Morgunblaðið - 28.11.1978, Blaðsíða 22
30
MORGUNBLAÐIÐ, ÞRIÐJUDAGUR 28. NÓVEMBER 1978
Islenzkir hestar
í Frakklandsreið
Tveir íslenzkir hestar verða
meðal þáttakenda í 13000 kíló-
metra reið umhverlis Frakkland,
sem laKt verður upp í 17.
desemher nk. Irá Versalahliðinu.
EÍRandi hestanna er Roger
Bardot on mun Gunnar Bjarna-
son ráðunautur íylKja honum úr
hlaði og verða honum til aðstoðar
og ráðuneytis fyrstu vikuna.
Gunnar Bjarnason sagði í sam-
tali við Mbl. í gærkvöldi að hestar
Bardots væru móvindóttur hestur
frá Skarði og glófextur hestur frá
Hvammi í Ölfusi og sagðist
Gunnar vænta mikils af hestun-
um, ef ekkert óvænt kæmi upp á,
sjúkdómar eða annað. „Við erum
að ná fótfestu í Frakklandi fyrir
íslenzka hestinn," sagði Gunnar.
„Og þess vegna er það ákaflega
mikils virði að hestunum gangi vel
í þessari reið.“
Slík reið umhverfis Frakkland:
Tour de France, var farin fyrir 100
árum og er nú endurtekin vegna
þess afmælis, en Tour de France
hefur oft síðan verið endurtekin á
hjólum og bílum.
Daginn áður en reiðin hefst
verður mikil hrossasýning í París
og sagði Gunnar Bjarnason að
þangað væri búizt við miklum
fjölda hrossa og manna og gat
hann þess að Frakklandsforseti
yrði meðal þeirra, sem yrðu
viðstaddir, þegar hestamennirnir
leggja upp frá Versölum í ferðina
umhverfis Frakkland.
Góð veiði um leið
og veðrinu slotaði
EFTIR hálfsmánaðar
brælu á loðnumiðunum úti
af Vestfjörðunum slotaði
veðrinu aðfararnótt sunnu-
dags og fékk Börkur frá
Neskaupstað þá góðan
afla. Aðfararnótt sunnu-
dags streymdu skipin á
miðin, en mörg þeirra
höfðu legið af sér bræluna
á höfnum á Vestfjörðum.
Varð aflinn mjög góður þá
nótt og tilkynntu 18 skip
um afla til Loðnunefndar
og vitað var um fleiri, sem
fengið höfðu afla. Loðnan
virðist enn halda sig á
svipuðu svæði úti af Vest-
fjörðum og áður, en loðnu-
aflinn á sumar- og haust-
vertíðinni er nú orðinn
rúmlega 445 þúsund tonn.
Eftirtalin skip tilkynntu um
afla um helgina:
Sunnudagur: Börkur 870.
Mánudagur: Rauðsey 500, Óskar
Halldórsson 400, Albert 560,
Skarðsvík 620, Gígja 180, Grind-
víkingur 960, Kap II 670, Gísli
Árni 560, Hilmir 540, Hákon 620,
Sigurður 1150, Huginn 500, Kefl-
víkingur 400, Víkingur 600, Breki
650, Jón Finnsson 500, Árni
Sigurður 850, Hrafn 620.
Ný stjórnarskrárnefnd
á fyrsta fund 1. des.
SKIPUÐ heíur verið ný stjórnar
skrárnefnd samkvæmt ályktun
Alþingis 6. maí sl. og hefur
forsætisráðherra kallað ncfndina
til fyrsta fundar 1. desember n.k.
Ályktun Alþingis kvað á um að
nefndin skyldi skipuð níu mönnum
af hálfu stjórnmálaflokka sem
sæti hlytu á Alþingi í haust í
hlutfalli við þingmannatölu flokk-
anna.
Alþýðubandalagið' tilnefndi
Ragnar Arnalds ráðherra og Ólaf
Ragnar Grímsson alþingismann
en til vara alþingismennina Lúð-
vík Jósepsson og Gils Guðmunds-
son. Alþýðuflokkurinn tilnefndi
Gylfa Þ. Gíslason prófessor og Jón
Baldvin Hannibalsson skóla-
meistara. Framsóknarflokkurinn
tilnefndi Þórarin Þórarinsson
ritstjóra og Sigurð Gizurarson
sýslumann. Sjálfstæðisflokkurinn
tilnefndi alþingismennina Gunnar
Thoroddsen og Matthías Bjarna-
son og Tómas Tómasson spari-
sjóðsstjóra. Nefndin mun sjálf
kjósa sér formann.
Bifreið og tjaldvagn eyðileggjast í bruna
Um hádegisbil á sunnudag
kom upp eldur í bflskúr við
Skipasund í Reykjavík, en þar
var unnið við viðgerð á fólks-
bfl. sem geymdur var í skúrn-
um. Tókst ekki að ná bflnum út
né tjaldvagni. sem þar var
einnig geymdur og urðu miklar
skemmdir á hvort tveggja áður
en slökkviliði tókst að ráða
niðurlögum eldsins. Bifreiðin
var af Cortínugerð, árgerð
1971. Mikinn reyk lagði frá
skúrnum yíir nærliggjandi
hverfi eins og meðfylgjandi
mynd Elínar Pálmadóttur ber
með sér.
Þá var slökkvilið ennfremur
kailað að litlu mannlausu húsi
við Rauðavatn aðfararnótt
sunnudagsins, en bflstjóri, sem
átti leið framhjá vatninu, sá
hvað orðið var og gerði
lögreglu og slökkviliði viðvart.
Nokkrum erfiðleikum var
bundið fyrir slökkviliðið að
komast á staðinn vegna þungr-
ar færðar en þegar þangað
kom var húsið alelda og varð
engu bjargað. Lítið mun hafa
verið um verðmæti í húsinu.
Grunur leikur á því að þarna
hafi verið um íkveikju að ræða.
Benedikt Gröndal, formaður Alþýðuflokksins:
/
Akvörðun Braga undir-
strikar harða baráttu Alþýðu-
flokks gegn verðbólgu
„BRAGI er merkur maður með
langa rcynslu í stjórnmálum og
sterka sannfæringu. Mér kom
þetta ekki á óvart, vissi hug hans
í þessu efni, enda á allra manna
vitorði að það voru deilur um
afgreiðslu þessara mála í stjórn-
inni og sérstaklega var það
Alþýðuflokkurinn sem hélt þar
uppi harðri baráttu fyrir því að
tekið væri enn sterkari tökum á
verðbólguvandanum heldur en
gert er í frumvarpinU,“ sagði
Bencdikt Gröndal, formaður
Alþýðuflokksins, þegar Mbl. leit-
aði umsagnar hans á ákvörðun
Braga Sigurjónssonar að segja af
sér forsetaembætti í efri deild
þingsins.
Benedikt kvaðst í sjálfu sér ekki
hafa neitt frekar um þetta mál að
segja. Alþýðuflokkurinn hefði
tekið sina ákvörðun um afstöðu í
þessu máli rétt fyrir helgina, eins
og þá hefði komið fram og á þeim
grundvelli að af tveimur kostum,
sem hvorugur var góður, hafði það
þótt skárri kosturinn að sætta sig
við frumvarpið með þeim fyrir-
heitum, sem væru í greinargerð
þess og þeir alþýðuflokksmenn
myndu að sjálfsögðu fylgja eftir.
Hvað snerti eftirmann Braga í
forsetaembættið sagði Benedikt að
málið væri til rólegrar athugunar
innan þingflokksins, nóg væri af
hæfum mönnum til að gegna
embættinu meðal þingmanna
Alþýðuflokksins í efri deild en
Benedikt kvaðst að öðru leyti ekki
vilja segja frekar til um hvað yrði
ofan á fyrr en þingflokkurinn
hefði tekið formlega atstöðu í
þessu máli.
Benedikt var að því spurður
hvort ekki yrði að teljast töluvert
áfall fyrir Alþýðuflokkinn þegar
einum af virtustu þingmönnum
flokksins væri svo ofboðið að hann
sæi þann kostinn vænstan að segja
af sér einu helzta virðingar-
embætti þingsins. „Það má
auðvitað segja það. Þegar hlutir
gerast sem mér vitanlega hafa
aldrei gerzt í þingsögunni, þá er
það óneitanlega mjög athyglis-
verður viðburður en ég tel hins
vegar að þetta undirstriki aðeins
það sem ég tel vera meginatriði
þessa máls — að það var Alþýðu-
flokkurinn sem hélt uppi hörðustu
baráttunni gegn verðbólgunni. Við
fengum ýmislegt í gegn í þessari
deilu og þau munu smám saman
koma í ljós — í þessari deilu og
annars staðar. Við fengum setta
niður að segja má endurnýjaða
stefnu ríkisstjórnarinnar í
verðbólgumálum fyrir næsta ár og
ég vona að Bragi hafi með
ákvörðun sinni aðeins valið skásta
mögulega kostinn, því að stjórnar-
kreppa núna og kosningar þegar
veður leyfir hefði náttúrlega
dembt þjóðlífinu öllu út í hreint
öngþveiti. Að því leyti tel ég að
Bragi hafi aðeins undirstrikað
þessa afstöðu okkar, og vandinn er
læknanlegur ennþá ef ríkisstjórn-
in tekur við sér fyrir næsta ár.
Afsagnarræóa Braga Sigur jónssonar forseta efri deildar:
Vill ekki teljast samstarfstákn
kjark- og þreklausrar ríkisstjórnar
Háttvirta þingdeild.
Eg hef ákveðið hér og nú að
segja af mér forsetastarfi efri
deildar Alþingis. Ákvörðun
minni er ekki þeint gegn þing-
deildinni, sem ég þakka af alhug
fyrir umburðarlyndi og hjálp-
semi í glapsömum forsetastörf-
um mínum þann stutta tíma,
sem ég hef sinnt þeim.
Ákvörðun mín er tekin af
þeim sökum, að ég vil ekki
teljast samstarfstákn í forseta-
stóli ríkisstjórnarflokka, sem
ekki hafa kjark né þrek til að
marka og koma sér saman um
þannig úrlausnarstefnu í verð-
bólguvanda þjóðarinnar, að til
vafalausra úrbóta horfi, né
heldur nýta þann fórnar- og
samstarfsvilja, sem ég tel að nú
hafi verið fyrir hepdi meðal
•almennings |il að ráðast gegn
þeim vágestli 83
Ég hef þá sannfæringu, að
besta kjarabót, sem nú væri
hægt að færa alþjóð manna og
þó fyrst og fremst þeim, sem
þrengst eiga fyrir dyrum, mundi
vera umtalsverð minnkun verð-
bólgu. Þá minnkun þarf að
skapa úr mörgum þáttum. En
frumvarp það, sem nú hefir
verið ákveðið í ríkisstjórninni að
bera fram á Alþingi sem vopn
gegn verðbólgu, er að mínum
dómi bitlaust og auk þess
rangsleitið. Það beinist fyrst og
Bragi Sigurjónsson.
fremst að launþegum, hvað
lagasetningu snertir, þó í leið-
inni sé þeim klappað með
lausyrtri greinargerð og hálf-
kveðnum loforðum um úrbætur
í lífskjörum, ef þeir eiri vísitölu-
skerðingu á laun sín.
Þjóðin hefir slæma reynslu af
loforðum í ermi og lausatökum.
Þau vinnubrögð urðu að minni
hyggju fyrrverandi ríkisstjórn
fyrst og fremst að falli, kjark-
og úrræðaleysi beit úr henni
bakfiskinn. Ég harma, að ríkis-
stjórn, sem ég hefði viljað sjá
vaxa og vel dafna, hafi nú lotið
að sömu vinnubrögðum og sýnt
samskonar kjark- og úrræða-
leysi. Ég harma, að stuðnings-
flokkar hennar hafi nú lotið að
þeim leik að setja tilfundin
ágreiningsefni ofar þjóðarþörf á
röggsamlegum úrræðum, sem
við öll undirniðri óskum eftir.
Ég harma, að stundarhagir
flokka séu af flokksforingjum
bornir meir fyrir brjósti en
alþjóðarheill. Ég vil ekki vera
samstarfstákn slíks leiks og
slíkra vinnubragða. Því segi ég
af mér forsetastarfi þessarar
deildar, en megi hollvættir
Islands leiða forystumenn okkar
ágætu þjóðar til réttrar brautar.
Ég bið háttvirtan 6. þingmann
Suðurlands, Jón Helgason, 2.
varaforseta deildarinnar, að
taka nú við fundarstjórn.