Tímarit lögfræðinga - 01.05.1981, Blaðsíða 36
Ávíð
02 dreif
NORRÆNT LÖGFRÆÐINGAÞING
XXIX. norræna lögfræðingaþingið verður haldið í Stokkhólmi dagana 19.—
21. ágúst 1981. Á þinginu verða til umræðu mörg veigamikil lögfræðileg við-
fangsefni. Meðal efnanna eru þessi: 1. Tjáningarfrelsi og þagnarskylda opin-
berra starfsmanna. 2. Fjármál hjóna og fólks í óvígðri sambúð. 3. Réttindi
sjúklinga. 4. Lögfræðileg vandamál, er varða vinnustaði. 5. Almannaréttindi,
vernd þeirra og takmarkanir. 6. Réttarvitund og refsiverðleiki. 7. Réttarstaða
útlendinga. 8. Ágreiningsefni, sem eigi varða mikilvæga hagsmuni og hvernig
þau verði leyst með sem skilvirkustu móti. 9. Lagaábyrgð stjórnarmeðlima í
félögum. 10. Andmæli almennings og lögfræðileg vandamál, sem því tengj-
ast. 10. Loks er efnið: Frelsi, réttaröryggi og virk stjórnun þjóðfélags frá
lögfræðilegu sjónarmiði.
Meðal frummælenda verða tveir íslenzkir lögfræðingar, Guðrún Erlends-
dóttir (viðfangsefni 2) og Hallgrímur Dalberg (viðfangsefni 4). Þá
verður einnig íslenzkur þátttakandi í hringborðsumræðu í efni 10, Ragnhildur
Helgadóttir, og etv. í efni 8.
Eins og tíðkast hefir að undanförnu, eru sum efnin rædd á allsherjarþingi
(plenum), sbr. viðfangsefni 1 og 10, en önnur í skorum (sektionum). Efni 8
verður rætt í hópum, en einnig á almennum fundum allra hópanna.
Svo sem ráðið verður af viðfangsefnatali, er ætlunin að grípa á þinginu
á mörgum þeim efnum, sem ofarlega eru á baugi í umræðu meðal norrænna
lögfræðinga, þ. á m. eru nokkur efnin vel kunn hér á landi og hafa sætt hér
meðferð í íslenzku lögfræðingafélögunum, sbr. t.d. efni 2, 7 og 8. Efnin snerta
mörg svið réttarins og er ætlandi, að flestir lögfræðingar finni þar einhver
efni, sem tengjast áhugasviði hvers og ein.
i stjórn íslandsdeildar norrænu lögfræðingaþinganna eru þessir menn:
Ármann Snævarr hæstaréttardómari formaður, Auður Þorbergsdóttir borgar-
dómari, Árni Kolbeinsson deildarstjóri, Baldur Möller ráðuneytisstjóri, Bene-
dikt Blöndal hæstaréttarlögmaður, Björn Sveinbjörnsson forseti Hæstaréttar,
Guðmundur Ingvi Sigurðsson hæstaréttarlögmaður, Guðrún Erlendsdóttir
dósent, Hrafn Bragason borgardómari og Þór Vilhjálmsson hæstaréttardómari.
Ármann Snævarr.
30