Morgunblaðið - 26.04.1979, Blaðsíða 23

MORGUNBLAÐIÐ, FIMMTUDAGUR 26. APRÍL 1979
23
Sprenging
á sigurhátíð
Salisbury, 25. aprfl. Reuter.
TÍMASPRENGJA sprakk í miðborg Salisbury í dag með þeim
aíleiðingum að einn maður beið bana. Atburðurinn varpaði skugga á
sigurhátíð Abel Muzorewas biskups, sigurvegarans í kosningunum um
meirihlutastjórn blökkumanna og tilvonandi forsætisráðherra.
Sprengjan sprakk í ferðatösku í
götu bak við teppaverzlun á sama
tíma og stuðningsmenn
Muzorewas biskups héldu upp á
sigurinn hjá heimili hans, 10 km
frá miðborginni. Biskupinn frétti
af sprengingunni þegar hann tók á
móti embættismönnum og vinum
sem óskuðu honum til hamingju.
Þetta er alvarlegasta sprenging
sem hefur orðið í Salisbury síðan
11 biðu bana og rúmlega 70 særð-
ust í stórverzlun í ágúst 1977.
Stuðningsmenn biskupsins
gengu fylktu liði fram hjá húsi
Muzorewas og sumir óku í hóp-
ferðabifreiðum, en biskupinn
neitaði að heilsa upp á þá og var
óvenju alvarlegur. Hann veifaði þó
til þeirra af palli vörubíls um-
kringdur flokksstarfsmönnum.
Nokkrar minniháttar spreng-
ingar urðu í Salisbury í marz í
fyrra eftir undirritun samkomu-
lags Ian Smiths forsætisráðherra
og leiðtoga blökkumanna er leiddi
til kosninganna. Um tveir þriðju
kjósenda greiddu atkvæði I
kosningunum og leiðtogar
stjórnarinnar segja að það sýni að
þeir njóti meiri stuðnings en
Föðurlandsfylking skæruliða sem
herjar frá nágrannalöndunum.
Fær keisarinn
hæli í Panama?
Panamaborg, 25. aprfl. Reuter.
ÆTTINGJAR fyrrverandi írans-
keisara ræða nú við ríkisstjórn
Panama um möguleika á því að
hann fái að ‘tjast að í landinu að
sögn A olfo Ahumada
dómsmálarát erra.
Hann sagð fréttamönnum að
ónafngreindui bróðir keisarans
væri í Panama að kanna málið.
Aðspurður um hugsanleg viðbrögð
íransstjórnar ef keisarinn fengi að
setjast að í Panama sagði dóms-
málaráðherra: „Panama mun
koma fram eins og sjálfstætt og
fullvalda ríki í samræmi við hags-
muni sína.“
Nýja stjórnin í Iran varaði
Bandaríkin og Mexíkó við því á
sunnudaginn að það gæti komið
niður á samskiptum landanna ef
keisarinn fengi að setjast að í
þessum löndum.
Keisarinn dvelst nú á Bahama-
eyjum ásamt fjölskyldu sinni. Þau
hafa einnig búið í Egyptalandi og
Marokkó síðan þau flúðu frá íran í
janúar.
NATO viU betri
kiarnorkuvopn
Homestead-flugstbðinni, Florida, 25.
aprfl. Reuter.
SAMKOMULAG hefur náðst í
aðalatriðum í kjarnorkumála-
nefnd NATO um að þörf kunni að
vera á nýjum langdrægum eld-
flaugum og Cruise-flaugum tii að
mæta vaxandi kjarnorkuógnun
Rússa gagnvart Vestur-Evrópu
að því er fram kom á fyrsta fundi
nefndarinnar samkvæmt áreiðan-
legum heimildum.
Landvarnarráðherrar banda-
lagsins sem sitja fundinn sam-
þykktu rök fyrir því að bandalagið
komi sér upp nýtízkulegri kjarn-
orkuvopnum, einkum vegna þess
að Rússar tefla stöðugt fram SS-20
eldflaugum og Backfire-sprengju-
flugvélum. Ráðherrarnir bentu
einnig á leyniþjónustuskýrslur þar
sem gefið sé til kynna, að hersveit-
ir í Austur-Þýzkalandí ráði nú yfir
nýrri skammdrægri kjarnorkueld-
flaug sem er kölluð SS-21.
Talsmaður Carters forseta, Jody
Powell, sagði að beiting SS-21 gæti
orðið til þess að forsetinn neyddist
til að taka til athugunar mögu-
leika á því að hafin verði fram-
leiðsla nifteindasprengju.
Heimildir á ráðstefnunni
hermdu að nærtækasta nýja vopn-
ið sem NATO gæti tekið í notkun
væri fullkomnari útgáfa af
Pershing-eldflauginni sem yrði
fljótari í framleiðslu en algerlega
ný, meðaldræg eldflaug sem
bandaríski flugherinn hefur til
athugunar. Heimildirnar herma
að það virðist almenn skoðun að
NATO þurfi að hefjast skjótt
handa til þess að koma sér upp
fullkomnari vopnum.
Hins vegar herma heimildirnar
að ákvarðanir um slíkar ráðstaf-
anir verði að taka á hærri stöðum
innan NATO. Fundinn sóttu ráð-
herrar frá Bandaríkjunum, Bret-
landi, Ítalíu, Vestur-Þýzkalandi,
Hollandi og Noregi.
Hermenn Amins
drepast á flótta
Nairobi, 25. aprfl. AP. Reuter.
BLÖÐ í Kenya sögðu í dag að
hundruð hermanna Idi Amins
marskálks hefðu látið lífið eða
særzt af völdum jarðsprengja
þegar þeir flúðu undan her-
sveitum Tanzaníumanna og
nýju stjórnarinnar í Uganda.
Blöðin segja að átta herbílar
hafi eyðilagzt þegar um 1.000
hermenn Amins óku um Uganda.
Hermenn Amins virðast hafa
komið jarðsprengjunum fyrir
sjálfir til þess að hefta sókn
óvina þeirra.
Haft er eftir landamæravörð-
um að flýjandi hermenn hafi
reynt að komast inn í Kenya en
þeim hafi verið neitað um leyfi
til að fara inn í landið nema þeir
létu af hendi vopn sín og bíla.
Ugandahermennirnir ákváðu þá
að halda í norður til þess hluta
Uganda sem er ekki enn á valdi
nýju stjórnarinnar.
Embættismenn í Kampala
segja að herlið Tanzaníumanna
sæki hægt fram í norðri og
austri í þremur fylkingum. Ein
fylkingin sækir í norður með-
fram vesturlandamærum
Uganda gagnvart Zaire. Önnur
sækir til herflugvallar í
Nakasongola norður af Kampala
í Mið-Uganda. Þriðja fylkingin
sækir austur að landamærunum
til þess að opna flutningaleiðina
til hafnarborgarinnar Mombasa.
Kenya-stjórn lofaði í dag að
framselja Amin nýju stjórninni
ef hann næðist á yfirráðasvæði
hennar. Utanríkisráðherra
Uganda, Otema Alimadi, sagði
að þetta hefði komið fram í
tveggja daga viðræðum Uganda
og Kenya. Nýju valdhafarnir
vilja leiða hann fyrir rétt og
ákæra hann fyrir fjöldamorð.
Stjórnin í Kenýa lofaði líka að
framselja aðstoðarmann Amins,
Bretann Bob Astles majór, sem
sagt er að Ugandamenn hafa
hatað mest næst á eftir Amin.
Hann flúði til Kenya og er í
yfirheyrslum.
LITAVER — LITAVER — LITAVER — LITAVER — LITAVER

r Malningar-'
^ markaður >
Veitum rýmilegan
Afsláttur sem um munar.
Lítid vid í
Litaveri,
fjví uaö hefur
ávallt borgaö sig.
1118188 V"
Grensásvegí, Hreyfilshúsinu. Simi 82444.
LITAVER — LITAVER — LITAVER — LITAVER — LITAVER