Morgunblaðið - Sunnudagur - 29.09.2013, Side 30

30 MORGUNBLAÐIÐ LAUGARDAGUR 28.9. 2013
Matur og drykkir
Þ
etta byrjaði eiginlega allt með yngsta stráknum
mínum. Hann er með hveitióþol og því fórum
við að skoða þetta mataræði. Hann er reyndar
mesti gikkurinn í dag, á meðan við hin erum öll
komin á mataræðið hans og kunnum því vel,“ segir
María Krista létt í bragði, um upphaf þess að hún til-
einkaði sér lágkolvetnamataræði.
Á blogginu sínu, www.mariakrista-
hreidarsdottir.blogspot.com, hefur María um skeið verið
dugleg við að deila girnilegum uppskriftum með les-
endum. Allar eiga þær það sammerkt að vera í samræmi
við lágkolvetnalífsstílinn, sem gengur öðru fremur út á
að taka út allan sykur og lágmarka önnur kolvetni í fæð-
unni. Síðast en ekki síst sýnir María þar hvernig laga
má uppskriftir að fyrrnefndum lífsstíl, s.s. makkarónur,
brauð og fleira, án þess að slá í neinu af kröfunum um
bragðgæði.
„Mér finnst gaman að sýna fram á að það er ýmislegt
hægt að gera með þetta mataræði. Í raun felst mesta
áskorunin, og það sem mér finnst skemmtilegast, í að
sýna fram á að það er hægt að gera þetta þannig að
maður þurfi ekki að sleppa neinu,“ bætir hún við.
Blóðsykurinn betri
Sjálf segist María hafa prófað ýmislegt í baráttunni við
vigtina í gegnum árin. Almenn líðan hafi hins vegar
aldrei lagast eins mikið og eftir að hún tók upp lágkol-
vetnamataræðið. „Maður losnaði við alla þembu, bólgur
og sveppasýkingar, sem hægt er að tengja beint við syk-
urinn. Skapið og allt er líka betra, þ.e. maður heldur
blóðsykrinum miklu jafnari og rýkur t.d. ekki beint í ís-
skápinn þegar þegar maður kemur heim að loknum
vinnudegi,“ bætir hún við. María segist strangt til tekið
elda hefðbundinn heimilismat s.s. kjötbollur, fisk, græn-
meti og sósur. LKL-útgáfa réttanna geri hins vegar að
verkum að líkaminn hlustar betur á sjálfan sig. „Maður
einhvern veginn borðar líka bara þegar maður er svang-
ur og fer að þurfa minni skammta,“ bætir hún við. Sjálf
segist hún stundum ekkert fá sér nema kaffi með svolít-
illi kókosolíu fyrir hádegi. Aðra daga hikar hún ekki við
að fá sér egg og beikon, langi hana í. „Það er þó ekkert
alla daga, kannski tvisvar eða þrisvar sinnum í viku,“
bætir hún við. „Maður reynir að halda sig við holla fitu,
Omega 3, dýrafitu, íslenskt smjör og slíkt, en forðast að
sama skapi Omega 6,“ segir hún. „Ég held satt best að
segja að sykurinn sé miklu meiri skaðvaldur en nokkurn
tímann egg og beikon, eins og flestir eflaust vita. Fólk
er bara svo háð sykrinum,“ bætir hún við að endingu.
María gefur hérna uppskriftir að annars vegar beik-
on- og hins vegar chilisultu, ásamt brauði, sem hún segir
lítið mál að gera og það þótt ekkert sé slegið af sætunni.
María Krista eldar í dag eingöngu út frá LKL-mataræðinu.
Morgunblaðið/Rósa Braga
MARÍA KRISTA MATARBLOGGARI
Sykurinn meiri
skaðvaldur en beikon
MARÍA KRISTA HREIÐARSDÓTTIR,
HÖNNUÐUR HJÁ KRISTADESIGN, HELDUR
ÚTI SKEMMTILEGU MATARBLOGGI ÞAR
SEM HÚN ELDAR Í SAMRÆMI VIÐ LÁGKOL-
VETNALÍFSSTÍLINN.
Gunnhildur Ásta Guðmundsdóttir gunnhildur@mbl.is
BEIKONSALSA
Þessi „beikonsulta“ er æðisleg,
t.d. sem álegg á langloku/
pylsubrauð, ofan á hamborg-
arann, með kjöti og bara hverju
sem er.
200 g beikon eldað í ofni
½ dós af tómötum í dós
(Hunt’s)
1 lítill laukur eða hálfur stór
1 dl sukrín
1 msk eplaedik
½ tsk pipar
salt
Aðferð:
Beikonið hitað í ofni þar til
stökkt, má líka grilla eða steikja á
pönnu.
Takið 1-2 msk af beikonfitu og
setjið í pott.
Steikið gula laukinn upp úr fit-
unni og kryddið, bætið tómötum
út í og ediki og hrærið í.
Að lokum fer beikonið út í
pottinn og öllu blandað saman.
Ágætt er að bregða töfra-
sprota í stutta stund ofan í pott-
inn og mauka stærstu bitana.
CHILISULTA
Um 20 mínútur tekur að gera
þessa sultu en hún er mjög góð
með ostum.
3 paprikur rauðar
5 rauð chili, fræhreinsið
a.m.k. 2 þeirra
2 dl sukrín
2 dl edik
1 rúm tsk Xanthan Gum
10 dropar Via Health orig-
inal stevía
Aðferð:
Mixið papriku og chili saman í
mixer. Setjið maukið í pott
ásamt ediki og sukríni og látið
sjóða.
Þegar blandan er vel heit
dreifið þið 1 tsk af Xanthan
Gum út í og hrærið áfram.
BRAUÐBOLLUR
Uppskriftin gerir um 10 stk
100 g möndlumjöl (gott að
nota möndlur án hýðis)
1 msk hörfræmjöl/Golden
flaxseed meal
2 msk Husk powder frá
NOW
½ tsk salt
8 dropar Via Health original
stevía
2 stór egg
170 g sýrður rjómi eða grísk
jógúrt, ég nota 18% sýrðan
rjóma
1 tsk vínsteinslyftiduft
Aðferð:
Blandið fyrst þurrefnum sam-
an og síðan eggjum, stevíu og
jógúrt eða sýrðum rjóma við.
Hrærið vel saman og látið
standa í nokkrar mínútur. Mótið
síðan bollur úr deiginu (ágætt er
að nota hanska) og bakið á
smjörpappírsklæddri plötu.
Bakið í 25 mín. í 160° heitum
ofni m/blæstri.
Brauðbollurnar eru smurðar
með beikonsalsa, smábita af
brie-osti og salatblað sett undir.
Fallegur partíréttur, morg-
unmatur, millimál eða annað.
Brauðbollur með beik-
onsalsa og chili-sulta
Morgunblaðið/Rósa Braga
Bollurnar, ásamt bæði
beikonsalsanu og chili-
sultunni, eru t.d. til-
valdar í partýið.