uppi sem siguvegari
og hlýtur eina milljón króna að laun-
um. Dómnefnd skipa Katrín Hall,
listrænn stjórnandi Íslenska dans-
flokksins, Karen Björk Björgvins-
dóttir, Íslandsmeistari og heims-
meistari í samkvæmisdönsum, og
Gunnar Helgason, leikari og leik-
stjóri. Þá verður gestadómari í
hverjum þætti. Dansprufur fyrir
þættina, ætlaðar 16 ára og eldri, fóru
fram í upphafi mánaðar í Laugar-
dalshöll, forval keppninnar og segir
stjórnandi þáttarins, Ragnhildur
Steinunn Jónsdóttir, að þátttaka
hafi farið fram úr vonum og komið á
óvart. Hún segir þættina sniðna að
íslenskum aðstæðum. „Við vildum
hafa þetta sem aðgengilegast fyrir
dansarana því við vissum ekkert út í
hvað væri verið að fara, hversu
margir myndu skrá sig og hverjir
myndu þora. Þannig að í rauninni
dansar dansari, danspar eða dans-
hópur bara eitt ákveðið atriði, þau
gera það í undanúrslitum og úrslit-
um ef þau komast áfram. Dansari
þarf ekki að reyna fyrir sér í hinum
ýmsu dansstílum, dansa bæði sam-
kvæmisdans og hipphopp eins og er í
So You Think You Can Dance. Hann
dansar það sem hann er góður í. Við
erum náttúrlega svolítið að mennta
áhorfendur í danslistinni í leiðinni
þannig að þá er frábært að hver
dansari sýni það sem hann er bestur
í svo áhorfendur fái að sjá það besta
í hverju,“ segir Ragnhildur.
Atvinnudansarar þátttakendur
Í kvöld verða tveir þættir sýndir,
sá fyrri helgaður dansprufunum og
sá seinni þeim sem komust í undan-
úrslit. Undanúrslitaþættirnir verða
fimm, sex dansatriði sýnd í hverjum
þætti og komast tvö áfram í úrslit.
Tíu atriði keppa til úrslita og verður
úrslitaþátturinn sýndur 10. desem-
ber.
„Það er svo frábært að sjá að allir
bestu dansarar landsins ákváðu að
mæta,“ segir Ragnhildur um þátt-
tökuna. Atvinnudansarar eru meðal
keppenda og nefnir Ragnhildur sem
dæmi að nokkrir úr Íslenska dans-
flokknum hafi skráð sig til leiks.
„Við vildum bara fá allt það besta,“
segir Ragnhildur að lokum.
Morgunblaðið/Golli
Fimi Þátttakendur í forvali Dans dans dans hita sig upp í Laugardalshöll.
Ragnhildur Stein-
unn Jónsdóttir
Helgi Snær Sigurðsson
helgisnaer@mbl.is
Fyrsta íslenska teiknimyndin í fullri
lengd, Hetjur Valhallar – Þór, hefur
gengið afar vel í íslenskum kvik-
myndahúsum undanfarnar vikur, að-
sóknin verið afbragðsgóð og myndin
hlotið jákvæða gagnrýni á heildina
litið. Ísland er þó aðeins fyrsti við-
komustaður Þórs af mörgum því
teiknimyndin hefur verið seld til 58
landa og verður sýnd á tugum
tungumála, að sögn Hilmars Sig-
urðssonar, fram-
kvæmdastjóra
CAOZ, sem fram-
leiðir myndina.
Til stendur að
framleiða fleiri
myndir um hetjur
Valhallar og þá
með sama hand-
ritshöfundi, Frið-
riki Erlingssyni,
og útlitshönnuði,
Gunnari Karls-
syni. En til þess þarf heilmikið fjár-
magn því eins og frægt er orðið er
myndin sú dýrasta í íslenskri kvik-
myndasögu.
Hilmar segir drög hafa verið lögð
að næstu mynd og verið sé að leita að
fjármagni í verkefnið. „Eðli málsins
samkvæmt vildu menn sjá útkomuna
fyrst áður en þeir legðu meira í
þetta, það er mjög eðlilegt,“ segir
Hilmar. „Við erum náttúrlega á ferð-
inni á þessum mörkuðum. Í næstu
viku byrjar American Film Market
og við erum búnir að selja hana til 58
landa, það má ekki gleyma því.“
Hilmar segir teiknimyndina verða
talsetta á tungumál sýningarland-
anna og hann hafi m.a. séð suðurkór-
eska útgáfu myndarinnar. „Það er
verið að þýða hana á öll möguleg og
ómöguleg tungumál núna, hún fylgir
þessari rútínu sem teiknimyndir
fara í,“ segir hann.
– Fer hún ekki á hinar ýmsu kvik-
myndahátíðir?
„Jú, jú, það er mikil eftirspurn eft-
ir henni nú þegar.“
– Er komin hugmynd að efni
næstu myndar eða mynda?
„Já, við erum búnir að skrifa drög
að tveimur myndum í viðbót og við
eigum fullt af fóðri. Við erum rétt
byrjuð að koma við norrænu goða-
fræðina. Svo erum við líka að þróa
tölvuleik sem hugmyndin er að komi
á markaðinn í árslok 2012.“
– Þetta er óþrjótandi brunnur?
„Ekki spurning. Við get-
um verið að vinna í þessu
fram í ellina og ættum þá
örugglega nóg eftir.“
– Mun sami hópur vinna að
næstu myndum, ef af þeim verð-
ur?
„Við erum að vonast til þess að allt
lykilfólkið verði með okkur áfram,
við stólum eiginlega svolítið á það í
þessu og þetta er sett upp þannig, í
raun og veru.“
– Í hópnum eru nokkrir Íslend-
ingar sem orðnir eru þrautþjálfaðir í
kvikun, ekki satt?
„Heldur betur og á öllum þessum
lykilpóstum, ekki gleyma tækninni.
Sá sem er yfir tæknimálunum hjá
okkur hefur reynst vera algjör snill-
ingur, t.d. það að koma henni á
skjáinn í þrívídd er meira en að segja
það. Ég er svo glaður yfir því að eng-
inn hefur talað um þrívíddina því það
þýðir að hún virkar eins og hún á að
virka, hjálpar sögunni, þú lifir þig
betur inn í myndina en hún er ekki
til trafala í frásögninni.“
Bjartsýnn á framhaldið
– Nú hefur mikið verið fjallað um
kostnaðinn við myndina og það á eft-
ir að koma í ljós hversu miklum
tekjum hún skilar af sér, þetta er
rétt að byrja …
„Jú, en við erum komin það langt
með sölu á henni að það er ekkert
sem bendir til annars en að allir fjár-
festar fái sitt að fullu til baka. Það er
alveg ágæt staða að vera í þegar við
erum að koma út með hana.“
– Þannig að þú ert frekar bjart-
sýnn á að gerðar verði fleiri myndir?
„Það þarf eitthvað mikið að ganga
á til að það verði ekki. Við erum með
drög að því að halda áfram en ég skil
það líka að fjárfestarnir vilji sjá
verkefnið klárast áður en þeir skuld-
binda sig því næsta.“
Hilmar segir Suður-Kóreu líklega
verða fyrsta landið utan Íslands til
að sýna myndina og Evrópusýningar
hefjast upp úr miðjum febrúar á
næsta ári. Spurður að því hvenær og
hvort hún verði sýnd í Bandaríkj-
unum segir Hilmar það ekki ljóst.
Svör fáist líklega við því á kvik-
myndakaupstefnunni American
Film Market sem haldin verður í
San Jose 2.-9. nóvember nk. „Þarna
koma öll Hollywood-fyrirtækin með
sitt og selja og það er fólk frá öllum
heiminum þarna. Það eru mjög fáar
myndir frá Evrópu sem fara beint
inn á Bandaríkjamarkað, það er eig-
inlega undantekning ef svo er. Þeir
eru allir í þessum endurgerðum,“
segir Hilmar. Vonandi skýrist línur á
næstu vikum um mögulegar sýn-
ingar á myndinni í Bandaríkjunum.
Þrumuguð í 58 löndum
Ljósmynd/CAOZ
Undirheimar Hel, drottning Undirheima, ógnar þúsundþjalasmiðnum Sindra sem bjó til Mjölni, öflugasta vopn í heimi, í Hetjum Valhallar – Þór.
 Teiknimyndin Hetjur Valhallar – Þór verður talsett á tugum tungumála
 Drög lögð að framhaldsmyndum og leitað að fjármagni  Tölvuleikur í þróun
Fjögur ár fóru í að fjármagna
teiknimyndina um Þór áður
en framleiðsla gat hafist
og á endanum nam
kostnaður við gerð henn-
ar um 1,4 milljörðum
króna. Ákveðið var að
ráðast í gerð mynd-
arinnar um ára-
mótin 2004/2005
og legið var yfir
handriti hennar,
sagan endurrituð
fimmtán sinnum og 25 út-
gáfur gerðar af handrit-
inu. Erlendir sérfræð-
ingar fóru m.a. yfir
handritið og þá menn
sem m.a. hafa unnið
við teiknimyndir á
borð við Pocahon-
tas, Mulan og Shrek.
25 útgáfur
af handriti
MIKIL VINNA AÐ BAKI
Hilmar
Sigurðsson
www.legendsofvalhalla.com/