Morgunblaðið - 02.12.1976, Blaðsíða 26
MORGUNBLAÐIÐ, FIMMTUDAGUR 2. DESEMBER 1976
26
Sjötugur:
Séra GarðarÞor-
steinsson prófastur
Séra Garðar Þorsteinsson,
prófastur, er sjötíu ára í dag.
Hann á þegar langan og merkan
starfsferil. Veitingu fyrir presta-
kalli slnu fékk hann 18. júní 1932
og hefur þjónað því æ síðan. Við
andlát séra Hálfdáns Helgasonar,
prófasts, var séra Garðar einróma
kjörinn prófastur í Kjalarness-
prófastsdæmi og skipaður í það
embætti 1. maí 1954.
Mörgum félags- og trúnaðar-
störfum hefur séra Garðar gegnt.
Hann var stundakennari við
Flensborgarskólann í Hafnarfirði
um langt árabil. Nemendur hans
hafa ýmsir tjáð mér, að kennsla
hans hafi vérið hvort tveggja I
senn markvis og skemmtileg.
Honum er og mjög lagið bæði i
ræðu og riti að koma máli sinu
fram á lipran og skilmerkilegan
hátt. Hin ágæta þýðing hans og
endursögn á bókinni: „Ö, Jesú
bróðir besti“ ber því gott vitni.
Séra Garðar hefur ávallt verið
mikill áhugamaður um skógrækt
og lagt drjúgum að mörkum í
félagsmálum á þeim vettvangi.
Við heimili hans i Hafnarfirði er
fagur garður þeirra hjóna, sem
þau hafa sameiginlega yrkt af
þekkingu og smekkvísi.
Mörgum er séra Garðar minnis-
stæður fyrir fagra söngrödd hans,
enda var hann lengi í hópi
fremstu einsöngvara landsins.
Hann tók virkan þátt i starfi Fóst-
bræðra og Þrasta í Hafnarfirði og
var með í frægum söngferðum til
nágrannalandanna. Í stjórn
Sambands íslenskra karlakóra sat
hann lengi. Ungur stundaði hann
framhaldsnám erlendis i sönglist
og helgisiðafræði hefur fögur
þjónusta hans við helgiathafnir
kirkjunnar jafnan verið rómuð.
í stuttri afmælisgrein verða
ekki rakin að neinu marki hin
margvislegu störf séra Garðars
Þorsteinssonar. Starf prestsins er
margþætt og reynslurikt. Séra
Garðar á hlýtt hjarta, sem hefur
fundið til með öðrum i sorg og
mótlæti og hann á fúsa hönd til
hjálpar þeim, sem byrði þurfa að
bera. En hann er líka gæddur
þeim hæfileika að vera glaður
með glöðum. Það mun honum
þakkarefni, hversu byggð hans
hefur vaxið og farsæld aukist
meðal samferðafólksins. Það er
og þakkarefni í dag, hversu ríkan
þátt sóknarpresturinn átti í þeim
framförum í hálfan fimmta ára-
tug.
Séra Garðar Þorsteinsson er
maður heinskilinn og fylginn sér
til allra framkvæmda. Hann er
nákvæmur og skyldurækinn
embættismaður. Prófastsvisi-
tasiugjörðir hans eru frábærlega
vel ritaðar og þær eru nú þegar
hinar gagnmerkustu heimildir
um kirkjur og störf í prófasts-
dæminu. Prófastur hefur verið
okkur samstarfsmönnum sínum
hollráður húsbóndi og vinsamleg-
ur. Persónulega er mér ljúft að
þakka honum mjög náið samstarf
og gott. Veit ég, að þar má ég og
mæla fyrir hönd safnaðanna í
Garðaprestakalli, en þeim þjónaði
hann áður.
Kvæntur er séra Garðar frú
Sveinbjörgu Helgadóttur. Á
fagurt heimili þeirra hefur ávallt
verið gott að koma. Gestrisni og
glaðlyndi þeirra hjóna beggja er
okkur sínýtt þakkarefni.
„Vér, sem byggjum þetta land,
erum í mörgum skilningi ham-
ingjubörn." Svo mælir séra
Garðar í jólahugvekju. Og hann
segir ennfremur: „Trúin á hann,
sem á jólum kom í heim til þess að
frelsa úr neyð og styrkja í þraut,
sú trú varð þjóð vorri það ljós,
sem lýsti út úr ógöngunum og
bjargaði lífi hennar."
Ég hygg, að séra Garðar Þor-
steinsson telji sig hamingjubarn
og það fyrir margar ástæður. Og
það tel ég og vfst, að hamingjan
mesta í lífi hans hafi verið sú, að
hann hefur fengið um langan
starfstíma að boða þá trú, sem ein
getur orðið það ljós, sem aldrei
bregst.
Starfsbræður séra Garðars Þor-
steinssonar í Kjalarnessprófasts-
dæmi fyrr og nú senda prófasti
sínum hugheilar hamingjuóskir á
merkum tímamótum. Við biðjum
honum og ástvinum hans bless-
unar Guðs. Við vonum, að ljós
trúarinnar megi um alla framtíð
bregða birtu sinni á brautir
þeirra.
Bragi Friðriksson.
Séra Garðar Þorsteinsson,
sóknarprestur í Hafnarfirði og
þrófastur í Kjalarnesprófasts-
dæmi, er sjötugur í dag. Mér er
Ekta skinnfrakki
Gædavara á aðeins 33.950.—
ii
vió Lækjartorg Simi 11595
'/WV
bæði ljúft og skylt að þakka
honum fyrir langa og góða þjón-
ustu við Hafnarfjarðarkirkju i
nær 45 ár, en hann var kosinn
prestur í júní 1932, og prófastur i
Kjalarnesprófastsdæmi hefur
hann verið síðan árið 1954. Auk
þessa starfa hefur séra Garðar
tekið mikinn þátt í alls konar
félagsmálum í Hafnarfirði. For-
stöðumaður Vetrarhjálpar í
Hafnarfirði frá stofnun hennar,
söngstjóri karlakórsins Þrasta,
formaður Skógræktarfélags
Hafnarfjarðar, Slysavarna-
deildarinnar Fiskakletts og
Rauðakrossdeildar Hafnar-
fjarðar, og forseti Rotaryklúbbs
Hafnarfjarðar svo eitthvað sé
talið.
Séra Garðar hefur verið mikill
starfsmaður og reglusamur í
embættisstörfum og rækt störf
sín af mikilli kostgæfni.
Ég vil nota þetta tækifæri til að
þakka séra Garðari trygga og góða
vináttu í rúma fjóra áratugi, vin-
áttu, sem mér er mikils virði, og
sendi honum, konu hans og börn-
um hugheilar árnaðaróskir frá
mér og fjölskyldu minni á þessum
mer(tu tímamótum í ævi hans.
S.G.S.
Sveit Ellerts Krist-
inssonar sigraði
í sveitakeppni
í Hólminum
Sveitakeppni Bridgefélags
Stykkishólms er nýlokið, en í
henni tóku þátt sex sveitir.
Urslit urðu þessi: stig
1. Sveit Ellerts Kristins. 87
2. „ Viggó Þorvarðars. 59
3. „ Harðar Finnssonar 59
4. „ Sigurbjargar
Jóhannsd. 32
5. ,, Más Hinrikssonar 25
6. „ Sigurjóns Helgason-
ar 11
I sveit Ellerts Kristinssonar
eru auk hans: Sigfús Sigurðs-
son, Kristinn Friðriksson,
Guðni Friðriksson og Halldór S.
Magúusson.
Nú hafa þrír spilarar I
Bridgefélagi Stykkishólms náð
yfir 200 bronsstigum og þar
með titlinum félagsmeistari.
Þeir eru: Ellert Kristinsson,
Kristinn Friðriksson og Guðni
Friðriksson.
Nýlega er hafin fjögurra
kvölda tvfmenningskeppni hjá
félaginu, sem Ijúka mun fyrir
jól. Þetta er aðaltvímennings-
keppni þessa starfsárs.
Eftir eitt kvöld er staða efstu
para þessi:
1. Þórður og Már 129 stig
2. Jón og Snorri 128 „
3. Ellert og Halldór M. 123 „
4. Halldór J. og Isleifur 120 „
5. íris og Sigurbjörg 119 „
6. Kjartan og Viggó 117 „
Miðlungur er 110 stig.
Keppnisstjórar á
á farandsfæti
Um slðustu helgi fóru tveir af
okkar þekktustu keppnisstjór-
um sunnanlands, þeir
Guðmundur Kr. Sigurðsson og
Vilhjálmur Sigurðsson, til
Akureyrar. Komu þeir á baro-
meterkeppni fyrir Akureyringa
og nágranna þeirra og spiluðu
alls 28 pör.
Var spilað á föstudagskvöld,
laugardag og sunnudag og spil-
uð 4 spil við parið. Höfðu mjög
Bridge
umsjón ARNÓR
RAGNARSSON
mörg paranna ekki spilað baro-
meter áður og þótti þeim hin
bezta skemmtan að hinu nýja
keppnisformi. tJrslit urðu þau
að Mikkael Jónsson og Þórir
Leifsson sigruðu I keppninni en
nánari fréttir hafa ekkl borist
af röð efstu para.
Að sögn Vilhjálms var vel
tekið á móti þeim félögum og
greiddu norðanmenn fæði og
uppihald fyrir þá félaga,
Kristjana og Halla
sterkastar á loka-
sprettinum hjá BK
Hinni löngu barometer-
keppni Bridgefélags kvenna er
nú lokið. Sigurvegarar urðu
Halla Bergþórsdóttir og
Kristjana Steingrímsdóttir.
Hlutu þær 5497 stig.
Röð efstu para varð annars
þessi:
Sigrún Olafsdóttir —
Sigrún Isaksdóttir 5412
Gunnþórunn Erlingsdóttir —
Ingunn Bernburg 5393
Vigdls Guðjónsdóttir —
Hugborg Hjartardóttir 5342
Steinunn Snorradóttir — Þor-
gerður Þóraransdóttir 5285
Kristln Þórðardóttir —
Guðrlður Guðmundsdóttir
5277
Sigrlður Pálsdóttir —
Ingibjörg Halldórsdóttir 5187
Elín Jónsdóttir —
Rósa Þorsteinsdóttir 5097
Júllanna ísebarn —
Margrét Margeirsdóttir 5070
Laufey Arnalds —
Ása Jóhannsdóttir 4935
Meðalskor 4760.
A mánudaginn kemur verður
spiluð sveitakeppni við Bridge-
deild Breiðfirðinga og hefst
keppnin kl. 19.30.
Framhald á bls. 31
Myndin er tekin hjá Bridgefélagi kvenna. A borðinu fjærst á
myndinni má sjá þær stöllur Höllu Bergþórsdóttur og Kristjönu
Steingrfmsdóttur sem sigruðu f barometerkeppni Bridgefélags
kvenna eins og fram kemur f þættinum.