Morgunblaðið - Sunnudagur - 29.09.2013, Page 20

*Heilsa og hreyfingFleiri og fleiri eru með svokallaðan tölvuháls eftir langar setur við skrifborð daginn út og inn »22
B
aldur Sigurðsson fótboltakappi segir ómega-fitusýrur hafa breytt
miklu fyrir sig. Hann fann ótrúlegan mun á sér fljótlega eftir að
hann fór að innbyrða ómega-3-fitusýrur reglulega. „Ég er búinn að
glíma við meiðsl í nára frá árinu 2006. Ég flutti til Noregs 2007 og
náði þar einhvern veginn að svindla mér í gegnum læknisskoðun þrátt fyrir
að vera meiddur,“ segir Baldur. „Ég hef hingað til þurft að eyða miklum
tíma hjá sjúkraþjálfara og það hefur alltaf farið í taugarnar á mér að hafa
ekki getað æft eins og ég vildi gera.“
Snemma í sumar fóru Baldur og félagi hans í KR á stúfana að kynna sér
nánar hlutverk og virkni ómega-fitusýra. „Ég hef alla tíð fengið að heyra að
ég ætti að taka lýsi en fyrir utan að segja að það væri bara gott fyrir mig
þá kannski vissi maður ekki alveg af hverju.“ Baldur fór að taka inn fitusýr-
ur daglega og eftir stuttan tíma fann hann mikinn mun. „Ég fann svakaleg
áhrif eftir tvær vikur og það breyttist bara allt. Líkaminn mýktist allur upp
og það tók mig bara smátíma að treysta þessu, því ég var farinn að geta t.d.
mætt á æfingu eftir leik og tekið fulla æfingu, sem ég gat ekki áður. Vana-
lega þurfti líkaminn þrjá eða fjóra daga til að jafna sig en þarna var hann
búinn að ná sér að fullu á öðrum degi. Nú tek ég kannski létta æfingu dag-
inn eftir leik og svo næsta dag er ég orðinn klár aftur að spila. En þetta er
ekki bara fyrir íþróttamenn heldur fyrir almenna heilsu. Þetta styrkir
ónæmiskerfið og hefur áhrif á rosalega margt.“
Þrír og sex vinna saman.
Ómega-3-fitusýrur eru nauðsynlegar fyrir líkamann og hafa mikilvægu
starfi að gegna. Baldur segir það verða sífellt þekktara hversu mikilvægar
þær eru og auk þess er skortur á ómega-3-fitusýrum oft tengdur við lífs-
stílssjúkdóma á borð við krabbamein, liðagigt og vefjagigt. Hann líkir
ómega-6 við vonda tvíburann og ómega-3 við þann góða. „Eðli ómega-6-
fitusýranna er að þær eru bólgumyndandi, sem gerir það að verkum að þær
hafa t.d. það hlutverk að vinna á alls kyns kvillum í líkamanum, en þær hafa
önnur og slæm áhrif á líkamann ef ómega-3 er ekki til að vinna á móti. Það
verður að vera jafnvægi á milli þeirra. Það slæma er að það er mun auð-
veldara að ná sér í ómega-6 en ómega-3, því þær eru í raun í öllu sem við
borðum enda býður nútímamataræði mikið upp á unninn mat og margir
vilja gjarnan geta farið út í búð og keypt mat sem hægt er að borða fimm
mínútum seinna. Ómega-3 eru t.d. í feitum fiski og dökku grænmeti en frek-
ar lítið þó. Það er því nauðsynlegt að bæta við,“ segir Baldur. „Ég gæti tal-
að um þetta í þrjá klukkutíma í viðbót, þetta hafði það mikil áhrif á mig. Ég
er orðinn algjör ómega-maður,“ segir Baldur og hlær. Morgunblaðið/Kristinn
ALLRA MEINA BÓT
Fitusýrur
breyttu öllu
KNATTSPYRNUKAPPINN BALDUR SIGURÐSSON ER
HRAUSTARI EN NOKKRU SINNI, ÞÖKK SÉ ÓMEGA-FITUSÝR-
UM SEM HANN BYRJAÐI AÐ TAKA AF KRAFTI Í SUMAR.
HANN SEGIR LÍKAMANN MUN SNEGGRI AÐ JAFNA
SIG EFTIR ERFIÐA LEIKI EN ÁÐUR OG ÝMIS MEIÐSL HEYRI
SÖGUNNI TIL.
Gunnþórunn Jónsdóttir gunnthorunn@mbl.is
Baldur Sigurðsson hefur
verið laus við meiðsli í sum-
ar og þakkar árangurinn
ómega fitusýrum. Hann hef-
ur verið einn besti leik-
maður sumarsins og lykil-
maður í liði KR.
Baldur fagnar einu af mörkum sínum í sumar með Íslandsmeisturum KR.
Morgunblaðið/Ómar