Morgunblaðið - 26.04.1979, Blaðsíða 47

MORGUNBLAÐIÐ, FIMMTUDAGUR 26. APRÍL 1979
47
i
r
Forest kom
á óvart
Ensku meistararnir Nottingham Forest sigruðu FC Köln 1—0 á
heimavelli Kölnar í gærkvöldi og tókst þar með að tryggja sér rétt til
þess að leika í úrslitum meistarakeppninnar á móti sænska liðinu
Maimö FF. Leikur Forest og FC Köln var afarspennandi og lögðu
leikmenn beggja iiða sig alla fram í leiknum og baráttan var eins og
hún gerist mest. Það var ekki fyrr en á 65. mínútu að eina mark
leiksins kom. Það var miðframherjinn Ian Bowyer sem skallaði í
markið eftir að Anderson hafði tekið hornspyrnu og gefið vel fyrir
markið. Tók Andersson sér góðan tíma til að undirbúa spyrnuna, og
veifaði vinstri hendi í sífellu, og kallaði til félaga sinna skipanir.
Öllum svo á óvart kom fyrirgjöfin og varnarmenn Þjóðverja voru illa á
vcrði. Bowyer náði að skalla í markið af um 8 metra færi, og
dauðaþögn sló á hina 60.000 þýsku áhorfendur.
Kölnarar sóttu ákaft í lok leiksins en Peter Shilton átti snilldarleik í
marki Forest og varði eins og berserkur.
Fæstir áttu von á því að Forest tækist að komast í úrslitin eftir að
liðin höfðu skilið jöfn í Englandi 3—3. En Brian Clough framkvæmda-
stjóri sagði eftir íeikinn. — Síðan Forest-menn vöknuðu til lífsins þá
eru þeir eins og skógarmaðurinn frægi frá Notthingham (Hrói
Höttur), það getur ekkert stoppað þá. Það var hreint stórkostlegt að
sigra í þessum leik, fyrir mig voru síðustu 90 sekúndurnar eins og 30
mínútur. Ég hafði sagt mönnum mínum í hálfleik að það væri ekki
nokkur leið fyrir okkur að tapa leiknum.
Hannes Weiswiler þjálfari Köln tók tapinu karlmannlega og sagði
að það hefði veikt lið sitt að Mueller hefði verið meiddur og Roger Van
Gool með flensu og hefði ekki getað leikið með nema í síðari hálfleik,
og var þá aðeins hálfur maður.
Úrslit í öðrum leikjum Evrópukeppninnar í knattspyrnu í gærkvöldi
urðu þessi:
UEFA bikarinn Herta Berlin — Red Star Júgóslavíu 2—1. (2—0)
Mörk Hertu: Beer og Sid.
Mark Red Star: Sestic.
Áhorfendur: 70.000. Red Star kemst áfram á marki skoruðu á útivelli.
Fyrri leik liðanna lauk með sigri Red Star 1—0.
Keppni bikarhafa: Beveren — Barcelona 0—1 (0—0).
Mark Barcelona: Krankl úr vítaspyrnu á 88 mínútu. Barcelona kemst í
úrslit á samanlagðri markatölu 2—0.
Áhorfendur 20.000.
Banik Ostrava — Fortuna Dusseldorf 2—1 (0—1)
Mörk Banik: Liccka á 62. mín og Antanlik á 88 mín.
Mark Fortuna: Zeiwe á 27. mín. Fortuna kemst áfram á samanlagðri
markatölu 4—3.
Áhorfendur 33.000.
Malmö FF
í úrslit
ÞAÐ RÍKTI mikil gleði í Svíþjóð í gærkvöldi eftir að sænskp liðið
Malmö FF hafði sigrað Austria Wien 1—0 í undanúrslitum
Evrópumeistarakeppninnar í knattspyrnu. Er þetta í fyrsta skipti sem
liði frá Norðurlöndum tekst að tryggja sér rétt til þess að leika í
úrslitum keppninnar. Ekki hefur verið jafnmikill spenningur fyrir
neinum kappleik í Svíþjóð, síðan Svíar léku úrslitaleikinn í
heimsmeistarakeppninni í knattspyrnu árið 1958.
Það var Tommy Hansson sem skoraði mark Malmö með skalla á 48.
mfnútu leiksins, eftir að Anders Ljungberg hafði tekið aukaspyrnu
rétt utan vítateigsins. Reyndist þetta vera sigurmark leiksins. Malmö
náði jafntefli 0—0 x Austurríki og komst þvx' áfram í keppninni.
Svíarnir Iéku mun betur allan timann og sérstaklega var
varnarleikur þeirra sterkur. Austurríkismennirnir áttu varla mark-
tækifæri í leiknum. — Þetta var sigur sterkrar liðsheildar sagði hinn
enski þjálfari liðsins eftir sigurinn. Malmö leikur við Notthingham
Forest hinn 30. maí, og fer úrslitaleikurinn fram í Múnchen.
Liðin:
Malmö: Möiler, Roland, Andersson, Erlandsson, Roy Andersson,
Magnus Andersson, Tapper, Ljungberg, Jonsson, Hansson, Tommy
Andersson, (Cervin á 80. mín), Kinnvall.
Austria: Baumgartner, Robert Sara, Obermayer, Pospischil, Baumeist-
er, Josef Sara, Partis, Prohaska, Daxbacher, Gasselich, Schamhner.
Áhorfendur: 25.898.
Haukar
Aðalfundur knattspyrnufélags-
ins Ilauka fer fram í félagsheimil-
inu laugardaginn 28. apríl og
hefst kl. 15.00
Stjórnin
FH
Aðalfundur FH verður haldinn 3.
maí næstkomandi og verða staður
og stund auglýst sfðar. Venjuleg
aðalfundarstörf.
PORTÚGALSKA landsliðið í
knattspyrnu vann Feyenoord í
æfingaleik í gærkvöldi með einu
marki gegn engu. Oliviera skoraði
eina markið á 34. mínútu.
• ♦
BORUSSIA Mönchengladbach
tryggði sér rétt til að leika úrslita-
leikinn í UEFA-keppninni með
4—1 sigri yfir Duisburg í gær-
kvöldi. BMG vann því samanlagt
6—3. Allan Simonsen (2), Lienen
og Kulik skoruðu mörk BMG, en
Buessers svaraði fyrir Duisburg.
• Þorbjörn Jensson tekur kraftalega á móti Sigurði Gunnarssyni, sem þó hefur tekist að læða skoti á
markið. Ljósmynd Kristján.
Víkingar snéru
dæminu við!
JÆJA, Víkingur kom fram
hefndum gegn Val með því að
tryggja sér sæti í úrslitaleiknum í
bikarkeppninni á kostnað Vals f
Laugardalshöll f gærkvöldi.
Sigur Víkings virtist öruggur,
þegar liðið hafði 4 marka forystu
og um 2 mfnútur voru til leiks-
loka, en gffurleg spenna hljóp þá
f leikinn þegar þeim Páli Björg-
vinssyni og Skarphéðni óskars-
syni var vikið af leikvelli og
Víkingar léku 4 gegn 6 sfðustu 2
mfnúturnar. Valsmenn léku þá
maður á mann og skoruðu 3
sfðustu mörkin. Þeir hefðu jafnað
ef tími hefði verið til, loka-
tölurnar urðu 20—19, en staðan í
hálfleik var 10—8 Víking í hag.
Höllin var næstum full í gær-
kvöldi og fljótlega varð
stemningin mikil og leikurinn
samkvæmt því. Handknattleikur-
inn var ekki alltaf fágaður, en
baráttan var gífurleg á báða bóga
og mörg markanna mjög falleg og
vel unnin. Fyrsta markið var þó
lengi að fæðast. Það var loks tekið
með keisaraskurði á 7. mínútu, en
þá skoraði Þorbjörn Guðmundsson
úr víti. I kjölfarið fylgdi góður
kafli hjá Víking og staðan breytt-
ist í 5—2. Víkingar héldu síðan
forystu sem varð allt að fjórum
mörkum allt til leikhlés, en síðasta
Enska
knatt-
spyrnan
ÚRSLIT í ensku knattspyrnunni í gærkvöldi:
1. deild.
Aston Villa — Arsenal 5-1
Leeds — Bolton 5-1
Man. Utd. — Norwich 1-0
2. deild.
Blackburn — Newcastle 1-3
Cardiff — Luton 2-1
Sunderland — Sheff. Utd. Skotland úrvalsdeildin 1-1
Aberdeen — Rangers 2-1
Celtic — St. Mirren 2-1
Dundee Utd. — Hearts 2-1
Partick — Hibernian 6-1
markið skoraði Jón Pétur fyrir Val
á síðustu sekúndunni.
Víkingar héldu Valsmönnum
síðan sæmilega vel frá sér allt til
lokakaflans sem áður er lýst. Einu
sinni var að vísu jafnt, 13—13 en
Víkingar náðu forystunni þá fljót-
lega á nýjan leik. Var sigurinn
frekar verðskuldaður, en þetta var
auðvitað aðeins orusta í stríði, því
að sjálfur úrslitaleikurinn er eftir.
Viggó lék ekki með Víking og oft
mátti sjá að liðið saknaði hans
illilega Skytturnar Steinar og
Sigurður voru frekar rólegar,
Sigurður beitti sér frekar lítið, en
Steinar var óheppinn með skot sín
framan af og varð þá ragur. Upp
úr því varð sóknarleikur Víkings
oft mjög bitlaus, en það hefur ekki
áður gerst í vetur. Besti maður
liðsins var markvörðurinn Eggert
Guðmundsson, sem varði eins og
óður maður, ekki síst lokakaflann
þegar mest á reið. Varði Eggert
alls 16 skot í leiknum. Þá voru
hornamennirnir Erlendur
Hermannsson og Ólafur Jónsson
mjög góðir. Segja má að Víkingur
hafi bætt upp sinn lakasta sóknar-
leik í vetur með sínum besta
varnarleik, enda mátti glöggt sjá
að ýmsir Valsmanna voru orðnir
reiðir yfir mótlætinu.
Hjá Val bar Bjarni Guðmunds-
son af. Eitt marka hans, 14 mark
Vals hefði getað verið atriði í
fjölleikahúsi og Jón Karlsson átti
sinn heiður af því með frábærri
sendingu sem Bjarni greip á lofti
og sendi í netið. Brynjar Kvaran
stóð í marki Vals lengst af og stóð
sig bærilega, einkum framan af.
Flestir hinna Valsmannanna náðu
varla að sýna sitt besta.
Árni Tómasson og Jón Frið-
steinsson sáu um dómgæsluna og
þó að deila hefði mátt um ýmsa af
dómum þeirra, hefur maður oft
séð það verra.
Mörk Víkings: Sigurður
Gunnarsson, Árni Indriðason,
Steinar Birgisson og Erlendur
Hermannsson 4 hver, Ölafur Jóns-
son 2, Skarphéðinn og Páll 1 mark
hvor.
Mörk Vals: Jón Pétur 6, Bjarni
Guðmundsson 5, Þorbjörn
Guðmundsson 3, Jón Karlsson og
Steindór Gunnarsson 2 hvor og
Stefán Gunnarsson 1 mark.
— gg-
Grosswald■
stadt vann
Vestur-þýzka handboltaliðið
Grosswaldstadt vann sigur á SC
Empor Rostock í fyrri leik lið-
anna í úrslitum Evrópukeppni
meistaraliða. Leikið var í Gross-
waldstadt. Lokatölur urðu
14—10 fyrir heimaliðið, en
staðan í hálfleik var 8—6 fyrir
Grosswaldstadt. Síðari leikur
liðanna fer fram í Rostock á
sunnudaginn næst komandi.
Hver fer
í 1. deild
FYRRI leikur Þórs írá Vestmannaeyjum og HK úr Kópavogi um
setu í 1. deildinni í handbolta fer fram í Eyjum í kvöld og hefst
leikurinn klukkan 19.30, síðari leikurinn verður leikinn á
laugardaginn að Varmá í Mosfellssveit klukkan 14.00.
Þá fer einnig fram í kvöld síðari leikur Grindavíkur og
Keflavíkur um efsta sætið í 2. deild kvenna í handbolta. Fyrri
leikurinn fer fram í Keflavík í fyrrakvöld og lauk með jafntelfi,
8—8, eftir að ÍBK hafði haft forystu, 5—3, í hálfleik. Leikurinn í
kvöld hefst í Njarðvík klukkan 20.00.