Morgunblaðið - 02.12.1976, Blaðsíða 31

MORGUNBLAÐIÐ, FIMMTUDAGUR 2. DESEMBER 1976
31
„í moldinni
glitrar gullid”
ný bók eftir
Kormák Sigurðsson
„I MOLDINNI glitrar gullið“
nefnist bók eftir Kormák Sigurðs-
son og er bókin endurminninga-
brot úr fórum Sigurðar Haralz.
Um bókina segir m.a. á bókar-
kápu: „Við ferðumst með Sigurði
Haralz frá Hæstarétti til Hratn-
istu, með viðkomu á nokkrum
stöðum til sjós og til sveita, við
næturvörzlu i Völundi eða í heim-
sókn hjá Ingibjörgu og Þorgrími í
Laugarnesi. — Meðal þeirra
manna sem vikið er að í bókinni
eru Páll Halldórsson stýrimanna-
skólastjóri, séra Arni Þórarins-
son, Jóhannes Kjarval, Erlingur
Filippusson, Guðbrandur ríki, en
allir þessir menn voru vinir Sig-
urðar Haralz.
Bókin „I moldinni glitrar gull-
ið“ er 223 blaðsíður að stærð.
Skuggsjá gefur út og prentar, en
Bókfell h.f. sá um bókbandið.
Framhald af bls. 23
notkun þessara upplýsinga og
viðhafðar eru um önnur gögn
lögreglunnar og Skýrsluvéla.
0 12. Sp.: Telur ekki ráðherr-
ann, að mál af þessu tagi sýni
nauðsyn þess, að hér á landi,
eins og vlða annars staðar,
verði sett löggjöf um tölvu-
notkun við söfnun upplýsinga
um einstaklinga og persónu-
lega hagi þeirra?
Svar: Vfðast hvar erlendis, þar
sem tölvur hafa verið teknar I
notkun á þann hátt, sem hér
um ræðir, hefur verið sett
viðamikil löggjöf um vernd
einstaklinga gagnvart mis-
notkun á slfkum tölvuuppiýs-
ingum. Nú hefur verið ákveð-
ið, að samin skuli löggjöf um
þessi efni hér á landi, og hefur
nýiega verið skipuð þriggja
manna nefnd til þess að vinna
að undirbúningi löggjafar um
meðferð efnis f tölvum, er
varðar einkahagi manna, þar
með um söfnun upplýsinga til
varðveizlu f tölvum, um varð-
veizlu efnis í tölvum og um
vernd gegn misnotkun slfks
efnis, svo og um skyldur
þeirra manna, er starfa við
rekstur á tölvum. t nefndinni
eiga sæti dr. Ármann Snævarr,
hæstaréttardómari, sem jafn-
framt er formaður nefndar-
innar, Hjalti Zóphónfasson,
fulltrúi f dómsmálaráðuneyt-
inu og Þorkell Helgason,
dósent. Sækja tveir hinir sfðar-
nefndu nú ráðstefnu, sem
haldin er nú f Strassborg, og
fjallar um vernd einstaklinga
gegn misnotkun f sambandi
við tölvunotkun.
— Lögbann
Framhald af bls. 3
en á meðan hófst fundurinn. Er Ingi R.
Helgason sá, að fundarstörf höfðu
hafizt reiddist hann mjög. hóf hávær
framíköll og krafðist þess, að fundinum
yrði frestað á meðan fógetafulltrúinn
úrskurðaði um málið. Ekki var orðið
við þessari kröfu Inga og hljóp hann þá
upp til fógetafulltrúans, sem vann að
úrskurðinum á efri hæð Lögbergs, og
fékk hann til að koma niður og setja
lögbannið á án tafar og án efnislegrar
athugunar. Fógetafulltrúinn lagði lög-
bannið á og hafði við orð að það væri
gert vegna þess, að hann hefði ekki
fengið tíma til þess að kynna sér rök
gerðarþola þar sem Kjartan Gunnars-
son hefði hafið fundinn og ekki frestað
honum eins og Ingi óskaði eftir.
Morgunblaðið sneri sér til formanns
Stúdentafélagsins, Kjartans Gunnars-
sonar, og leitaði álits hans á lög-
banninu
„Það vekur athygli að enn einu sinni
hefur alþýðubandalagslögfræðingur-
inn Ingi R Helgason afskipti af
háskólapólitíkinni, og reynir með lög-
bannskröfum að hindra eðlileg félags-
störf stúdenta," sagði Kjartan, „en ég
tel þetta lögbann reist á mjög hæpnum
rökum. í fyrsta lagi átti fógetafulltrúinn
tvímælalaust að vísa lögbannskröfu
Garðars Mýrdals frá, því að í henni
talar hann sem formaður Stúdenta-
félagsins, en við í stjórninni lögðum
einmitt lögbann 1. apríl s.l. á alla
starfsemi Garðars og hóps hans í nafni
félagsins. Og kynnti ég fógetafulltrúan-
um sérstaklega úrskurð fógetaréttarins
um það efni í réttarhaldinu í gær.
í öðru lagi þóttu mér og öðrum
fundarmönnum þau ummæli fógeta-
fulltrúans undarleg er hann sagði
þegar hann hafði lagt lögbannið á
fundinn, en þá var fundarstöfum því
nær lokið, að þetta væri gert vegna
þess, að ég hefði ekki gefið honum
tíma til að kanna málið nægilega vel.
Lögbannsbeiðendur höfðu þvert á móti
haft heila viku til að óska eftir frestun
fundarins eða til að leggja lögbann en
hófu hins vegar ekki aðgerðir fyrr en
nokkrum stundarfjofðungum áður en
fundurinn átti að hefjast. Fógetanum
ber auðvitað að athuga efnisrök og
lögrök í málinu en ekki að láta flækja
sér á neinn hátt í pólitisk átök eins og
ég tel að Ingi R. hafi gert að þessu
sinni.
í þriðja lagi má benda á, að Garðar
Mýrdal tók fullan þátt í störfum aðal-
fundarins í gær þrátt fyrir lögbanns-
kröfu sína. Garðar tók þátt í atkvæða-
greiðslum og var kjörinn endurskoð-
andi félagsins samkvæmt eigin
uppástungu Allt hnígur þvi að þeirri
sömu niðurstöðu, að lögbanns-
úrskurður þessi sé mjög vafasamur,
svo að ekki sé fastar að orði kveðið.
Garðar Mýrdal og kommúnistarnir
félagar hans geta ekki kyngt þvi að
hafa orðið undir á aðalfundi félagsins
23. marz s.l. og reiddu því nú fram
hundrað þúsund króna lögbanns-
tryggingu til þess að koma í veg fyrir
að eðlileg og lögmæt starfsemi
stúdentafélags Háskóla íslands gæti
farið fram."
— Skák-
bókmenntir
Framhald af bls. 15
1966 til 1971. Enginn núlifandi
íselndingur hefur lagt sig jafn-
mikið fram um að kynna og kenna
og vekja áhuga á skák á íslandi og
Guðmundur Arnlaugsson rektor.
Hann hefur um áraraðir verið
óþreytandi að miðla öðrum af
fróðleik sínum og gert það á þann
hátt, að torvedustu og flóknustu
þrautir, sem hann leggur fyrir
okkar, verða i höndum hans lokk-
andi viðfangsefni og einfaldari en
þau sýnast vera. Með mörgum
þessara þátta fylgir ýmiss konar
fróðleikur um höfundana og sagt
er frá uppruna skákþrauta. Höf-
undur segir réttilega f formála, að
þessi þáttur skákarinnar hafi orð-
ið útundan í fzlenskum skákbók-
menntum og er þessi bók því mik-
ill fengur áhugamönnum á þessu
sviði. Hann segir ennfremur:
„Það er von mín að bókin eigi
eftir að opna augu einhverra
skákunnenda fyrir fegurð og fjöl-
breytni þess, sem ort hefur verið
á taflborðinu." Bókin minnir okk-
ur jafnfram á brýnt verkefni, sem
er heildarútgáfa íslenzkra skák-
dæma, en þau hafa um áraraðir
birzt með höppum og glöppum f
skáktímaritum okkar og væri að
því mikill fengur að fá þau útgef-
in i sérstakri bók.
VIÐ SKÁKBORÐIÐ I
ALDARFJÓRÐUNG,
EFTIR FRIÐRIK
ÓLAFSSON
Þessi bók er væntanleg á
markaðinn nú fyrir jólin og eru
þetta 50 valdar sóknarskákir Frið-
riks í samantekt hans sjálfs. Þetta
verður vissulega forvitnileg bók,
en auk skákanna verður formáli
að hverri skák, auk þess fjölmarg-
ar töflur yfir skákmót, sem þarna
er fjallað um og fjöldi mynda
mun prýða bókina. Er ekki að efa
að marga mun fýsa að eignast
þessa bók Friðriks, en alltof fáar
skákir hans hafa birzt opinber-
lega og harla fáar með hans eigin
skýringum.
Eins og fyrr segir eru allar þess-
ar bækur gefnar út af Tfmaritinu
Skák.
— Bridge
Framhald af bls. 26
Meistaramót Sel-
foss í tvímenning
Staðan f meistaramóti
Bridgefélags Selfoss f tvfmenn-
ingi eftir 1. umferð 25. nóv.
1976.
1. Halldór Magnússon —
Haraldur Gestsson 210stig
2. Sigfús Þórðarson —
Vilhjálmur Þ. Pálss. 198 stig
3. Sigurður Sighvatsson —
Tage R. Olesen 185 stig
4. Guðmundur G. Ólafsson —
Haukur Baldvinsson 185 stig
5. Friðrik Sæmundsson —
Sigurður Þorleifsson 185 stig
6. Gísli Stefánsson —
Þorvarður Hjaltason 184 stig
7. Hannes Ingvarsson —
Jóhann Jónsson 178 stig
8. Bjarni Sigurgeirsson —
Ástráður Ólafsson 169 stig
9. Jón Bjarni Stefánsson —
Guðmundur S. 168 stag
10. Gestur Haraldsson —
Trausti Gunnarsson 163 stig
Meðalskor 156 stig.
Næsta umferð verður spiluð
fimmtudaginn 2. des. kl. 7.30.

[ Kaffivélar 4 gerðir
Grillofnar
3 gerðir
Djúpsteikingarpottar
2 gerðir

Hárþurrkur 4 gerðir Jj
Hárliðunarjám
með eða án gufu
Vöfflujárn
með telfon húð
SKOÐIÐ OG KAUPIÐ
ROWENTA RAFTÆKI í NÆSTU
RAFTÆKJAVERZLUN
■ ^...............................................................................................................................................................-....................
Straujárn 5 gerðir
Rowenra,
UMBOÐIÐ