Morgunblaðið - 27.05.1978, Síða 1

48 SÍÐUR OG LESBÓK
108. tbl. 65. árg.
LAUGARDAGUR 27. MAÍ 1978
Prentsmiðja Morgunblaðsins.
STUÐNINGSMÖNNUM okkar Sjálfstæðismanna hefur
vaxið kraftur og þróttur nú síðustu daga, en þrátt fyrir
það er ég enn þeirrar skoðunar, að þessar kosningar séu
tvísýnar, og þær ráðast nú á þessum tveimur dögum.
Enginn veit um úrsiitin fyrr en ajtkvæðin hafa verið talin
upp úr kössunum, sagði Birgir ísl. Gunnarsson, borgar-
stjóri, við lok fjölmennrar fjölskylduhátíðar D-listans í
Laugardalshöllinni í gærkvöldi.
Þessi fundur á að vera okkur hvatning til dáða, sagði
borgarstjóri ennfremur. Hann gefur okkur óneitanlega byr
undir báða vængi. Við skulum strengja þess heit, hver og
einn, karlar sem konur, ungir sem gamlir, að hrinda þeirri
atlögu, sem nú er gerð að Reykjavík.
Til þess að okkur takist það, þarf meira en orðin tóm.
Það þarf þrotlaust starf okkar allra allt til sunnudags-
kvölds. Látum sunnudaginn kemur verða sigurdag fyrir
áframhaldandi uppbyggingu og framfarir í Reykjavík.
Reykvíkingar. Við skulum á sunnudaginn kemur standa
vörð um borgina okkar, sagði Birgir ísl. Gunnarsson,
borgarstjóri að lokum.
í ræðu sinni á fjölskylduhátíð D-listans sagði borgarstjóri
ennfremuri
Sagan um þróun Reykjavíkur er
undraverð. Hér hafa orðið meiri
framfarir og meira verið fram-
kvæmd en á nokkrum öðrum stað
á landinu. En þrátt fyrir þá
sögulegu staðreynd, þá er Reykja-
vík fyrst og fremst borg nútíðar og
framtíðar. Þótt hér hafi mikið
verið gert, má sú staðreynd ekki
verða til þess, að við setjumst með
hendur í skauti og miklumst af því,
sem gert hefur verið, enda blasa
verkefni alls staðar við í vaxandi
borg.
Reykjavík þarf því áfram að fá
styrka, samhenta og stórhuga
stjórn, sem hefur afl til að
framkvæma þau mörgu verkefni,
sem vinna þarf að á næstu árum.
Við höfum því markað stefnuna í
borgarmálum í þeim anda fram-
fara og stórhugs, sem einkennt
hefur störfin undanfarin ár. Við
viljum ekki lofa of miklu, en
byggjum okkar stefnu á traustum
grunni.
Við hófum áhuga á að vinna
áfram að málefnum aldraða fólks-
ins í borginni, — að bæta við
stofnunum í þeirra þágu og reyna
að tryggja hinum öldruðu gott
ævikvöld.
Við höfum áhuga á að halda
áfram framkvæmdum samkvæmt
áætluninni um umhverfi og útivist,
— gæða útivistarsvæðin lífi og
fegra og prýða borgina sem víðast.
Við höfum áhuga á að koma í
framkvæmd hinu nýja aðalskipu-
lagi borgarinnar. Gera ný byggða-
svæði byggingarhæf, endurnýja
eldri hverfin í borginni með
nýbyggingum, þar sem það á við,
gera upp gömul hús, þar sem það
á við, og vernda þau mannvirki,
sem æskilegt er að standi af
menningarsögulegum ástæðum eða
til að viðhalda umhverfisáhrifum,
sem við viljum ekki án vera.
Við höfum áhuga á að greiða
fyrir umferð um borgina með
nýjum umferðarmannvirkjum í
samræmi við áætlun hins nýja
aðalskipulags.
Við höfum áhuga á áframhald-
andi uppbyggingu skóla í borginni
og að beita okkur fyrir, að áfram
verði unnið að ýmsum nýjungum í
skólastarfinu. Jafnframt að örva
félagsstarf æskufólks og skapa því
aðstöðu til hollra tómstundaiðk-
ana, en þó í sem ríkustum mæli að
laða fram krafta unga fólksins
sjálfs.
Við höfum áhuga á að byggja.
Framhald á bls. 2fi.