Árbók VFÍ/TFÍ - 01.06.2006, Blaðsíða 195

Aðalráðgjafi FMS vegna endurbóta flughlaðs, flug- og akbrauta, bygginga- og ljósakerfis
flugbrautar er SWEDAVIA, sem er undirfyrirtæki sænsku flugmálastjórnarinnar.
Verkfræðistofan Hnit annaðist landmælingar sem gera varð frá grunni á öllu flugvallar-
svæðinu og einnig utan þess á stóru landsvæði undir aðflugsferlum vegna hindrana-
athugana. Verkfræðistofan Línuhönnun hefur annast hluta eftirlits með framkvæmdum.
Verkfræðistofan Rafhönnun annaðist hönnun á hluta ljósakerfis flugbrautarinnar.
Ráðgjafayrirtækið NATS hjá bresku flugmálastjórninni er ráðgjafi vegna ratsjár- og
leiðsögumála.
Það voru tilteknir erfiðleikar að ráða íslenskar verkfræðistofur til ráðgjafar vegna hærri
einingarverða, en t.d. hjá sænsku aðilunum. Hér kom til m.a. hátt gengi og einnig sá
aðstöðumunur að í lengri dvöl erlendis njóta sænskir borgarar skattfrelsis, sem endur-
speglast í lægri einingarverðum. Þetta mál þyrfti að taka upp við íslensk stjómvöld í
þágu útrásar og aukinna tekna fyrir þjóðarbúið sem af henni leiðir.
I þessari yfirlitsgrein er einstökum framkvæmdum lýst í stuttu máli hér á eftir.
Endurbætur flugbrautar og fráveitukerfis ásamt stækkun akbrauta og flughlaðs
Flugbrautin var á sínum tíma byggð í mýrlendi af júgóslavneska hernum. Efsta mýrar-
lagið var fjarlægt og sett í staðinn malarlag, sem er 2,8-4,1 m að þykkt. Þar undir er 1-6 m
lag með blöndu af silt og leir. Þykkt þessara laga er breytileg eftir endilangri flug-
brautinni. Neðst er síðan 20 m þykkur leir. Ofan á malarlaginu eru járnbentir steinsteypu-
flekar og efst er síðan 18 sm þykkt yfirborðsefni úr malbiki. Suðurhluti flugbrautarinnar
reyndist vera flatur á um 800 metra löngum kafla og fyllist kaflinn yfirborðsvatni í
flóðum. Vatninu er annaðhvort sópað af með flugbrautarsópum eða flugbrautinni lokað.
Flugbrautin er hönnuð miðað við ICAO flokk 4C fyrir notkun flugvéla af stærð Boeing
737 að jafnaði en getur einnig tekið við stærri þotum en Boeing 737 með takmörkuðu
umferðarmagni. I aðalatriðum felast endurbætur flugbrautarinnar í viðgerðum á
sprungum og sprengjuskemmdum og jarðvegsskiptum á stöku stað. Aðalframkvæmdin
felst í lagningu malbiks í lögum á flugbrautina, þannig að lengdarprófíll verði viðunandi
og þverprófíll flugbrautarinnar verði alls staðar kýfður í miðju til að ryðja vatni af henni.
Þykkast verður malbikslagið fyrir miðju 36 sm á hinum 800 m langa flata kafla flug-
brautarinnar. Burðargeta flugbrautarinnar eftir framkvæmdirnar verður samkvæmt PCN
gildi 68, samkvæmt stöðlum ICAO. Verktakavinnan verður að eiga sér stað á lokunar-
tíma flugvallar sem er milli kl. 22:00 að kvöldi og kl. 07:00 að morgni.
Nauðsynlegt var að endurhanna og gera miklar
endurbætur á fráveitukerfi flugvallarsvæðisins.
Vestan megin flugbrautarinnar verður gerður
drenkýll til að halda jafnvægi í vatnsstöðu jarðvegs-
ins undir flugbrautinni og er vatninu hleypt í frá-
veitukerfi flugvallarsvæðisins, sem nauðsynlegt var
að endurhanna að mestu leyti að undangenginni
rannsóknarvinnu. Ný 300 m frárennslisgöng verða
gerð undir flugbraut og öryggissvæði og frárennslis-
skurðir endurgerðir á stóru svæði.
Onnur verk eru breikkun og malbikun akbrauta
flugvéla, þannig að stærð, lega og burðargeta verði
samkvæmt ICAO staðli 4C. Þá verður flugvélastæði
stækkað um 21.000 fermetra með jarvegsskiptum og
malbikun. Frárennsliskerfi flughlaðs verður með
mengunargildrum vegna afísingarefnis og olíu.

Verktakinn Granit við malbikunarstörf að
nóttu til.
Kynning og tæknigreinar fyrirtækja og stofnana i 1 9 3