Árbók VFÍ/TFÍ - 01.06.2006, Blaðsíða 237

Miillers [13] er sýnt fram á að mælikvarðar árangurs í verkefnum séu nátengdir því
hvernig æviskeið verkefnisins sé skilgreint. Einnig er fjallað um árangur verkefnisins og
árangur verkefnastjórnunar sem aðskilda þætti og sýnt fram á að ekki þarf endilega að
vera samræmi á milli þeirra.
Nokkrir fræðimenn hafa fjallað sérstaklega um mikilvægi áætlanagerðar í verkefninu
fyrir árangur í verkefnislok. Pinto og Prescott [14] greindu frá úttekt á verkefnum til að
greina hvernig upplifun þátttakenda í verkefninu varðandi mikilvægi áætlanagerðar og
daglegrar stjórnunar breyttist yfir fjóra megináfanga á æviskeiði verkefna. Fram kom að
vægi þessara tveggja meginþátta breyttist á æviskeiðinu en upplifun þátttakenda hvað
þetta varðar byggðist á því hvernig árangursmælikvarðar voru skilgreindir í upphafi
verkefnisins. Dvir og fleiri [15] fjölluðu um vægi áætlanagerðar og fundu út að mikil-
vægasti þátturinn í góðum árangri í verkefni væri að vel væri staðið að upphafsáfanga
þess. Tölfræðileg úttekt leiddi í ljós að jákvæð fylgni væri milli verkefnisárangurs og þess
hve mikið væri lagt í að skilgreina þarfir í upphafi og í hina tæknilegu skilgreiningu. Ekki
tókst að sýna fram á tengsl árangurs við það hve mikið væri lagt í að skilgreina stjóm-
unarleg ferli í verkefninu. Múller [16] ályktaði í grein sinni að nauðsynleg skilyrði fyrir
árangri í verkefni væru mikil samvinna en stjórnunarleg uppbygging í meðallagi. Þessi
skilyrði voru þó alls ekki nægjanleg fyrir árangri. Til viðbótar má nefna rannsókn eftir
Dvir og félaga [17] sem leiddi í ljós að helstu áhrifavaldar varðandi árangur í verkefnum
væru þátttaka verkkaupa á hönnunarskeiði og markviss innleiðing á afurð verkefnisins,
m.a. þjálfun þess fólks sem á að nota afurðina. Tekið skal fram að rannsóknir Dvirs og
félaga beindust einkum að tæknilegum verkefnum, gjarnan þróun á vél- og hugbúnaði.
Loks skal nefnd enn önnur rannsókn Dvirs og fleiri [18] sem leiddi í ljós að áhrif þess
hvernig breytingar á markmiðum og áætlunum væru meðhöndlaðar væru umtalsvert
meiri varðandi árangur verkefnis en það hve mikið væri lagt í hina upphaflegu áætl-
anagerð. Titill þessarar greinar Dvirs og félaga, „Plans are nothing, changing plans is
everything" vakti áhuga meistaranema og kennara þeirra í framhaldsnámskeiði í verk-
efnastjórnun við verkfræðideild Háskóla Islands á að skoða samhengið á milli áætlana-
gerðar og árangurs í verkefnum meðal íslenskra verkefnastjóra.
Könnunin
Forsendur og framkvæmd könnunar
1 því skyni að skoða samhengið milli áætlangerðar og árangurs í verkefnum var ráðist í
að gera könnun meðal starfandi verkefnastjóra á íslandi. Könnunin var framkvæmd á
vefnum og um 300 verkefnastjórar á Islandi fengu tölvuskeyti og voru beðnir að taka
þátt. Þátttakendur voru valdir með aðstoð Verkefnastjórnunarfélags Islands sem sendi
þátttökubeiðni á félagsmenn sína. Þá voru vefsíður stærstu íslensku fyrirtækjanna
skoðaðar og fólk með titilinn verkefnastjóri á starfsmannalistum fékk þátttökubeiðni.
Þátttakendur voru starfandi verkefnastjórnar í íslenskum fyrirtækjum og stofnunum og
þeir voru beiðnir að svara spurningum á grundvelli einhvers tiltekins verkefnis sem þeir
hefðu stjómað á síðustu 3 árum. Ætlast var til að verkefninu væri lokið eða því væri í
þann veg að ljúka.
Alls bárust 64 nothæf svör en til viðbótar svöruðu 30 manns því til að könnunin ætti ekki
við um þeirra verkefni; þeim væri ekki lokið eða þau væru á einhvern hátt sérstök og
féllu ekki undir hefðbundin verkefni.
Uppbygging könnunarinnar
Könnuninni var skipt í fjóra meginþætti; sértækar spurningar, spurningar um áætlana-
gerð, m.a. skilgreiningu tæknilegra forsendna og spurningar um hagnýtingu á aðferðum
og ferlum verkefnastjórnunar. Loks var spurt ýmissa spurninga er vörðuðu árangur
verkefnisins.