Morgunblaðið - 26.04.1979, Blaðsíða 48

Kókaínmálið:
6 mánaða
fangelsi
í GÆR var kveðinn upp í sakadómi
Kaupmannahafnar dómur í máli
Guðrúnar Ragnarsdóttur, 25 ára,
sem setið hefur í gæzluvarðhaldi
þar í borg síðan í byrjun marz
vegna kókaínmálsins svokallaða.
Var Guðrún dæmd í 6 mánaða
fangelsi og kemur gæzluvarðhalds-
vist hennar til frádráttar.
Þegar lögreglan gerði innrásina í
gistiheimilið „5 svanir" fannst nokk-
urt magn fíkniefna í herbergi Guð-
rúnar. Hún hefur alla tíð neitað að
hafa átt efnin eða vitað um tilvist
þeirra. Dómarinn, sem dæmdi í
málinu, tók fram að telja mætti
líklegt að Guðrún hefi átt fíkniefnin
eða a.m.k. haft vitneskju um þau og
hlyti hún því þennan dóm. Dómarinn
tók einnig fram að líklegt mætti
telja að Guðrúnu yrði sleppt eftir 4
mánuði og má telja líklegt að hún
verði látin laus í júnílok.
Guðrún íhugar nú að áfrýja dómn-
um til Landsréttar.
Farmenn:
Ovíst um
sáttafund
SÁTTAFUNDUR í deilu farmanna
hafði ekki verið ákveðinn er Morg-
unblaðið ræddi við Torfa Hjartar-
son sáttasemjara í gærkvöldi, en
hann taldi þó ekki útilokað að
fundur yrði í dag. Sagði hann að
farmenn og vinnuveitendur hefðu
rætt stöðuna í sínum hópum í gær.
Bágborið
atvinnu-
ástand á
NA-landi
ATVINNUÁSTANDIÐ er bág-
borið þessa dagana á norðaust-
urhorni landsins og t.d. eru yfir
40 atvinnulausir á Raufarhöfn
og að meðtöldun sjómönnum á
Þórshöfn eru um þrír tugir
manna atvinnulausir.
Vegna íssins telja Raufarhafn-
arbúar að þeir hafi orðið af
3—500 tonnum af þorski í vinnslu
og sömu sögu er að segja frá
Vopnafirði, Þórshöfn, Raufar-
höfn og Bakkafirði í ár. Á morg-
un er fyrirhugað að Hafísnefnd
sú, sem Alþingi skipaði nýverið,
haldi norður og kynni sér ástand-
ið á þessum stöðum.
Þrjár hnísur fundust í vikunni
innilokaðar í ís skammt frá Rauf-
arhöfn. Voru þær orðnar líflitlar
og höfðu greinilega verið um tíma
í vökinni. Tvær þeirra voru
skotnar í gær, en sú þriðja hring-
sólaði um í vökinni.
Sjá opnu blaðsins: Atvinnu-
ástand á Norðausturlandi.
Enn landris
Hér er sama þróunin stöðugt
áfram, hægt landris og skjálftum
fer hægt fjölgandi, sagði Kristján
Sæmundsson á skjálftavaktinni í
samtali við Mbl. í gærkvöldi. Kvað
hann ómögulegt að segja til um
hvenær til tíðinda gæti dregið
nyrðra, en vonandi gæfist nokk-
urra klukkustunda frestur.
Gaffalbitar til
Rússa fyrir 250
milljómr króna
UNDIRRITAÐIR hafa verið samningar um sölu á 1,7 milljónum dósa af
gaffalhitum að verðmæti um 250 milljónir íslenzkra króna. Það er
Sölustofnun lagmetis, sem gert hefur þessa samninga við fyrirtækið
Prodintorg f Sovétrikjunum. Á að afgreiða þetta magn af gaffalbitum fyrir
lok júnímánaðar nk. Lagmeti hefur það sem af er þessu ári verið flutt út á
vegum Sölustofnunar, fyrir 176 milljónir króna, en fram til þessa hefur
ekkert verið flutt af gaffalbitum eða öðru lagmeti til Sovétríkjanna. Á
sama tíma í fyrra hafði iagmeti verið flutt til annarra landa en
Sovétríkjanna fyrir 98 milljónir króna. Það sem einkum hefur aukið
útflutning lagmetis héðan fyrstu mánuði ársins er mikil aukning á sölu
„kippers" til Bandaríkjanna. sem Norðurstjarnan í Hafnarfirði hefur
framleitt.
Heildarútflutningur Sölu-
stofnunar lagmetis nam á síðasta ári
1,6 milljörðum króna og af því var
um 70% flutt til Sovétríkjanna, að
því er Morgunblaðið fékk upplýst hjá
Gylfa Þór Magnússyni, fram-
kvæmdastjóra Sölustofnunar lag-
metis, í gærkvöldi. Lagmetis-
samningar við Sovétmenn hafa
undanfarin ár verið talsvert fyrr á
ferðinni en nú, en það sem hefur
tafið fyrir í ár, eru bótakröfur
Sovétmanna vegna tveggja sendinga
á gaffalbitum héðan. Samningar
tókust um að Sovétmönnum yrðu
bættir tæplega 10 þúsund kassar, en
gallinn kom upp í hluta framleiðslu
K. Jónssonar og co. hf. á Akureyri.
Sá samningur, sem nú hefur verið
undirritaður, er rammasamningur,
en reikna má með að síðar á árinu
verði samið um meira magn af
gaffalbitum héðan á því verði, sem
nú var samið um. Eins og áður sagði,
hefur nú verið samið um 1,7
milljónir dósa, en í fyrra fóru
tæplega 10 milljónir dósa af
gaffalbitum til Sovétríkjanna.
Framleiðendur gaffalbitanna eru
K. Jónsson og co. hf. á Akureyri og
Siglósíld í Siglufirði.
Verksmiðjan á Grundartanga tekur til starfa:
Framkvæmdir 2,3
milljörðum undir
kostnaðaráætlun
ÞESSA dagana er verið að leggja síðustu hönd á tæki Járnblendiverksmiðj-
unnar á Grundartanga og er reiknað með að vélar verksmiðjunnar verði
gangsettar fyrir vikulokin. Verið er að prófa raf- og kælikerfi
verksmiðjunnar, en hráefni til vinslunnar er komið á Grundartanga. Þá
standa yfir þessa dagana samningar
þeim sé að ljúka. Áætlað er að það
fullum afköstum.
Að sögn Jóns Sigurðssonar for-
stjóra Járnblendiverksmiðjunnar
eru framkvæmdir á staðnum nú um
fjórum vikum á eftir áætlun. Hins
vegar eru framkvæmdirnar talsvert
undir kostnaðaráætlun, sem hljóðaði
upp á 321 milljón norskra króna.
Framkvæmdakostnaður nemur nú
um 285 milljónum norskra króna, í
íslenzkum krónum munar því um 2,3
við starfsfólk og standa vonir til að
taki um mánuð að verksmiðjan nái
milljörðum íslenzkra króna, eða 36
milljónum norskum.
Framkvæmdir á Grundartanga
hófust af krafti vorið 1977, þó svo að
undirbúnirbúningsvinna hafi byrjað
1975. Raunverulegur byggingartími
á Grundartanga er því um tvö ár. Nú
starfa um 180 manns á Grundar-
tanga, þar af eru um 80 frá verktök-
um. Síðari ofn verksmiðjunnar á að
taka til starfa í september 1980.
r
Olafur Jóhannesson um farmannadeiluna:
„Athugað hvort stjórnin á
að hafa afskipti af deilunni”
„Stjórnin getur ekki látið
deiluna afskiptalausa,”
segir Magnús Magnússon
„ÞAÐ verður auðvitað skoðað,“
sagði Ólafur Jóhannesson forsæt-
isráðherra í gærkvöldi, þegar
Morgunblaðið innti hann eftir
því hvort ríkisstjórnin myndi
hafa afskipti af farmannadeil-
unni.
„Það eru ætíð brýnar ástæður
fyrir því að hafa góðar samgöngur
á sjó hér við land og þær eru
sérstaklega brýnar núna vegna
þess að hafís hefur sums staðar
truflað samgöngur," sagði Ólafur
Jóhannesson. Hann sagði enn-
fremur að ríkisstjórnin hefði ekki
rætt þetta mál ennþá en myndi
væntanlega gera það innan
skamms. Aðspurður um það með
hvaða hætti ríkisstjórnin gæti
haft afskipti af deilunni kvaðst
forsætisráðherra ekkert geta um
það sagt á þessu stigi.
„Frá mínum bæjardyrum séð
getur ríkisstjórnin ekki látið far-
mannadeiluna afskiptalausa þeg-
ar fyrir liggur að það þarf að
koma 12 þúsund tonnum af vörum
til hafíssvæðanna, mestmegnis
áburði," sagði Magnús Magnússon
félagsmálaráðherra í samtali við
Mbl. í gær.
„Sá tími fer í hönd þegar ekki er
hægt að nota vegakerfið og að
mínu mati er ekki hægt að láta
svona deilu bitna á fólkinu úti á
landi. Ég þekki persónulega vel til
ástandsins í Vestmannaeyjum, en
þar verður orðið mjólkurlaust
strax á fimmtudag og kjötlaust í
vikulokin. Það er ekki hægt að
láta það viðgangast að heilu
byggðalögin svelti inni.“
Aðspurður um það með hvaða
hætti ríkisvaldið gæti gripið inn í
deiluna sagði félagsmálaráðherra
að ríkisstjórnin gæti beitt sér
fyrir frestun verkfallsaðgerða með
samkomulagi milli aðila eða án
slíks samkomulags. „En þessi
stjórn frekar en aðrar stjórnir
myndi ekki gera slíka hluti að
gamni sínu.“