Morgunblaðið - Sunnudagur - 29.09.2013, Side 15

kemur út þar syðra þýðing mín á
Hnífi Abrahams eftir Óttar Norð-
fjörð ef áætlanir forlagsins stand-
ast.
Nokkrir íslenskir rithöfundar
eru þekktir á Spáni, spænskir
spennusagnaaðdáendur vita að
sjálfsögðu mætavel hver Arnaldur
Indriðason er og Auður Ava Ólafs-
dóttir hefur síðan líka slegið þar
nokkuð í gegn upp á síðkastið.
Nýjasta þýðing mín er svo á
nóvellu eftir spænskan rithöfund
sem heitir Ana María Matute.
Bókin er væntanleg hjá Bókafélag-
inu og gefin út í tvítyngdri útgáfu.
Ég veit ekki betur en að þetta sé
það fyrsta sem þýtt hefur verið
eftir Matute á íslensku. Ég var
beðinn um að þýða þessa sögu,
sem ég nefni Skólaus á öðrum
fæti. Ana María Matute fæddist
1926, er því orðin háöldruð og al-
þekkt á Spáni og reyndar víðar.
Hún hlaut Cervantesarverðlaunin
2010 en þau mætti kalla Nób-
elsverðlaun hinnar spænsku tungu.
Í verkum sínum hefur hún fjallað
mikið um barnæskuna. Rauði
þráðurinn í þessari sögu finnst
mér vera einelti. Aðalpersónan er
lítil stúlka sem er alltaf að týna
öðrum skónum sínum, hún er
öðruvísi en aðrar telpur og verður
fyrir aðkasti og ímyndunaraflið er
leið hennar út úr eineltinu. Í þess-
ari sögu er vísað í ýmis ævintýri.
Mér finnst ég finna þar minni úr
Pétri Pan, en stelpan flýgur um
með trékalli sem hún finnur.
Þarna er Lísa í Undralandi líka á
vappi og sömuleiðis Öskubuska því
að söguhetjan á tvær eldri systur
sem eru í miklu uppáhaldi hjá
móðurinni en hún er aftur afskipt
sjálf. Prinsinn birtist líka í lok
sögunnar. Litlu hafmeyjunni
bregður fyrir, einnig hinum dul-
arfulla skógi Grimmsævintýra …
Þetta er afar skemmtilega skrifuð
saga og súrrealísk en súrrealismi
þykir einkenna höfundinn nokkuð.
Þessi saga fékk árið 1984
Spænsku bókmenntaverðlaunin í
flokki barna- og unglingasagna.
Þetta er að mínu mati saga sem
fullorðnir eiga að lesa fyrir börn.“
Flamenkó og fornsögur
Hvað með þinn eigin skáldskap,
ertu að skrifa skáldsögu?
„Ég segi sem minnst um það að
svo stöddu. Hins vegar er annað
verkefni sem ég vil gjarnan ræða.
Ég er að vinna með spænskum
hópi sem nefnist Arjé við að setja
upp eins konar flamenkó-
-fornsagnasýningu á Íslandi og
Spáni. Hugmyndin er að semja
verk um Kristínu Hákonardóttur
sem var dóttir Hákonar Há-
konarsonar gamla Noregskonungs.
Sturla Þórðarson skrifar um hana
í Hákonar sögu Hákonarsonar en
á 13. öld var hún gefin suður til
Spánar og giftist þar Filippusi,
bróður kóngsins af Kastel, Alfons-
ar 10. hins spaka, árið 1258. Hjón-
in setjast einmitt að í Sevilla þar
sem flamenkóið blómstrar enn.
Þar deyr Kristín fjórum árum síð-
ar af ókunnum ástæðum. Lík
hennar er flutt í kirkju í bænum
Cobarrubias, á norðanverðum
Spáni, og hún úr sögunni þar til á
sjötta áratug 20. aldar að menn
opna steinkistu í klausturgarði
kirkjunnar og þykjast finna hana
þar. Eftir það hafa Norðmenn á
Spáni haldið mikið upp á hana og
þar er til Stofnun Kristínar prins-
essu sem hefur það að markmiði
að efla menningarsamskipti Nor-
egs og Spánar. Þess má geta að
stofnunin stóð fyrir því að reisa
Ólafi helga kapellu í Cobarrubias.
Hún var vígð haustið 2011. Þar
með var efnt heit Filippusar við
Kristínu eftir 700 ár.
Vissulega er tímaskekkja í sýn-
ingunni því flamenkó-list var ekki
til á 13. öld en samt á að vera
hægt að bræða þetta saman á
skemmtilegan hátt með dansi,
söng, hljóð- og sjóntækni og búa
til gott verk. Ég tek þátt í því að
semja textann, setja verkið saman
með dönsurum, söngvurum og
hljóðfæraleikurum og verð í hlut-
verki sögumanns. Verkið verður
sýnt í Þjóðleikhúsinu 10. og 11.
júní næsta ár og þrisvar í Madríd
í einu helsta leikhúsi borgarinnar
og ein sýning verður í Cob-
arrubias.
Þetta verkefni fékk EES-styrk;
varð í þriðja sæti af 141 umsókn.
Þessir styrkir eru veittir til að
örva menningarleg samskipti og
samvinnu innan EES-svæðisins.
Þetta er spennandi verkefni sem
vonandi tekst vel.“Morgunblaðið/Kristinn
28.9. 2013 MORGUNBLAÐIÐ LAUGARDAGUR 15
Bæjarlind 16 I 201 Kópavogur I sími 553 7100 I linan.is
Supreme Deluxe svefnsófi
Opið mánudaga til föstudaga 12 - 18 I laugardaga 11 - 16
Breytist í rúm
á augabragði -
Extra þykk og
góð springdýna
Svefnbreidd
140x200
Rúmfatageymsla
í sökkli
kr. 169.800
tilboð
kr. 149.900