Morgunblaðið - 28.11.1978, Blaðsíða 46
26
MORGUNBLAÐIÐ, ÞRIÐJUDAGUR 28. NÓVEMBER 1978
Leikmenn Kaiserslautern:
ÞAÐ LIÐ sem óumdeil-
anlega hefur vakið
mestu athyglina í vest*
ur-þýzku knattspyrn-
unni er lið l.FC Kais-
erlautern. Liðið trónir
nú eitt á toppi deildar-
innar þar í landi. Önn-
ur lið eins og Ham-
burger og Stuttgart
eru skammt undan, en
það eitt að Kaiserslaut-
ern skuli vera meðal
toppliðanna, hvað þá
efst, er saga til næsta
bæjar. Liðið er tap-
laust eftir 15 fyrstu
leiki sína og sú trú er
ríkjandi í herbúðum
liðsins, að enn hafi
liðið ekki sýnt allt það
besta sem í því býr.
Kaiserslautern hefur leikið í
Búndeslínunni allt frá stofnun
hennar, en aldrei hefur félagið
sýnt neitt sérstakt né verið
líklegt til þess fyrr en nú. I
gegnum árin hefur liðið fengið á
sig illt orð fyrir grófan leik, sem
fylgdi því að vera stöðugt í
fallbaráttu. Það hefði hæft
liðinu vel að heita Kickers, en
það nafn var þá þegar frátekið
fyrir Offenbach-liðið Kickers.
Síðustu tveir þjálfararnir, Diet-
rich Weise og Erich Ribbech,
þóttust sjá, að lið þetta gæti
líklega leikið dálitla knatt-
spyrnu jafnframt því að halda
þeim grófa stimpli sem við það
loddi. Síðan tók við liðinu Karl
Heinz Feldkamp og hann full-
• Aðal markaskorarinn Klaus Toppmiiller (t.h.)
sést hér kljást við Udo Horsman hjá Bayern.
Toppmiiller er einn markhæsti leikmaður
Búndeslígunnar eins og er.
komnaði sköpunarverk þeirra
Weise og Ribþech. Liðið fórnaði
miklu af þeim bolaskap sem það
beitti, í staðinn var knattspyrn-
an látin sitja í fyrirrúmi.
Það urðu einnig afdrifaríkar
breytingar innan stjórnar fé-
lagsins. Fyrir ári var Júrgen
nokkur Friedrich kosinn forseti
félagsins, 35 ára gamall. Hann
innleiddi hálfgert lýðræði innan
félagsins og það kunnu leik-
menn liðsins að meta. Fæstir
þeirra eru nú samningsbundnir
og sumir eru jafnvel áhuga-
menn.
Um síðustu helgi var fyrrum
risaveldið Bayern Múnchen í
heimsókn og við það tækifæri
viðhafði Paul Breitner, hinn
frægi tengiliður Bayern, ýmis
niðrandi ummæli um gestgjaf-
ana. Hann sagði m.a.: „Þetta eru
sveitamenn og þetta er skítalið,
við hjá Bayern erum aðalsmenn
á knattspyrnuvellinum.“ Síðan
gerðist það, að sveitalýðurinn
sigraði aðalsmennina 2—1 og
var sá sigur minni en efni stóðu
til. Og greifinn Paul Breitner
var í slíkri járngæslu hjá
áhugamanni, að hann gat sig
hvergi hrært. Leikmenn Kaiser-
slautern ráku sem sagt hrokann
öfugan ofan í Bayern-liðið.
Eitt er þó rétt, sem Breitner
sagði, og það er, að liðið er úr
dreifbýli. Samstundis er félagið
þá titlað sveitadurgar. Það
hefur samt sem áður reynst einn
mesti styrkur liðsins, að það
skuli vera úr dreifbýli. Það þýðir
það, að varla hafa verið til
peningar til þess að eyða gegnd-
arlaust í stórstjörnur. Félagið
hefur orðið að ala upp sína eigin
leikmenn, auk þess sem gamlar
kempur frá öðrum félögum hafa
gjarnan lokið ferli sínum hjá
Kaiserslautern, eftir að þeir
Smeykari við hála
velli en mótherjana
• Ronnie Hellström... besti markvörður heims?
komust ekki lengur í lið hjá
sínum fyrri félögum. Til saman-
burðar má geta þess, að Bayern
hefur eytt svo miklum pening-
um i leikmenn siðustu tvö árin,
að nægt hefði til að kaupa allt
Kaiserslautern-liðið mörgum
sinnum, svo lítið kostuðu leik-
menn þess. Eigi að síður er
Kaiserslautern 7 stigum á und-
an hinu vellauðuga Bayern.
Það er fátt um stjörnur í liði
Kaiserslautern, þó eru þær til.
T.d. hefur liðið hugsanlega á að
skipa fremsta markverði heims,
Svíanum Ronnie Hellström.
Annar HM-Svíi er í röðum
félagsins, Benny Wendt. Hannes
Bongarts, keyptur frá Schalke,
stjórnar miðvallarspilinu og
gerir það vel og unglingur að
nafni Peter Briegel hefur slegið
í gegn í stöðu miðvarðar. Eins
og er leikur liðið eins og það sé
þegar þýskur meistari, en þó
hefur þjálfarinn Feldkamp
miklar áhyggjur af einu atriði.
Það er ekki félögin hin sem
valda áhyggjum stjórans,.heldur
veturinn sem framundan er.
Liðsmennirnir eru nefnilega upp
til hópa í hávaxnara lagi og
þegar snjór og frost fer að hylja
vellina, sem eru rennvotir fyrif,
kemur það verr niður á hávöxn-
um leikmönnum heldur en hin-
um minni. Það sýnir það sjálfs-
öryggi sem upp er komið hjá
félaginu, að það skuli óttast
veturinn meira en það óttast
alla rhótherjana. Ekki síst þegar
forysta liðsins er aðeins 2 stig
og ekkert má útaf bregða til
þess, að draumurinn verði á
enda.
Drap
dóm-
arann!
ÞEGAR talað er um misþyrming-
ar á dómurum, hvarflar hugur-
inn gjarna til Suður-Ameríku. En
það kunna fleiri að drepa dómar-
ann en hinir blóðheitu
SuðurAmeríkumenn. í Júgó-
slavíu var nýlega handtekinn
fimmtugur kanttspyrnuað-
dáandi, sakaður um að hafa myrt
dómara að nafni Miljan Tomasic.
Það sem gerðist var þetta;
Tomasic var að dæma leik áhuga-
manna (og nágrannajliða.
Manninum líkaði ekki dómgæslan
og hreytti fúkyrðum og klámi
gegndarlaust í veslings dómarann.
Eftir leikinn vatt dómarinn sér að
klámkjaftinum og vildi tuska hann
til.'Sá var ekki aldeilis á því, dró
hníf úr pússi sínu og stakk
dómarann á hol. Hlaut hann þegar
bana af, en lögreglan gómaði
fantinn.
Okrað á
minja-
gripum
Það er mjög vinsælt á Norður-
löndum að skreppa suður til
Englands um helgar og horfa á
einhverja leiki i 1. deildinni þar.
Það fylgir slíkum ferðum og að
kaupa minjagripi frá viðkomandi
félögum, cnda cru það miklir
áhugamenn um enska knatt-
spyrnu, sem taka sér á hendur
ferðir þessar. í haust hefur verið
töluvert um það, að braskarar
selji hinum fávísu norrænu mönn-
um minjagripi á uppsprcngdu
verði.
Sem dæmi má nefna, að keyptir
hafa verið liðstreflar hjá bröskur-
unum fyrir 8 sterlingspund, trefl-
ar, sem kaupa má fyrir 3 sterlings-
pund inni á leikvöllunum. Vinnu-
brögð svindlaranna eru í því fólgin
að bíða eftir rútunum sem flytja
víkingana á vellina, og bjóða þar
fram vöru sína. Það er ekki fyrr
en inn á völlinn er komið, að
sannleikurinn kemur í ljós. Það
eina, sem hægt er að gera til að
koma í veg fyrir svindlið, er að
auka löggæslu og eftirlit í kringum
leikvellina.
18 gul spjöld
á einu sumri!
SUMIR leikmenn eru grófir. En
til þess eru dómarar að halda
slíkum mönnum í skefjum. Sumir
segja. að ruddalegasta knatt-
spyrnan sé leikin í Suður-
Ameríku, en heyri þeir það,
reiðast þeir og segja knattspyrn-
una í Evrópu vera síst
prúðmannlegri.
Ekki skal um það deilt, en
gaman er að skoða lista yfir
grófustu leikmenn Chile og hvað
þeim hafa oft verið sýnd spjöldin
tvö, það gula og það rauða, á
undanförnum árum. Fjórir mestu
syndaselirnir heita Veliz, Messen,
Paez og Yavar. Veliz hefur skoðað
rauða spjaldið 20 sinnum á síðustu
árum og það gula 96 sinnum (þar
af 18 síðasta keppnistímabil.)
Messen héfur fengið 18 rauð og 56
gul, Paez 12 rauð og 76 gul og loks
hefur Yavar séð 12 rauð spjöld og
71 gult spjald.
Það hefur vakið umtal, að Veliz
var aldrei dæmdur í leikbann á
síðasta keppnistímabili, þrátt fyr-
ir 18 bókanir!