Morgunblaðið - 25.04.1978, Qupperneq 47

MORGUNBLAÐIÐ, ÞRIÐJUDAGUR 25. APRÍL 1978- 47
Lýsingar sjónarvotta á sovésku þotuárásinni á kóresku farþegaþotuna
Boeing 707 farþegaþota kóreska flugfélagsins KAL á ísilögðu vatni í Rússlandi eftir að sovézk orrustuþota
skaut 6 hana og neyddi hana til að ienda. Japanskur farþegi tók myndina.
„Héldum að verið væri að sýna
okkur kurteisi, en skömmu síðar
stóðu blossar fram úr orustuþotunni”
Þannig gekk
ferðin fyrir
Helsinki, 24. apríl. Reuter.
ENNÞÁ pykir með öllu óljóst hvaó olli
Því að vél kóreska flugfélagsins í flugi
902 villtist af leiö og nauðlenti í
Rússlandi eftir að sovézkar orustupot-
ur skutu á vélina og neyddu hana til
að lenda.
Þó hefur sendiráð Suður-Kóreu í
Helsinki skýrt svo trá að vélin hafi
farið af leið vegna siglingafræðilegrar
skekkju.
Það var klukkan 11:40 fyrir hádegi
að íslenzkum tíma á sumardaginn
fyrsta að vélin hóf sig til flugs frá París
í flugi 902 til Seoul í Suður-Kóreu.
Innanborðs voru 97 farÞegar, Þar af
fimm börn, og 13 manna áhöfn.
Klukkan 16:51 er vélin yfir íshellu
Noröurheimskautsins þegar flugstjórinn
sendir síöustu skilaboðin um staösetn-
ingu vélarinnar, áöur en rússnesku
orustuþoturnar koma til sögunnar.
Flugstjórinn segir vélina stadda á 80.
gráöu norðurlengdar og 69. vestur
lengdar, þaö er hún er í loftinu á milli
vesturstrandar Grænlands og Elles-
mere-eyju, nyrztu eyju kanadísku heim-
skautaeyjanna. Nálægasta landsvæöi
Sovétríkjanna er Franz Josef land, sem
er í 1.000 mílna fjarlægð.
Klukkan 18:00. Flugumferöarstjórnin
í Edmonton í Alberta-fylki í Kanada
móttekur ekki staðarákvörðuh
flugs-902, eins og venjulega þegar vélin
framhald á bls. 30
Flugstjóri kóresku farþegaþotunn-
ar sem sovézkar þotur neyddu til að
lenda í Rússlandi. Flugstjórinn,
Kim Chiang-Kyu, var kyrrsettur og
svör hafa ekki borizt við kröfum
um að hann verði látinn laus ásamt
siglingafræðingi farþegaþotunnar
sem var líka kyrrsettur.
Helsinki, Tokýó. AP. Reuter.
„ÉG trúi því ekki aö þetta hafi í
rauninni átt sér staö, og sonur
minn látist vegna þess. Hvernig
geta Sovétríkin leyft sér að skjóta
á flugvél sem ekki getur svarað í
sömu mynt? Aögerð Sovétríkj-
anna er á allan hátt óábyrg,
einkum af mannúöarástæöum, og
er hún ófyrirgefanleg. Hún er
martröö, í sjálfu sér, og verður að
mótmæla kröftuglega framferöi
Sovétríkjanna." Þannig mæiti
Japaninn Takashiro Sugano, 69
ára að aidri, en hann missti son
sinn, Yoshitaka Sugano, í skotár-
ás Sovétmanna á kóresku
farþegavélina sem neydd var til
aö lenda í Sovétríkjunum eftir aö
hún villtist af leiö í áætlunarflugi
frá París til Seoul í Suður-Kóreu.
Foreldrar Takashiro voru í fjölmenn-
um hópi venslamanna sem beið komu
flugvélar til Tókýó með farþega og
áhöfn kóresku vélarinnar. „Ég skil
þetta alls ekki,“ sagöi móðir
Takashiro, „hví drápu þeir saklausan
og varnarlausan son okkar? Mér
kemur ekki dúr á auga þegar ég
hugsa um síðustu stundir hans í
flugvélinni. Maður trúir því vart annars
að hann sé látinn."
Margir farþeganna í kóresku vélinni
lýstu fyrir fréttamönnum í Helsinki, í
Anchorage og í Tókýó því sem gerðist
frá þvt aö sovéskar herþotur komu til
móts við vélina. hófu skothríð á hana
og neyddu hana til aö lenda.
Þeim bar saman um aö allt í einu
hefðu heyrst skothvellir, mikll spreng-
ing og skotkúlur heföu dreifst um
farþegarýmið. Á einum stað á skrokk
vélarinnar var hnefastórt gat. Við
skothríöina tók vélin dýfu og á
nokkrum minútum lækkaöi hún flugið
úr 35.000 fetum í 3.500 fet. Síðan tók
þaö flugstjórann um Vh klukkustund
að finna hentugan staö til aö lenda á.
Um síðir lenti hann flugvélinni á
ísilögöu vatni nálægt borginni Kem og
um 370 kílómetra suður af Murmanzk.
„Farþegarnir héldu í fyrstu að
sovéska orustuþotan væri amerísk
herþota aö bjóöa okkur velkomin til
Alaska. Viö áttum samkvæmt áætlun-
inni að vera rétt ókomin til Anchorage
þegar vélarnar birtust," sagði franski
kaupsýslumaöurinn Jean-Claude
Fory, sem hélt heim til Parísar frá
Helsinki í stað þess aö halda áfram
ferð sinni til Japans með flugvélinni
sem sótti farþegana til Helsinki.
„Ég hélt að verið væri að sýna
okkur kurteisi, en skömmu eftir aö ég
tók eftir orustuþotunni kvað við mikill
hvellur og blossar stóöu frá henni.
Næstu mínútur voru eins og í lyftu, við
fórum niður á við með miklum hraða,“
sagði evróþskur farþegi sem óskaði
að láta ekki nafns síns getið.
Þegar sovéska orustuþotan birtist
hjá kóresku farþegaflugvélinni ritaði
Seiko Shiozake í sæti 19a athuga-
semdir í dagbók sína. Um síðir fylltu
athugasemdirnar sex síður, þétt
ritaðar japönsku táknletri. „Klukkan er
8:43 og sovésk orustuþota er aö
skjóta á okkur frá vinstri hlið. Nokkrar
konur eru grátandi, einn Kóreumaður
hefur verið drepinn og einn Japani
helsæröur og okkur ber hratt niður,
niður niður." Nokkrum mínútum síðar
ritar Shiozake: „Flugstjórinn var að
segja að vélin væri heil og hann heföi
fullt vald á henni. Hann segist vera að
undirbúa lendingu. Mér finnst ég þurfi
aö selja upp.“
Um það bil Vh klukkustundu síðar
ritar Shiozake: „Klukkan er 10:25 og
við erum að lenda. Eldbjarma slær
fyrir á vinstri væng. Viö erum lent á
snjó skammt frá vatni. Tunglið lýsir
upp umhverfið .. .flugstjóranum er
klappað lof í lófa fyrir vel heppnaöa
lendingu."
„Kukkan er 12:10 og við sjáum fólk,
ef til vill hermenn, í síðum frökkum og
með byssur. Við vitum ekki hvort
þetta eru Ameríkanar eða Rússar,"
heldur Shiozake áfram.
„En nú heyrum við að þetta eru
Rússar og fólk verður gagntekiö af
ótta. Ég sé að sólin er að koma upp
fyrir sjóndeildarhringinn," bætir
Shiozake viö.
„Lendingin tókst mjög vel. Hún var
ekki neitt verri en fjölmargar undir
eölilegum kringumstæðum," sagöi
Benson Cohen 55 ára gamall leður-
framhald á bls. 30
Kista annars tveggja farþega sem biðu bana í árásinni á kóresku
farþegaþotuna flutt úr flugvél sem flutti hana til Helsinki.
Hermdarverkamenn-
irnir sem ræning j-
ar Moros vilja lausa
Áhugaljósmyndari tók þessa mynd í Genúa 26. marz 1971 og hún
sýnir hryðjuverkamanninn Mario Rossi, sem ræningjar Moros
fyrrverandi forsætisráðherra krefjast að fá leystan úr haldi, rétt
áður en hann skaut til bana bankastarfsmanninn Alessandro Floria
sem reyndi að stöðva hann eftir bankarán.
EINS og kunnugt er af
fréttum hafa ræningjar Aldos
Moros nú krafist þess að 13
félagar þeirra, sem eru fyrir
rétti í Tórinó, vcrði látnir
lausir í skiptum fyrir Moro .
Ilér á eftir fer stutt yfirlit yfir
hermdarverkamennina 13 og
þátt þeirra í hryðjuverkum
undanfarinna ára.
— Renato Curcio, 36 ára.
Lagði áður stund á heimspeki og
er stofnandi Rauðu herdeildar-
innar. Var handtekinn 1974, en
félagar hans frelsuðu hann árið
eftir. í janúar 1976 var hann
aftur tekinn höndum. Hefur
verið dæmdur í átta ára fangelsi
fyrir ýmiss konar hermdarverk.
Er nú sakaður um að hafa
stðfnað vopnuð samtök, sem
hafi haft þann tilgang að bylta
stjórn Ítalíu. Þá er hann einnig
sakaður um að hafa tekið þátt
í ráninu á auðjöfrinum Ettore
Amerio, og freyðivínskónginum
Villarino Gancia. Kemur fyrir
rétt í Mílanó, þegar
Tórínó-réttarhöldunum lýkur.
— Alberto Franceschini, 32
ára. Sagður “vera hægri hönd
Curcios. Hefur hlotið 10 ára
fangelsisdóm fyrir hermdar-
verk, en er borinn sömu sökum
og Curcio í réttarhöldunum í
Tórínó.
— Giorgio Panizzari, 19 ára,
Dæmdur í lífstíðarfangelsi fyrir
morð á skartgripasala í Tórínó.
Stjórnaði mörgum vopnuðum
árásum. Er einnig félagi í
„vopnuðu öreigunum" (NAP).
Bíður dóms fyrir að vera í
vopnuðum samtökum og fyrir
tilraun til morðs.
— Pasquale Abatangelo, 28
ára. Dæmdur í 16 ára fangelsi
fyrir hryðjuverk og þjófnaði.
Verður að sæta öðrum réttar-
höldum fyrir að hafa tekið þátt
í vopnuðum aðgerðum og fyrir
að vera félagi í Rauðu herdeild-
inni. Er einnig sakaður um að
hafa skotið á og sært Giovanni
Theodoli, forstjóra ítalsks olíu-
fyrirtækis, og Alfonso Noce,
lögreglumann er barðist gegn
hermdarverkamönnum.
— Mario Rossi, 36 ára.
Dæmdur í lífstíðarfangelsi eftir
að hafa játað að hafa tekið þátt
í ráni i Genúa. Sendisveinn lét
lífið í ráninu. Var einnig
dæmdur fyrir þátttöku í ráninu
á Sergio Gadolla, og fyrir
fjölmargar aðgerðir gegn iðn-
fyrirtækjum. Rossi er talinn
stofnandi vinstri öfgasamtak-
anna 22. október, sem mjög létu
að sér kveða á svæðinu í
kringum Genúa á 7. áratugnum.
Þegar Mario Sossi dómara var
rænt í Genúa var Rossi einn
þeirra sem ræningjarnir kröfð-
ust að fá lausan.
— Cristoforo Piancone, 28
ára. Grunaður um að vera félagi
í Rauðu herdeildinni. Liggur nú
alvarlega særður á sjúkrahúsi í
Tórínó, en fangavörðurinn
Lorenzo Cotugno særði hann í
skotbardaga. Cotugno lézt sjálf-
ur í skotárásinni, sem Rauða
herdeildin hefur sagzt bera
ábyrgð á.
— Sante Notarnicola, 38 ára.
Á sínum yngri árum var
Notarnicola venjulegur glæpa-
maður, er dæmdur var í lífs-
tíðarfangelsi fyrir morð. Gerðist
öfgasinnaður vinstrisinni vegna
áhrifa frá félögum í NAP er
hann kynntist í fangelsi. Hefur
skrifað bók um „galla þjóð-
félagsins" og hvernig þeir koma
niður á föngum.
— Augusto Viel, 34 ára.
Dæmdur í 24 ára fangelsi fyrir
þátttöku í nokkrum ránum og
öðrum hermdarverkum. Var
félagi í 22. október.
— Giuseppe Battaglia, 34 ára.
Var einnig félagi í 22. október.
Dæmdur í 32 ára fangelsi fyrir
ýmiss konar glæpi, mannrán og
fyrir að hafa tekið þátt í
morðinu á sendisveininum í
Genúa ásamt Rossi.
— Domenico Delli Veneri.
Sagður hafa verið einn af
stofnendum NAP. Dæmdur í
nokkurra ára fangelsi fyrir að
eiga vopn og sprengiefni. Bíður
dóms fyrir að hafa tekið þátt í
ráninu á iðnaðarauðjöfrinum
framhald á bls. 30