Morgunblaðið - 19.12.1976, Blaðsíða 30

30
MORGUNBLAÐIÐ, SUNNUDAGUR 19.DESEMBER 19?6
, ,Sóknarstíllinn
megmeinkennid”
Rætt vid Friðrik Ólafsson um bókina
„Við skákborðið í aldarfjórðung”
„í BÓKINNI eru
fimmtíu skákir, fyrst og
fremst sóknarskákir eða
þá f sóknarstfl. Þær
spanna yfir tímabilið frá
1950 til 1976 eða ár
meira en aldarfjórðung,"
sagði Friðrik Ólafsson
stórmeistari í samtali við
Morgunblaðið í gær um
nýútkomna bók, sem
hann hefur skrifað, „Við
skákborðið í aldarfjórð-
ung“, en í bókinni getur
að finna 50 valdar sókn-
arskákir Friðriks og út-
gefandi bókarinnar er
Tímaritið Skák.
Að sögn Friðriks hefur hann
lengi haft það bak við eyrað að
semja bók sem þessa, en ekki
gefizt tími til fyrr en nú er
hann fékk tveggja mánaða hlé
milli móta. „Þessa tvo mánuði
hef ég legið yfir skákunum dag
og nótt, fyrst og fremst til að
koma bókinni út fyrir jól og svo
er bezt að vinna að þessum mál-
um f skorpu.“
„Skákirnar sem ég valdi i
bókina eru ekki endilega beztu
skákir, sem ég hef teflt, en
margar þeirra eru a.m.k. með
þeim betri. Hins vegar er sókn-
arstíllin fremur mitt megin-
einkenni, þótt ég telji mig geta
teflt skák á fleiri vegu en með
sókn.“
Aðspurður sagði Friðrik, að
hann hefði endurnýjað allar
Ljósm. Mbl.: RAX
Friðrik með nýju bókina.
skýringar með skákunum m.a.
með tilliti til nýrrar „teorfu" og
annarra þátta, sem komið hafa
fram á þessum tima.
A þessu ári eru liðin 26 ár
sfðan Friðrik lét verulega að
sér kveða á skákmóti þar sem
þátttakendur voru frá fleiri
löndum en Islandi. 1 formála að
bókinni segir Guðmundur Arn-
laugsson m.a.:
„Árið 1950 er Norðurlanda-
mót í skák haldið í fyrsta sinn á
fslandi, í Þjóðminjasafnshús-
inu, sém þá var i smíðum. Þar
teflir Friðrik i meistaraflokki
og nær fyrstu verðlaunum þótt
aðeins sé hann fimmtán ára að
aldri, yngstur þátttakenda.
Þessum sigri fylgdu landsliðs-
réttindi og árið eftir keppti
Friðrik i landsliði og náði öðru
sæti. Árið 1952 varð hann efst-
ur á Skákþingi Islands ásamt
Lárusi Johnsen, vann hann f
einvigi og var þar með orðinn
skákmeistari Islands sautján
ára gamall.
... Sá atburður er kynnti
Friðrik bezt f víðri veröld skák-
manna var jólamótið f Hastings
1955—56, en þar tókst honum
að ná efsta sæti ásamt Kortsnoj,
fyrir ofan Tajmariov, Darga,
Ivkov, Penrose og fleiri. Fáir
höfðu þorað að spá honum sigri
fyrir mótið, en nú var ljóst að
tsland hafði eignazt skákmann
er gat orðið skeinuhættur
hverjum sem var.“
Morgunblaðið spurði Friðrik
hvort skákstfll hans hefði
breytzt mikið á þessum árum.
„Stfllinn hlýtur að hafa breytzt
og ég er að mörgu leyti traust-
ari skákmaður. Maður stekkur
Ljðsm. Mbl: Ol.K.M.
Þessi mynd er úr myndasafni Morgunblaðsins og var tekin þegar
Friðrik kom heim eftir sigurinn á Hastingsmótinu 1955—56.
ekki eins mikið af augum út f
hreina tvísýnu, jafnvel þótt ým-
islegt gefi til kynna að maður
geti það. Þannig virðist maður
spekjast með árunum f skák og
það á eflaust með flest svið
mannlífsins.
Þegar ég hóf minn skákferil,
var stfllinn takmarkaður við
visst svið, en eftir því sem á
hefur liðið, hefur maður viðað
að sér meiri þekkingu og um
leið hefur maður orðið að að-
laga sig þeim kröfum, sem
skákin krefst. Það er ekki nóg
að geta teflt skákina, heldur
þarf maður ennfremur að geta
varizt og teflt allar tegundir af
skák. Maður getur ekki unnið
allar skákir á sama hátt, það
þarf að aðlagast hverri stöðu
hverju sinni, hvort sem verið er
f vörn eða flókin stöðubarátta
er háð. Þessi atriði öll útheimta
einfaldlega þroska, sem kemur
að einhverju leyti niður á ferks-
leikanum.“
„Næst var Friðrik spurður að
hvort miklar breytingar hefðu
orðið á skák frá því að hann
byrjaði að tefla á alþjóðamót-
um. „Breytingarnar hafa orðið
töluverðar frá því ég fór að
taka þátt í stórmótum 1957—58.
Ég er ekki að segja að menn séu
endilega betri skákmenn nú,
heldur er orðið erfiðara að ná
árangri gegn hverjum sem er.
Það hafa orðið miklar framfar-
ir I útgáfu skákbókmennta og
um þessar mundir getur hver
einasti skákmaður í heiminum
fylgzt með því sem fram kemur
i blöðum, tfmaritum og bókum.
Þetta er semsagt allt orðið há-
þróaðra."
Að lokum var Friðrik spurð-
ur hvort hann ætti sér einhverj-
ar uppáhaldsskákir. Hann
sagði, að nokkrar af sfnum
uppáhaldsskákum væri að
finna í bókinni. T.d. skákin við
Wade f Hastings frá mótinu
1954, skák úr einvfginu við dr.,
Pilnik, og ennfremur skák sem
hann tefldi við Najdorf i
Moskvu 1956 og við Fischer I
Portoros 1958.
„Við skákborðið í aldarfjórð-
ung“ er alls 240 bls. að stærð og
í henni eru fjölmargar myndir,
sem teknar eru á hinum ýmsu
mótum, sem Friðrik hefur tekið
þátt i. Bókin er sett og prentuð
hjá Skákprent, Bókbindarinn
annaðist bókband og kápu-
teikningu gerði Ólöf Árnadótt-
ir.
Guðmundur Jónsson
vekur víða
SKUTTOGARINN og nóta-
skipið Guðmundur Jónsson
frá Sandgerði, sem smíðað-
ur var í Slippstöðinni á
Akureyri, hefur auðsjáan-
lega vakið jafn mikla
athygli erlendis og hér
heima, enda er skipið allt
hið glæsilegasta að sögn
kunnugra. í nýútkomnu
hefti brezka tímaritsins
Fishing News er
heilsíðuauglýsing frá
brezka risafyrirtækinu
Decca, og fylgja henni
tvær myndir af Guðmundi
Jónssyni og úr brú skips-
ins. Að sjálfsögðu er sagt
frá þeim Decca-tækjum í
auglýsingunni, sem eru um lenzka fiskskipaflotans og
borð í Guðmundi Jónssyni, nýtízkulegasta skip, sem
en ennfremur segir, að 'nokkru sinni hafi verið
skipið sé nú flaggskip ís- smíðað á íslandi.
athygli
GUOMUNDORJONSSON