Árbók VFÍ/TFÍ - 01.06.2006, Blaðsíða 104
JARÐHITASKÓLI HÁSKÓLA
SAMEINUÐU ÞJÓÐANNA
Jarðhitaskólinn (JHS) var settur í tuttugasta og sjöunda sinn 11. maí 2005. Tuttugu nem-
endur frá 11 löndum luku reglulegu sex mánaða námi við skólann. Nemendurnir komu
frá Djíbútí (1), Egyptalandi (1), E1 Salvador (2), Erítreu (1), Eþíópíu (1), Indónesíu(2), íran
(2), Kenýa (2), Kína (4), Rússlandi (3) og Úganda (1). Nemendurnir stunduðu sérhæft
nám á níu sérsviðum: í verkfræði (5), forðafræði (3), efnafræði (3), umhverfisfræði (3),
jarðfræðikortlagningu (2), borholujarðfræði (1), borholumælingum (1), jarðeðlisfræði (1)
og í borverkfræði (1). Átján nemendanna voru kostaðir af Háskóla Sameinuðu þjóðanna
(HSþ) og íslenskum stjórnvöldum, en nemi frá Úganda var að hluta styrktur af
Þróunarsamvinnustofnun íslands og nemi frá Eþíópíu að hluta af Jarðfræðistofnun
Þýskalands. Alls hafa 338 raunvísindamenn og verkfræðingar frá 39 löndum lokið sex
mánaða námi við skólann, þar af eru 53 konur (16%). Nemendurnir hafa komið frá Afríku
(26%), Asíu (44%), Mið- og Austur-Evrópu (16%) og Mið-Ameríku (14%).
Sex nemendur JHS stunduðu meistaranám við Háskóla íslands (HÍ) á árinu á styrkjum
frá JHS samkvæmt samstarfssamningi JHS og HÍ. Þrír luku meistaranámi á árinu:
umhverfisfræðingur frá íran í janúar 2005, jarðhitaverkfræðingur frá Mongólíu í apríl og
umhverfisfræðingur frá Úganda í júlí. Þrír hófu meistaranám á árinu: efnafræðingur frá
Kenýa í febrúar, umhverfisfræðingur frá Kenýa í september og jarðhitaverkfræðingur frá
Mongólíu í september. Meistaraneminn frá Úganda var að hluta kostaður af
Þróunarsamvinnustofnun íslands.
Kennslan árið 2005 var einkum í höndum sérfræðinga íslenskra orkurannsókna (60%), en
aðrir komu frá Háskóla íslands (20°/o) og öðrum rannsóknastofnunum, verkfræðistofum
og orkufyrirtækjum (20%). Um helmingur námsins við JHS er tengdur rannsókna-
verkefnum nemenda sem þeir vinna undir leiðsögn íslenskra sérfræðinga. Arið 2005 fjöll-
uðu 15 af 20 rannsóknaskýrslum nemenda um verkefni í heimalöndunum, en markmið
skólans er að sem flest rannsóknaverkefni tengist heimalöndum nemenda beint.
Árlegur gestafyrirlesari var Martin N. Mwangi, jarðeðlisfræðingur og forstöðumaður
jarðhitadeildar Landsvirkjunar Kenýa. Hann var nemandi í Jarðhitaskólanuni 1982.
Mwangi flutti fyrirlestra um jarðhitarannsóknir og virkjun jarðhita til raforkuframleiðslu
í Kenýa og öðrum löndum Afríku.
Jarðhitaskólinn hélt námskeið í Kenýa í nóvember fyrir yfirmenn raforkufyrirtækja,
jarðfræðistofnana og orkuráðuneyta frá fimm löndum Austur-Afríku þar sem aðstæður
eru taldar bestar til að virkja jarðhita.
Þetta er hið fyrsta árlegra námskeiða sem Jarðhitaskólinn mun standa fyrir í Austur-
Afríku. íslensk stjórnvöld kynntu á ráðstefnu í Bonn 2004 að framlag íslands til þúsaldar-
markmiða Sameinuðu þjóðanna um sjálfbæra nýtingu náttúruauðlinda yrðu árleg jarð-
hitanámskeið í Afríku sem hæfust 2005, árleg námskeið í Mið-Ameríku sem hæfust 2006
og í Asíu sem hæfust 2007. Fyrirlesarar á námskeiðunum verða jarðhitasérfræðingar frá
íslandi og fyrrverandi nemendur Jarðhitaskóians í ýmsum heimsálfum.