Morgunblaðið - 26.04.1979, Blaðsíða 20

20
MORGUNBLAÐIÐ, FIMMTUDAGUR 26. APRÍL 1979
Gróður seinni
til í Borgar-
f irði en áður
VETUR var svo til snjóalaus með öllu framundir áramót, en þá setti
niður töluverðan snjó. Það sem eftir lifði vetrar þá var snjór hins
vegar með mesta móti a.m.k. miðað við það sem gerzt hefur
undanfarin ár. Þó voru í lok vetrar stillur og sólbráð um daga
þannig að snjóa leysti hægt og ekki urðu flóð og vatnavextir vegna
leysinga. Sparar það ófáar krónurnar í viðgerðum fyrir Vegagerð-
ina. En aftur á móti er hætt við að aurbieyta verði með meira móti
vegna hinna miklu frosta sem voru í vetur. En klaki hefur hlaupið
dável í jörð. Gróður verður því með seinna móti í vor nema til mun
betri tíðar dragi.
Hagur þeirra sem hey selja
vænkast vel og gæti svo farið, að
þrátt fyrir gott heyaflasumar er
leið að sumir bændur verði
heylitlir á ofanverðu vori ef það
verður gjaffrekt. Borið hefur á
vatnsskorti í nokkrum bæjum
þár sem lítið hefur rignt seinni
hluta vetrar. Getur það verið
bagalegt þar sem stór bú eru og
langt þarf að fara til að afla
vatns. Eru þeir vatnsberar ekki
of sælir af sínum starfa í frosti
og fannkomu sem sækja þurfa
vatn daglega.
Páskar voru haldnir hér í
Borgarfirðinum eins og annars
staðar á landinu. En Borgfirð-
ingar margir hverjir eru bág-
rækir til kirkju og kirkjutugtina
virðast þeir ekki taka alltof
hátíðlega. Og ígrunda ekki of
alvarlega hvers vegna almennt
og yfirleitt verið er að halda
páska. Þó er gleðilegan vott að
finna þegar um 170 ungmenni úr
Kristilegum skólasamtökum
komu saman í Vatnaskógi yfir
bænadagana til að ígrunda til-
gang hátíðarinnar og markmið,
hinnar mestu er kristnir menn
eiga. Svo og gerðu 60 ungmenni
úr samtökunum Ungt fólk með
hlutverk sem komu saman á
Reykholtsskóla einnig yfir
bænadagana.
Hinn nýkomni 'prestur í Reyk-
holtsprestakalli, Geir Waage,
messaði sex sinnum yfir pásk-
ana, á útkirkjunum 3 ásamt
Reykholti. Hafði hann um hönd
nýmæli að kvöldi föstudagsins
langa þar sem hann hafði klass-
íska messu að gregoríönskum
sið. Var altarisganga og mæltist
þetta vel fyrir. Að auki hafði
hann messu og altarisgöngu í
Húsafellskapellu á páskadag
fyrir hina mörgu ferðamenn er
dvöldu þar. Var kapellan þétt-
setin og kom rúmlega helmingur
kapellugesta til altaris, eða
rúmlega 30 manns. Þykir það
hin mesta nýlunda hér í byggð-
um Borgarfjarðar.
Kristleifur ferðamannabóndi
á Húsafelli hefur nýverið tekið í
notkun rafveitustöð er hann
hitar upp dvalarhús sín með.
Fæst þar með meira vatn í
laugina, en vatn hennar er talið
vera heilsusamlegt og hafa sum-
ir fengið bót meina sinna með
böðum í henni. Er alltaf jafnvel
sótt að dvelja í húsunum yfir
hátíðar og fullt má segja yfir
allt sumarið. Enda Húsafell og
umhverfið einhver ákjósanleg-
asti staður til útivistar og að-
staða fyrir dvalargesti til fyrir-
myndar í alla staði.
Fréttaritari.
Hér er að vísu ekki verið að vinna að heyskap, en bundið hey úr
galta er settur var upp sl. sumar að bænum Runnum í Borgarfirði.
Hlöðurýmið var of lxtið í haust, en flutt var úr galtanum í hlöðuna
þegar losnaði þar.
Frá kristilegu skólamóti í Vatnaskógi á dögunum.
Myndirnar eru frá sýningu nemenda í Vogaskóla, sem þeir efndu til á dögunum. Sýndu þeir handverk
sín frá því í vetur og sá Ingiberg Magnússon kennari með þeim um uppsetningu hennar. Alls sýndu
rúmlega 400 nemendur og má á myndunum sjá verk yngstu og elztu bekkjardeilda skólans. Auk þess
sem sést á myndunum voru sýndir munir frá sjóvinnuvali og í eldhúsi skólans var komið upp sýningu á
matreiðslu nemenda.
Ljósm. Krístján
Krafa Olafsvíkinga að vér-
tíðin standi til 11. maí
FYRIR skömmu var haldin á
Ólafsvfk sameiginlegur fundur
sveitarstjórnar, útvegsmanna,
sjómanna og fiskverkenda á
Ólafsvík og var á fundinum rætt
um þorskveiðitakmarkanir og
áhrif þeirra á atvinnulíf í ólafs-
vfk. Eftirfarandi samþykkt var
gerð á fundinum:
1. Fundurinn er sammála
nauðsyn þess að gerðar verði
nauðsynlegar friðunaraðgerðir til
verndunar þorskstofninum og
minnir um leið á frumkvæði
sjómanna og útvegsmanna um
friðun innanverðs Breiðafjarðar,
sem sannað hefur gildi sitt.
Fundurinn undirstrikar nauðsyn
þess að við friðunaraðgerðir sé
haft sem víðtækast samstarf við
hagsmunaaðila og ávallt sé tekið
tillit til áhrifa þeirra á útgerð,
fiskiðnað og afkomu þess fólks er í
þessum atvinnugreinun starfa svo
og uppbyggingar einstakra
byggðarlaga og landshluta.
2. Fundurinn minnir á að í
Ólafsvík og öðrum byggðarlögum á
Snæfellsnesi byggist svo til allt
atvinnulíf á fiskveiður og fisk-
vinnslu. Mestur hluti aflans er
bátafiskur, sem veiddur er á
vetrarvertíð. Veiðitakmarkanir
umfram það sem hafa verið í gildi
á veiðum þessara báta á heima-
miðum, geta því haft örlagaríkar
afleiðingar fyrir atvinnulíf þess-
ara byggðarlaga.
3. Af gefnu tilefni vill fundurinn
taka fram að vertíðarafli undan-
farin þrjú ár hefur verið með
fádæmum lélegur í verstöðvum á
Snæfellsnesi, svo jaðrað hefur við
atvinnuleysi og orsakað mikla
erfiðleika í útgerð og vinnslu. Á
yfirstandandi vetrarvertíð hefur
afli hins vegar verið mun betri,
sem byggist að verulegu leyti á
góðum gæftum. Sá fiskur, sem á
land hefur borist í Ólafsvík í vetur,
hefur því verið sérstaklega gott
hráefni eins og fiskimatið
staðfestir, og hefur verið verkaður
jafnóðum í frystingu og salt. Er
ástæða til að undirstrika þetta og
jafnframt mótmæla og vísa algjör-
lega á bug ósönnum fréttum og
fullyrðingum um hið gagnstæða.
4. Fundurinn mótmælir áform-
un um að stöðva netaveiðar á
yfirstandandi vertíð og krefst þess
að vertíð standi til 11. maí n.k.
5. fundurinn lýsir trausti á störf
fiskifræðinga og leggur áherslu á
eflingu rannsókna í þágu sjávarút-
vegsins og óskar skynsamlega
nýtingu og skipulag veiða á
Breiðafirði og út af Snæfellsnesi
með það að markmiði að viðhalda
og tryggja allt árið útgerð og
atvinnuöryggi byggðarlaganna,
sem eiga alla afkomu sína undir
því að fiskveiðar og fiskvinnsla
blómgist, um leið og þessi
byggðarlög eru mikilvægur
hlekkur í útflutningsframleiðslu
þjóðarinnar.
Fyrirlestur
um Arrabal
VIGDÍS Finnbogadóttir leikhús-
stjóri flytur fyrirlestur um
íramúrstefnuhöfundinn
Fernardo Arraba) á vegum
Alliance Francaise í franska
hókasafninu, Laufásvegi 12,
fimmtudaginn 26. apríl kl. 20.30.
Fyrirlesturinn nefnist „Maður-
inn í fjötrum“.
Fernardo Arrabal er í hópi
þeirra erlendu skálda sem settust
að í Frakklandi og kusu að skrifa á
frönsku ádeiluverk sín um samtíð-
ina eftir seinni heimsstyrjöldina.
Nokkur verk Arrabals hafa verið
sýnd hér á landi og hefur Leikfélag
Reykjavíkur tekið til sýninga í
vetur, fyrst allra leikhúsa utan
Parísar, síðasta verk hans, „Steldu
bara milljarði", í þýðingu Vigdís-
ar.