Morgunblaðið - 19.12.1976, Blaðsíða 14

14
MORGUNBLAÐIÐ, SUNNUDAGUR 19.DESEMBER 1976
I
x<%.
Gamli tíminn í myndum
ALMENNA bókafélagið gaf nýlega út veglega bók með Ijósmyndum
Sigfúsar Eymundssonar. Er hér um að ræða heillandi fróðleik í myndum,
með glöggum sk 'ringartextum. í bókinni eru 97 myndir, 65 frá Reykjavik
og 32 af landsbyggðinni. Skal ekki orðlengja frekar um bókina að þessu
sinni, enda segja myndirnar sjálfar meira en mörg orð.
Nr. 1 (nr. 61 í bók, bls. 90—91) Úr Sundlaugunum, nemendur úr Lærða skólanum læra
sund. — Hér eru laugarnar aðeins hiaðnar upp úr grjóti og sundskýlið stendur úti í þeim
miðjum.
Nr. 2 (Nr. 33 í bók, bls. 55) Útskipun á saltfiski um aldamótin. — Uppskipunarbátarnir eru
venjulegir fiskibátar með Engeyjarlagi og er fiskurinn fluttur um borð I eitthvert
gufuskipanna í höfninni. Af þeim þekkjast Ceres, stóra skipið lengst til vinstri, Hólar fjærst
fyrir miðju, varðskipið Heimdal og Botnía til hægri.
Nr. 3 (nr. 18 í bók, bls. 37). Austurstræti og Vesturbærinn 1875. Hús Sigfúsar
Eyi. jndssonar er handan lækjarins til vinstri og hefur enn ekki verið byggt ofan á
norðurendann. Glasgow gnæfir yfir i Grjótaþorpinu og hægra megin við það sjást húsin við
Hlíðarhúsastíg, síðar Vesturgotu
Nr. 4 (nr. 30 i bókinni, bls 51) Þau voru mörg falleg húsin i gamla daga. Þetta er
Vesturgata 18, hús Árna Eiríkssonar kaupmanns og leikara, sem stendur hér á troppunum
Nr. 5 (nr. 77 í bók, bls. 107) Akureyri, verzlunarhús Gudmannsverzlunar niður undan
Búðagili. Verzlunarhúsið sjálft til vinstri, tvilyft með áletruninni Gudmanns Efterfölgers
verzlun. Danski fáninn og fáni Sameinaða gufuskipafélagsins við hún á húsinu en
fálkafáninn sést á bak við.
Nr. 6 (nr. 93 í bók) Keflavík nokkru fyrir aldamótin, hús Duusverzlunar. Stóra húsið á miðri
myndinni stendur enn.