Morgunblaðið - 02.11.1978, Blaðsíða 19

MORGUNBLAÐIÐ, FIMMTUDAGUR 2. NÓVEMBER 1978
Tillögur FSN:
FrumkvϚi
heimaaðila
að iðnþróun
Iðnpróunarfélög með aðild
sveitarfélaga
Eitt aðalmál 20. fjórðungs-
þings Norðlendinga, sem háð
var að Blönduósi 29.—31. októ-
ber sl., var iðnþróun í lands-
fjórðungnum. Gerði þingið
ályktun um iðnþróunaráætlun,
sem vinna á í nánu samstarfi
við heimaaðila, sem og fjár-
magnsöflun til að hrinda hag-
nýtum hugmyndum í fram-
kvæmd. I ályktun þingsins er
lögö áherzla á frumkvæði
heimamanna og eru sveitarfé-
lög hvött til þátttöku í stofnun
iðnþróunarfélaga, er vinni að
athugun á tiltækum iðnaðar-
tækifærum. Iðnþróunarnefnd
er falið að boða til fundar með
fulltrúum frá þeim sveitarfé-
lögum, sem áhuga hafa á
stofnun slíkra undirbúningsfé-
laga.
I ál.vktun þingsins um iðn-
aðarmál er lýst stuðningi við
hugmyndir um jöfnunarverð á
raforku og skorað á Rafmagns-
veitur ríkisins að flýta sem
kostur er tengingu Skeiðsfoss-
virkjunar í Siglufirði við aðra
hluta raforkukerfis Norður-
lands, annað tveggja með teng-
ingu við Skagafjörð eða um
Ólafsfjörð til Dalvíkur.
Staðgreiðsla
opinberra gjalda
Fjórðungsþing fagnar frum-
varpi um staðgreiðslu opin-
berra gjalda, en staðgreiðsla
tryggir sveitarfélögum tekjur í
samræmi við verðlag á hverjum
tíma. Þingið leggur áherzlu á
innheimtufyrirkomulag, er
tryggi sveitarfélögum þeirra
hlut í skattheimtunni, þannig
að greiðslur berist þeim ekki
sjaldnar en vikulega. Inn-
heimtufé verði lagt inn á
sérstaka reikninga í viðskipta-
bönkum í hverju gjaldheimtu-
héraði.
Fasteignamat
sem gjaldstofn
Fjórðungsþingið taldi fast-
eignamat í núverandi mynd
ekki ákjósanlegan grundvöll að
ákvörðun fasteignagjalda. Mik-
ið ósamræmi sé milli matsupp-
hæða eftir landshlutum. Eðli-
legra sé að fasteignagjöld
miðist við veitta þjónustu
sveitarfélaga og séu í samræmi
við hana. Þar geti stærð húss
ráðið meiru en verðmæti.
Jöfnunarsjóður
FSN taldi nauðsynlegt að
endurskoða Jöfnunarsjóð sveit-
arfélaga. Úthlutunarreglum
þurfi að breyta þann veg, að
hlutverk sjóðsins verði að
stuðla að auknu tekjujafnvægi
þeirra sveitarfélaga sem ekki
ná meðalálagningartekjum eft-
ir að hafa nýtt tekjustofna sína
eins og lög leyfa.
SímaÞjónusta
Þingið gerði ályktun um að
skrefafjöldi, sem innifalinn er í
afnotagjaldi verði aukinn á
minni stöðum og teljaraskref á
milli stöðva innan sama svæðis
lengd. — Stytztu teljaraskref
verði lengd. Tekin verði upp
tímamæling símtals innan
svæðis hverrar stöðvar. — I
gögnum sem fram komu á
þinginu kemur í ljós að síma-
kostnaður fólks er þeim mun
hærri sem heimabyggð er
minni og þjónusta lakari.
Hér að framan hafa verið
raktir efnisþræðir úr fáeinum
af fjölmörgum ályktunum
þingsins.
Loftur Jónsson:
/
Oskabam — dekurbarn
í viðtalsgrein við Óttarr
Möller í blaðinu 27. þ.m. segir
forstjóri Eimskipafélagsins:
„Fullyrt hefur verið, að Eim-
skipafélagið sé einokunarfyrjr-
tæki. Aður en gefin eru svör við
fyrri lið fullyrðingarinnar,
verður að minnast þess, að
einokun er óskorðaður réttur til
að fyrirmuna öðrum að koma til
samkeppni í þeirri atvinnugrein,
sem um er rætt hverju sinni. Því
spyr ég, hvenær hefur Eim-
skipafélagi íslands verið veittur
sá réttur? — Aldrei."
— Þar sem hér er ákveðið
spurt, Óttarr, og jafnframt
ákveðið svarað, hlýt ég að minna
þig á veturinn 1967, þegar þú
sást ofsjónum yfir bílainn-
flutningi fyrirtækis míns, Jón
Loftsson hf., o.fl., með bíla-
skipum beint frá framleiðslu-
stöðvum við vatnaleiðina í
Bandaríkjunum. Á þeim tíma
var flutningskostnaður per bíl
til New York $85.00 og greiddum
við sama flutningsgjald frá
vötnunum og frá New York.
Sparnaður hvers bílkaupanda á
þeim tíma var því um kr.
14.000.00 og munaði um þá
upphæð á þeim tíma. Þessu
vildir þú ekki una og í skjóli
forréttindaaðstöðu „óskabarns-
ins“ varð fjármálaráðuneytið
við beiðni þinni og lagði fyrir
tollstjóra, með bréfi sínu frá 20.
febrúar 1967, að ... „skuli allt að
einu reikna með í fob-verðinu
venjulegan flutningskostnað
innanlands í framleiðsluland-
inu, enda þótt bifreiðar séu
settar um borð í skip á fram-
leiðslustað og fluttar farm-
flutningi til Islands. Er hér með
lagt fyrir yður, herra tollstjóri,
að innheirpta. bifreiðagjald á
framangreindan hátt“. Leggi
svo hver út af þessu fyrir sig.
Þar með féllu þesssir „sam-
keppnisflutningar“ niður.
— Eg minni þig einnig á,
Óttarr, að ég skrifaði þér á
sínum tíma ítarlega greinargerð
vegna þessa máls og skoraði á
þig að láta afturkalla þessa, að
mér fannst, óréttlætanlegu
„reglugerð", en án árangurs eða
svars. Ekki hefi ég borið neinn
kala til þín, né geri nú, vegna
þessa máls, né annarra, enda
hefi ég sjálfur barist við þau
skuggaöfl, sem eru að verki í
hinum rangláta mammon og
keyra okkur áfram nauðuga
viljuga í þeim blindingsleik, sem
við erum þátttakendur í. Sá,
sem sáir þvælu, uppsker þvælu.
— Mér hefur sýnzt þetta
„óskabarn", sem þú tókst við
uppeldinu á, verða að hálfgerðu
dekurbarni á þroskagöngu sinni.
En nú, er það er að komast í
burðarliðinn, óska ég þér alls
góðs við að koma því í þá höfn
sem framundan er: Frjálst,
sjálfstætt og sterkt félag án
forréttindaaðstöðu dekurbarns.
Þá verður ekki lengur nauðsyn á
reglubundnum fjölmiðlarullum
um eigin ágæti, einokunarleysi
og lóðaleysi.
— Þar sem samkeppni er nú
loks komin í Ameríku-
siglingarnar, vænti ég þess
fastlega, að þú sjáir félagi þínu
fært að greiða 5% ársafslátt af
flutningsgjöldunum tilsvarandi
og gert hefur verið af flutnings-
gjöldunum frá Evrópu um ára-
raðir^
— Að lokum vænti ég þess
fastlega, að loks komi viðunandi
stór skip í Ameríkusiglingarnar,
enda nú norsku firðirnir fullir
af lögðum skipum, eins og ég
hefi séð eftir þér haft (og heyrt)
og væri ráð að saga af Flug-
leiðagreinina til að fjármagna
þau kaup, enda verð lág nú. Svo
mætti selja ríkisskip nokkur af
þessum litlu.
— Óska þér svo alls hins bezta
í lofti, á láði sem legi.
31. október. 1978.
Loftur Jónsson.
„Eimskipafélagið er líftrygging
frjálsrar verzíunar í landinuy’
— segir Óttar Möller, forstjóri ^ O'j £
fólairsins. samlali við Mhl. 'r

7.80
AÐALSTRÆTI 4. SÍM115005
Þú getur sparað 20—30% af hitakostnaði heimilisins
með því að nota Danfoss ofnhitastilla.
Danfoss ofnhitastillar og Danfoss þrýstijafnarar hafa
sannað kosti sína um allt land.
Tækniþjónusta okkar hefur á að skipa sérhæfðum
starfsmönnum með raunhæfa þekkingu.
Leitið upplýsinga um Danfoss.
Lækkun
hitakostnaðar
er nauðsyn
það er augljóst!
= HÉÐINN 5
VÉLAVERZLUN-SIMI: 24260