Vera - 01.10.1988, Blaðsíða 38
„Kanntu brauð að baka“
Tillögur Kvennalistans um lausn efnahagsvandans
Laun eru fryst, verðstöðvun á að vera í gildi, gefin eru út bráðabirgðalög til að
bjarga efnahagsástandinu tímabundið, í framhaldi af starfi forstjóranefndar sem
var sett á laggirnar til að finna leiðir til lausnar vandanum, ríkisstjórnin ræðir við
forystu ASÍ um svokallaða niðurfærsluleið. Hvar endar þetta eiginlega? spyr fólk
þessa dagana. Karlarnir standa ráðþrota, og koma sér ekki saman um lausnir á
vandanum. Þeir hefðu kannski átt að leita víðar ráða en hjá nokkrum forstjórum.
Rétt er að taka það fram að þetta er skráð í upphafi septembermánaðar og miðað
við ástandið í dag gæti alveg eins farið svo að þegar þessar línur birtast á prenti
þá verði ríkisstjórnin farin frá og við komnar á fullt í kosningabaráttu.
Eins og vikið var að hér að framan þá voru það fyrst
og fremst laun fólks sem vegið var að með bráðabirgða-
lögunum í ágústlok. Okkur Kvennalistakonum var of-
boðið, fólk hefur mátt þola matarskatt, tvær gengisfell-
ingar, afnám samningsréttar og aðra óáran á sl. ári og
nú var enn bætt við og laun fryst. Það var því ákveðið
að afhenda Þorsteini Pálssyni, forsætisráðherra bréf
sem og nokkrar tillögur frá Kvennalistakonum til jafn-
vægis og jöfnunar lífskjara í landinu. Kvennalistakonur
víðs vegar að af landinu höfðu komið með innlegg í um-
ræðuna og síðan var unnið úr þeim punktum í bréf til
Þorsteins Pálssonar. Bréfið og tillögurnar voru afhentar
föstudaginn 26. ágúst og fjölmenntu konur til að hitta
Þorstein fyrir utan Stjórnarráðið þar sem hann tók við
bréfinu.
Það er rétt að fara hér nokkrum orðum um þessa að-
gerð okkar sem hinir daglegu fjölmiölar sýndu takmark-
aðan áhuga og athygli. Konur söfnuðust saman á skrif-
stofu Kvennalistans um klukkan fimm og voru þar mætt-
ar með kökukefli og önnur eldhúsáhöld. Einnig höfðu
verið búnir til borðar með alls kyns áletrunum eins og
t.d. ,,Þið getið þetta ekki einir,“ „Beislum þann gráa,“
,,Hver á að þrífa ósómann," o.fl. Síðan gekk hópurinn
frá Laugavegi 17 niður að Stjórnarráðshúsinu og þar
þurfti hann aö biða nokkra stund eftir Þorsteini. Til að
stytta okkur stundir sungum við skemmtileg lög eins og
„Kanntu brauð að baka“ og „Sigga litla systir min“ og
þessi lög fékk Þorsteinn að heyra þegar hann loksins
kom. Þarna voru konur saman komnar með eldhús-
áhöldin til að bjóða fram krafta sína til aö baka nýja þjóð-
arköku, eftir nýrri uppskrift. Það er ekki sama hvað er
sett í kökuna né heldur hvernig hráefnunum er blandað
saman.
En hér kemur svo bréfið og tillögurnar sem lesið var
upp fyrir Þorstein fyrir utan Stjórnarráðshúsið. Hann
hefur ekki svarað því ennþá þegar þetta er ritað, né
heldur leitað eftir frekari tillögum Kvennalistans í efna-
hagsmálum.
38