Árbók VFÍ/TFÍ - 01.06.2006, Blaðsíða 132

Verulegar breytingar urðu á verðskrám RARIK eins og annarra orkufyrirtækja við þessi
tímamót, en þá var verðskrám skipt upp í dreifikerfisverðskrá annars vegar og sölu-
verðskrá hins vegar. Dreifikerfisverðskránni var enn fremur skipt eftir dreifbýli og þétt-
býli.
Dreifikerfisverðskrár eru undir eftirliti Orkustofnunar, sem gefur tekjuramma að teknu
tilliti til kostnaðar við rekstur og umfang dreifikerfanna og þurfa verðskrár að rúmast
innan þess ramma. Með breytingunni er hætt millifærslum frá þéttbýli til dreifbýlis og
milli almennrar raforkunotkunar og rafhitunar. RARIK hefur á undanförnum árum
ítrekað bent á að óeðlilegt hafi verið að viðskiptavinir í þéttbýli á veitusvæði RARIK
greiddu niður kostnað við raforkudreifingu í dreifbýli, umfram þéttbýlisbúa á öðrum
veitusvæðum. Það er því fagnaðarefni að nú skuli vera búið að leiðrétta þessa mismunun
og taka sérstaklega á þeim umframkostnaði sem íbúar í dreifbýli búa við, með beinum og
gegnsæjum hætti á fjárlögum.
Um áramótin 2005-2006 urðu enn mikil tímamót í raforkumálum á fslandi þegar öll
viðskipti með raforku voru gefin frjáls. Undirbúningur að þeim tímamótum og nýrri
verðskrá fyrir raforkusölu stóð yfir á árinu og var birt í lok ársins. Það er mikilvægt fyrir
RARIK að viðskiptavinir fyrirtækisins njóti bestu fáanlegu kjara og er sú verðskrá sem
kynnt var í árslok 2005 miðuð við að þjóna viðskiptavinum sem best og standast sam-
keppni við það sem aðrir bjóða.
Orkuviðskipti og verðskrár
Á árinu 2005 var verðskrám í fyrsta skipti skipt upp í verðskrá fyrir dreifingu annars
vegar og sölu hins vegar. Fram til þess hafði sameiginlegt gjald verið tekið fyrir vöruna
raforku og þjónustuna að dreifa henni, enda hafði raforkusala og dreifing verið í höndum
sama aðila á hverju einkaleyfissvæði.
Áhrif nýrra orkulaga á orkukostnað íbúa landsins hafa verið talsvert í umræðunni og eru
misjöfn. Þótt breyting á orkuverði til viðskiptavina RARIK frá 2004 til 2005 hafi að meðal-
tali ekki verið meiri en sem nam verðlagshækkunum, kom breytingin misjafnlega við
viðskiptavini fyrirtækisins. Það var eðlileg breyting að verðskrá fyrir dreifingu raforku sé
óháð því til hvers orkan er notuð. Við þessa breytingu féllu niður sérstakar niðurgreiðslur
orkufyrirtækja til rafhitunar og millifærslur milli notkunarflokka. Þetta hafði þau áhrif að
rafhitanotendur komu verr út úr þessum breytingum en aðrir raforkunotendur, þrátt
fyrir auknar niðurgreiðslur ríkisins. Ef bregðast á við þessu þarf það að gerast með frekari
endurskoðun á rafhitaniðurgreiðslum ríkisins.
Til að draga saman hver áhrifin voru má segja að þeir sem áður borguðu lægst fyrir
hverja kílówattstund fengu nokkra hækkun, en þeir sem áður greiddu hæsta verðið
fengu lækkun. Það má því segja að raforkulagabreytingin hafi haft í för með jöfnun
raforkuverðs í landinu þegar á heildina litið. Nánari upplýsingar um raforkuverð og
samanburð má finna á heimasíðu RARIK, www.rarik.is.
í hinu nýja viðskiptaumhverfi hafa öll orkuinnkaup og áætlanagerð um orkuviðskipti
orðið mun flóknari en áður. Gera þarf samninga um orkukaup af framleiðanda, sem í dag
er fyrst og fremst Landsvirkjun, helst til margra ára til að ná hagstæðu verði. RARIK
hefur gert orkukaupasamninga við Landsvirkjun, bæði til skemmri og lengri tíma, allt að
tólf ára. Mikilvægt er að hafa traustar spár um orkuþörf við höndina til að orkupantanir
verði sem nákvæmastar og hjá RARIK var fjárfest í hugbúnaði til áætlanagerðar í þessu
sambandi á árinu.
1 30, Arbók VFÍ/TFI 2 0 0 6