Árbók VFÍ/TFÍ - 01.06.2006, Blaðsíða 37

1.3.2 Skýrslur sameiginlegra nefnda VFÍ/TFÍ
starfsárið 2005-2006
Útgáfunefnd VFÍ og TFÍ
Starfsemi útgáfunefndar hefur verið með venjubundnum hætti á síðastliðnu starfsári.
Fulltrúar í nefndinni hafa verið Ólafur Pétur Pálsson (formaður), Kristinn Andersen og
Ragnar Ragnarsson (ritstjóri Arbókarinnar) frá VFI og Arni Þór Arnason og Óli Jón
Hertervig frá TFÍ.
Árbók VFÍ/TFÍ 2005 kom út í lok nóvember sl. og var að þessu sinni 320 síður. Árbókin
samanstendur af upplýsingum um félagsmál félaganna tveggja, tækniannál þar sem fjall-
að er m.a. um þróun eínahagsmála, orkumál, mannvirkjagerð, vegamál, hátækniiðnað og
hafnarframkvæmdir. Því næst eru kynningar og tæknigreinar tuttugu fyrirtækja og
stofnana. Þá eru sjö ritrýndar vísindagreinar birtar, en þetta er vinsæll vettvangur fyrir
háskólamenn og framhaldsnema til þess að kynna rannsóknir sem tengjast sviðinu. Uppi
hafa verið hugmyndir um að koma á fót, í tengslum við Árbókina, veftímariti þar sem
ritrýndar greinar yrðu oftar birtar og ef til vill einnig í ítarlegri útgáfu. Þessi vinna er
skammt á veg komin en vonast er til að af þessu verði innan tíðar. Loks voru í Árbókinni
að þessu sinni átta tækni- og vísindagreinar um hin fróðlegustu efni. Ritstjóri Árbókar-
innar er eins og undanfarin ár Ragnar Ragnarsson og eru honum þökkuð góð störf. Fjöldi
útgefinna eintaka var 2200.
Verktækni kom út mánaðarlega nema yfir hásumarið, alls tíu tölublöð í um 3000 ein-
tökum. Verktækni hefur verið opinn vettvangur fyrir alla verkfræðinga og tæknifræðinga
til þess að koma sjónarmiðum sínum og hugðarefnum á framfæri. Eins eru í Verktækni
birtar fróðlegar greinar um ráðstefnur og skoðunarferðir félaganna, auk viðtala um
áhugaverð efni. Verktækni er einnig vettvangur stjórna félaganna þriggja, VFÍ, TFI og SV
til þess að koma nauðsynlegum upplýsingum til félagsmanna. I því sambandi var á sl. ári
umfjöllun um sameiningarmálin fyrirferðarmikil. Ritstjórn Verktækni var, eins og undan-
farin ár, í styrkum höndum Sigrúnar Hafstein, en öfluga og reglubundna útgáfu blaðsins
ber ekki síst að þakka henni. I blaðnefnd Verktækni voru þau Sveinbjörg Sveinsdóttir frá
SV (formaður), Ólafur Pétur Pálsson frá VFÍ og Árni Þór Arnason frá TFÍ.
Útgáfunefnd þakkar öllum hlutaðeigandi samstarfið og biður félaga og aðra að koma til
hennar ábendingum og tillögum að því sem ef til vill mætti betur fara.
Ólafur Pétur Pálsson formaður.
Fundir og ráðstefnur
Fjöldi funda, skoðunarferða og ráðstefna voru haldin á vegum félagsins og er listinn
aftast í kaflanum merki um öflugt og fjölbreytt starf. Á vegum deilda var farið í heim-
sóknir til fyrirtækja og í skoðunarferðir.
Sameining TFÍ, VFÍ og SV hefur verið í brennidepli umræðunnar ásamt menntunar-
málum verkfræðinga og tæknifræðinga.
Auk samlokufunda, sem haldnir eru að jafnaði fyrsta fimmtudag í hverjum mánuði, voru
haldnir morgunverðar- og hádegisverðarfundir um fjölbreytt efni.