Morgunblaðið - Sunnudagur - 29.09.2013, Side 2

2 MORGUNBLAÐIÐ LAUGARDAGUR 28.9. 2013
Miðað við aldur Morgunblaðsins,
sem fyllir öldina í nóvember næst-
komandi, er aldur undirritaðrar
ekki ýkja hár. Einungis rétt um
þriðjungur af aldri blaðsins. Sé
hins vegar miðað við fréttavefinn
mbl.is, sem nýlega varð fimmtán
ára, er aldur minn 120% hærri.
Upplýsingarnar hér að ofan eru
reyndar fullkomlega gagnslausar
og hefði verið hægt að setja fram í
einni tölu og einu orði: 34 ára. Út
frá þessari ágætu tölu getur svo
hver sem er dregið sínar ályktanir
og notað hvaða viðmið sem er til
að spá í hvort aldurinn sé hár eða
ekki. Fjögurra ára syni finnst
mamma sín reyndar bara „ekkert
svo gömul“ – en það er önnur
saga.
Tölur eru háar eða lágar eftir
því við hvað þær eru miðaðar. Í
blaði dagsins er fjallað um
greiðslur fyrir stjórnarsetu í
nokkrum lífeyrissjóðum. Þegar
lesið er út úr slíkum tölum er
hægt að nota ýmis viðmið. Viljum
við bera greiðslurnar saman við
árin á undan? Við greiðslur fyrir
sambærileg stjórnarstörf í öðrum
löndum? Við lífeyrisgreiðslur til
eigenda sjóðanna, okkar sem
greiðum í þá? Eða er rétt að miða
við tímann sem fer í það hjá
stjórnarmanni að sitja fundi? Og
hvert á þá tímakaupið að vera?
Við hvað á að miða til að meta
hvort greiðslur fyrir stjórnarsetu
eru háar eða lágar? Ef til vill ætti
að miða við lífeyrisgreiðslur þegar
laun stjórnarmanna og stjórnenda
sjóðanna eru ákvörðuð og skerða
þau í samræmi við skerðingu
greiðslna.
Alltént er gott að hafa í huga að
prósentur og tölur er alltaf hægt
að toga sundur og saman svo þær
virki háar eða lágar eftir því hver
lítur á þær. Þess vegna er gott að
horfa á hlutina á einfaldan hátt og
spyrja hvað okkur sjálfum finnst
eðlilegt.
RABBIÐ
Hátt og lágt
Eyrún Magnúsdóttir
Það var mikið um að vera á Eyrarbakka í síðustu viku þar sem dauðir hermenn og kvikmyndalið hertóku þetta fallega sjávarþorp. Tökum á myndinni
Dead Snow: War of the Dead, fóru þar fram en myndin er uppvakningargrínmynd og fylgir eftir forvera sínum sem aðeins hét Dead Snow og malaði gull
út um allan heim. Í Sunnudagsblaði Morgunblaðsins í næstu viku verður viðtal við aðalleikara myndarinnar, Martin Staar, og norska leikstjórann Tommy
Wirkola. Sá hefur fengið nafnið norskur Baltasar Kormákur, enda er Wirkola byrjaður að feta sig upp metorðastigann í Hollywood og færði Hans og
Grétu í nútímabúning. Fjöldi Íslendinga lék í myndinni en Wirkola vill ekkert tölvugert í sínum myndum. Allt á að vera ekta í hans myndum. Íslendingarnir
voru flestir með grímu á sér en aðrir voru málaðir sem uppvakningar. Það var heilmikið fjör að sjá þegar dauðir risu úr rekkju og hófu leik um leið og
Wirkola öskraði „Action!“ benedikt@mbl.is
AUGNABLIKIÐ
Morgunblaðið/Eggert
BEÐIÐ EFTIR DAUÐUM
KVIKMYNDIN DEAD SNOW: WAR OF THE DEAD, VAR AÐ STÓRUM HLUTA TEKIN UPP Á EYRARBAKKA.
HASARINN VAR MIKILL ÞAR SEM LEIKARAR Í FULLUM UPPVAKNINGARSKRÚÐA BIÐU EFTIR AÐ
LEIKSTJÓRINN KALLAÐI HÁTT OG SNJALLT: „ACTION.“
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Útgefandi Óskar Magnússon
Ritstjórar Davíð Oddsson, Haraldur Johannessen
Aðstoðarritstjóri Karl Blöndal
Umsjón
Eyrún Magnúsdóttir,
eyrun@mbl.is
Prentun
Landsprent ehf.
Hvað? Langafi prakkari.
Hvar? Möguleikhúsið í Gerðubergi.
Hvenær? Sunnudag kl. 14.
Nánar: Leikritið fjallar um Önnu litlu
og langafa hennar en þau taka upp á
ýmsu sniðugu. Miðaverð er 2.400 kr.
Fjörugur langafi
Hvað? Prjóna- og nytja-
markaður.
Hvar? Vídalínskirkju í
Garðabæ.
Hvenær? Sunnudag milli
kl. 12-14.
Nánar: Glæsilegar prjónavörur og
annað til sölu en safnað er fyrir línu-
hraðli á Landspítalanum.
Styrktarmarkaður
Í fókus
VIÐBURÐIR HELGARINNAR
Hvað? Fyrstu tónleikar Kammermús-
íkklúbbsins.
Hvar? Norðurljósasal Hörpu.
Hvenær? Sunnudag kl. 19:30.
Nánar: Fjölbreytt tónleikaröð hefst á
sunnudag með kammertónlist fluttri af
fremstu tónlistarmönnum landsins.
Verð: 3.500 kr.
Kammertónlist í Hörpu
Hvað? Uppistandið
How to become Ice-
landic in 60 min.
Hvar? Kaldalónssal
Hörpu.
Hvenær? Í kvöld kl. 19.
Nánar: Bjarni Haukur
Þórsson kennir áhorfendum að verða
Íslendingar í þessari kómísku leiksýn-
ingu. Verð: 3.950 kr.
Lærðu að vera Íslendingur
Hvað? Pepsi-deild karla.
Hvar? Kópavogsvelli.
Hvenær? Í dag kl. 14.
Nánar: Breiðablik tekur á móti Kefla-
vík í Pepsi-deild karla á Kópavogsvelli í
dag. Miðaverð er 1.500 kr.
Breiðablik - Keflavík
Hvað? Litli tónsprotinn.
Hvar? Eldborgarsal Hörpu.
Hvenær? Kl. 14 og 16 í dag.
Nánar: Sinfóníuhljómsveit Íslands
ásamt söng- og leikhúsfólki úr fremstu
röð flytur þennan ævintýralega söng-
leik. Verð er 2.300/1.900 eftir sætum.
Tónsproti Sinfóníunnar
* Forsíðumyndina tók Kristinn Ingvarsson.