Vera - 01.10.1988, Blaðsíða 43
Þátttaka barna setti sterk-
an svip á fridarþingið
Gorbatsjof hélt ræðu i anda friðar og betri heims
Laufey ásamt islenskum þátttakendum á friðarþingi
brothætt eins og friðurinn. Þær sem sátu
næst sviðinu, sögðu að hann hefði tárfellt
er hann faðmaði barnið að sér og kyssti.
En það voru fleiri en hann sem grétu,
Kremlarhöll flóði í tárum. Þögn vonar og
kærleika þúsunda kvenna var algjör. Barn-
ið bar okkur inn í nýjan heim frelsis. Að
þingsetningu lokinni fórum við að skoða
okkur um og það var svo sannarlega margt
að sjá. Við fórum að gröf hermanna, þang-
að komu 20—30 brúðhjón beint úr kirkj-
unni og lögðu brúðarvendina á grafirnar,
sem er víst þjóðarsiður, auk allra þeirra
sem koma þarna til að vitja ástvina sem
það hafði misst í stríðinu. Allt svæðið var
þakið blómum. Ég var orðin þreytt og tyllti
mér á steinþrep, þá kom vörðurinn til mín
og benti mér á að þetta mætti ég ekki gera,
þetta væri helgur staður. Mér flaug í hug að
okkur er talin trú um að Rússar séu trú-
lausir en sú virðing sem ég las úr fram-
komu varðarins færði mérsönnun um ein-
læga trú og virðingu. Ég kom á hið marg-
umtalaða Rauðatorg, þar sem ungi þýski
flugmaðurinn lenti.
Vel menntuð æska
Ég spurði túlkinn um flugmanninn, hann
brosti bara og sagði að honum liði vel. Ég
sá gröf Lenins og kirkjuna sem Ivar grimmi
lét reisa, hann lét stinga augun úr þeim
sem byggðu hana, svo þeir gætu ekki
byggt aðra eins. Varla var það gert i anda
Krists. Ég kom í safn sem geymir minjar
keisaratímans, þvílíkur iburður, þarna voru
gull og gimsteinar, klæðnaður fjölskyld-
unnar úr perlum og purpura. Jafnvel vagn-
ar, sleöar og innbú gullslegið. Mér var
hugsað til kvennanna sem hafa þurft að
klæðast þessum fötum og skófatnaði og
blessaðra barnanna. Túlkurinn minn í ferð-
inni, ungur maður sem var að læra sögu
þjóðar sinnar sagði mér margt frá þessum
tíma. Hann sagði mér jafnframt að í dag
væru Rússar að vinna að þvi að öllum liði
vel í öryggi og friði. Ég er sannfærð um að
sú æska sem er að vaxa úr grasi í dag hjá
Rússum er sterk og vel menntuð á sviði
friðar og framfara.
Við fórum vítt og breitt um borgina
næstu daga. Það er undravert að sjá hvað
þessari þjóð hefur tekist að byggja upp eft-
ir þær fórnir sem hún færði í stríðinu. Að
kynnast hinum almenna rússneska borg-
ara hefur fært mér óvænt viðhorf. Ég held
að við ættum ekki að trúa blint á það sem
fjölmiðlar mata okkur á. Ég held að það
43