Morgunblaðið - 02.12.1976, Blaðsíða 3

MORGUNBLAÐIÐ, FIMMTUDAGUR 2. DESEMBER 1976
3
Enn deilt í Háskólanum:
Lögbann sett á framhalds-
aðalfund Stúdentafélagsins
LÖGBANN var í gær sett á
framhaldsaðalfund Stúdentafélags
Háskóla íslands, sem stjórn
félagsins hafði boðað til kl. 14.30 í
Logbergi, húsi Lagadeildar Háskóla
íslands. Lögbannið setti Ólafur
Sigurgeirsson, fulltrúi borgarfógeta,
að kröfu Garðars Mýrdals, fyrr-
verandi formanns Stúdentafélagsins,
og lögfræðings hans, Inga R. Helga
sonar. Deilt hefur verið um lögmæti
aðalfundar Stúdentafélagsins 23.
marz sl., þar sem félagið var tekið úr
höndum kommúnista og Kjartan
Gunnarsson laganemi kjörinn for-
maður. Garðar Mýrdal, fyrrverandi
formaður, og stjóm hans neituðu að
viðurkenna þessa kosningu og héldu
áfram að starfa, og varð stjórn
Stúdentafélagsins að leggja lögbann
1. apríl sl. á alla starfsemi Garðars
og félaga hans I nafni félagsins.
Þegar fundurinn átti að hefjast kl.
14.30 í Lögbergi kom Ingi R. Helga-
son á vettvang ásamt fógetafulltrúa,
Garðari Mýrdal og blaðamönnum og
Ijósmyndurum Þjóðviljans. Ingi til-
kynnti stjórn Stúdentafélagsins, að
Garðar Mýrdal, sem enn teldi sig for-
mann félagsins, hygðist sem slíkur
leggja lögbann á framhaldsaðalfund
félagsins, þar sem stjórnin, sem boð-
aði til hans, væri ólögleg. Stjórnin
mótmælti þvi, að lögbannið yrði sett á,
þar sem Garðari Mýrdal væri óheimilt
að koma fram í nafni félagsins skv.
lögbanni nú frá 1. apríl s.l., en hann
og Ingi kröfðust lögbannsins í gær í
nafni stjórnar Stúdentafélagsins. Auk
þess teldi stjórnin sig réttkjörna.
Fulltrúi fógeta tók málið til úrskurðar,
Framhald á bls. 31
Bræla
á loðnu-
miðum
BRÆLA er nó á loðnumiðunum útaf Vestfjörðum og
öll skip í landvari, að sögn Andrésar Finnbogasonar
hjá loðnunefnd. Nú munu 15 skip stunda loðnuveiðar.
Andrés sagði að sum skip-
anna hefðu verið með afla, sem
þau fengu áður en brælan skall
á. Þannig var t.d. Helga II RE
með 280 lestir, sem hún fór með
til Reykjavíkur, Hilmir SU með
280 lestir, sem hann fór með til
Faxaflóahafna, Ársæll Sigurðs-
son GK með 100 lestir, sem
hann fór með til Grindavíkur,
Árni Sigurður AK með 50
lestir, sem skipið fór með til
Akraness, og Rauðsey AK var
með slatta, sem skipið fór
einnig með til Akraness. Loðn-
una fengu skipin 40 — 50 sjó-
mílur út, af Straumnesi.
íslendingar
sýna okkur
vanþakklæti
sagði skipstjórinn á Via Nova frá Grimsby
„VIÐ ensku sjómennirnir höf-
um kennt fslenzkum sjómönn-
um margt og okkur finnst þeir
og aðrir tslendingar sýna okkur
mikið vanþakklæti," sagði
Tony Hankis, skipstjóri á
Grimsbytogaranum Via Nova, I
samtali við Morgunblaðið. Via
Nova var einn brezku
togaranna, sem voru á veiðum
úti af Hvalbak I gær, eða fram
til miðnættis.
„Við förum ekki heim strax,
við munum halda áfram að
veiða,“ sagði hann. „En ég get
ekki sagt þér hvar.“
Aðspurður um hvernig það
legðist í hann að þurfa að hætta
að veiða við Island sagði
Hankis:
„Ég er reiður yfir því og
brezkir sjómenn eru almennt
reiðir. Þið álftið að þið hafið
unnið sigur með því að reka
okkur af miðum, sem við höfum
veitt á í mörg hundruð ár. En
það er misskilningur. Þið hafið
engan sigur unnið. Þið eigið
eftir að sjá eftir þessu.“
Skipstjórinn var beðinn um
að skýra þetta nánar og hann
sagði:
„Ætla ekki íslenzkir togarar
að halda áfram að landa í
Englandi? Ég held að
Islendingar geti ekki rekið
okkur burtu og búizt um leið
við því að geta komið til
Englands og selt fisk.“
Sagði Hankis að það væri
ekki óráðlegt fyrir íslenzkan
togara að landa í Hull eða
Grimsby, það væri vitfirring.
Hann sagðist hafa verið á
togurum I 25 ár og alltaf við
Island. I þessari síðustu veiði-
ferð hefði hann verið 8 daga á
veiðum en lítið fengið enda
hefði veðrið verið slæmt.
„Ég veit ekki hvort ég á eftir
að koma til Islands aftur," sagði
Hankis, „það er I höndum Efna-
hagsbandalagsans. En hvar við
munum veiða framvegis get ég
ekki sagt. Allavega verðum við
ekki við Bretland, við förum
annað.“
Þjófurinn gaf sig fram
ÞJÓFURINN, sem stal úr-
um að verðmæti 400 þús-
und krónur frá Garðari
Ólafssyni úrsmið um
síðustu helgi, er kominn í
leitirnar.
Gaf hann sig sjálfur fram við
lögregluna. Þetta er 18 ára piltur,
og kvaðst hann hafa framið þjófn-
aðinn í ölæði. Hann gat skilað 4
úrum af 12, en vissi ekki hvar hin
voru niðurkomin. Mál þetta er í
rannsókn.
Baráttusamkoma stúdenta í gær
FYRSTA desembernefnd
stúdenta efndi til baráttusam-
komu f Háskólabfói f gær. Dag-
skráin var helguð efninu: Gegn
kjaraskerðingu verkafólks og
námsmanna. Samstöðu f bar-
áttunni við rfkisvald auðsins.
Auk námsmanna sjálfra fluttu
ávörp Aðalheiður Bjarnfreðs-
dóttir, verkakona, Jósep
Kristjánsson, sjómaður, og Snorri
Sigfinnsson, verkamaður. Flutt
var frásögn úr sögu ísl. verkalýðs-
hreyfingar og fjallað um lánamál
stúdenta og kjaraskerðingu
launafólks, auk þess sem fluttir
voru söngvar. Dagskránni var út-
varpað.
LÆKJARGÖTU 2 - SÍMI FRÁ SKIPTIBORÐI 28155