Morgunblaðið - Sunnudagur - 29.09.2013, Síða 16

*Fjallagórillum fækkar óðum í heiminum en í þjóðgörðum Úganda njóta þær verndar »18Ferðalög og flakk
Þegar ég fékk fyrst að vita að skiptinemafjölskyldan mín byggi á ítölsku eyj-
unni Sardeníu, var ég ekki alveg viss um þann stað. Ég var búin að ímynda
mér að búa í stórri borg eins og t.d Róm eða Mílanó. Núna þegar ég er komin
hingað held ég að ég geti alveg staðfest að ég er algjörlega ástfangin upp fyrir
haus af þessari eyju. Ég bý syðst á henni, skammt frá stóra bænum Cagliari.
Þar eru milljón æðislegar litlar krúttlegar götur, stútfullar af veitingastöðum,
kaffihúsum, fatabúðum & ekki má gleyma ísbúðunum með besta ís í heimi!
Ég er enn að átta mig á því að það er að koma október en hér er hitinn um 24
°C alla daga. Á veturna snjóar aldrei & hitinn fer sjaldan undir 17 °C, svo
fyrir Íslending að vera hér er bara alltaf sumar. Snilld! Ég fæ 10 mánuði til
þess að vera hér, svo ég ætla heldur betur að njóta þess á meðan ég get.
Sólveig Helga Þórðardóttir Sólveig Helga í sólinni á Sardeníu, þar sem hún er skiptinemi. Horft yfir Cagliari, eftir fjallgöngu.
Hiti og besti ís í heimi
Ítalskur ís, klárlega sá besti í heimi.
PÓSTKORT F
RÁ SARDENÍ
U
Svifvængjaflug hefur átt vaxandi vinsældum að fagna hér á landi á undanförnumárum og hefur skráðum félagssmönnum í Fisfélagi Reykjavíkur fjölgað umtals-vert. Tímabilið til að stunda þetta áhugamál er engu að síður fremur stutthérlendis og því algengt að iðkendur sæki út fyrir landsteinana þegar kólna
tekur. Í tilfelli níu manna hópsins sem fór til Makedóníu í byrjun september, hafði
hann heyrt af kjöraðstæðum þar í landi til að stunda þetta áhugamál, enda Make-
dónía bæði hæðótt og landlukt.
„Hitauppstreymið frá landi, sem svifvængjaflugmenn nota til að hringa sig upp í
himininn líkt og fuglarnir, var nánast óáreitt þarna, enda engin hafgola að berjast við-
,“segir viðmælandi Sunnudagsblaðsins og einn meðlimur hópsins. Stóðst Makedónía
fyllilega væntingar ferðalanganna og ríflega það en flugsvæði var frábært, heimamenn
sérlega gestrisnir, maturinn góður sem og flugveðrið allan tímann.
Hópurinn dvaldist að mestu í fjallaþorpinu Krusevo en einnig var áð í nokkra daga
við vatnið Ohrid, við öryggisæfingar.
Krusevo er fjallaþorp í um tveggja klukkustunda akstursfjarlægð frá Skopje, höf-
uðborg Makedóníu. Allir flugu meðlimir hópsins þangað, ýmist í gegnum Lundúni,
Kaupmannahöfn eða aðrar borgir, en tengiflug á áfangastað voru allt frá einu og upp
í þrjú, eftir því hvernig fólk hafði bókað sig. Ekið var síðan frá Skopje með hópinn
upp í fjöllin.
Að sögn viðmælanda blaðsins gætti ýmissa áhrifa í Krusevo en þorpið minnti um
margt á franskt eða ítalskt Alpaþorp. Heimamenn, sem eru um þrjú þúsund talsins,
veittu íslenska hópnum mikla athygli og lögðu sig fram um að taka gestina tali en
margir þeirra voru ágætlega máli farnir á ensku. Vakti sérstaka athygli Íslendinganna
eitt sinn þegar einn makedónskur herramaður rauk upp til handa og fóta þegar hann
heyrði að þeir væru frá Íslandi. „Ah... Reykjavík, Hafnarfjörður, Fram!!“ þuldi mað-
urinn upp eins og ekkert væri sjálfsagðara. Nánari athugun leiddi í ljós að ekki hefur
síður verið fylgst af ákafa með viðureignum íslenska landsliðsins í knattspyrnu og
Makedóníu þar í landi en hér heima í gegnum tíðina.
Að sögn viðmælanda blaðsins kom Makedónía hópnum skemmtilega á óvart og er
langt í frá útilokað að aftur verið haldið þangað í sömu erindagjörðum síðar meir.
Fyrir þá sem hafa áhuga á að kynna sér svifvængjaflug, sjá nánar www.paragliding.is
SVIFVÆNGJAFLUGMENN Á FARALDSFÆTI
Í fjöllum
Makedóníu
MAKEDÓNÍA VERÐUR SEINT TALINN ALGENGUR ÁFANGASTAÐUR Á
FERÐALÖGUM ÍSLENDINGA. ÞANGAÐ HÉLT ENGU AÐ SÍÐUR HÓPUR
SVIFVÆNGJAFÉLAGA Á DÖGUNUM OG LÉT AFAR VEL AF.
Gunnhildur Ásta Guðmundsdóttir gunnhildur@mbl.is
Ljósmynd/Agnar Örn Arason