Morgunblaðið - 24.07.1979, Side 43

MORGUNBLAÐIÐ ÞRIÐJUDAGUR 24. JÚLÍ1979
25
FH skoraði
tíu mörk
gegn Reyni
FH STEFNIR nú örugglega í 1.
deild ásamt Breiðabliki. Þessi lið
haía algjöra yfirburði í 2. deild
og virðist nú nánast ekkert geta
komið í veg fyrir sigur þeirra —
aðeins spurning hvort liðið
hreppir fyrsta sœtið í 2. deild.
Yfirburðir þessara tveggja liða
voru enn undirstrikaðir um helg-
2U 10:2
ina er bæði liðin unnu stóra
sigra. FH-ingar voru á skotskón-
um í Kaplakrika er þeir fengu
Reyni frá Sandgerði í heimsókn,
10 sinnum mátti Jón örvar Ara-
son hirða knöttinn úr net-
möskvunum í 10—2 sigri Hafnar-
fjarðarliðsins.
FH hafði algjöra yfirburði í
Kaplakrika, leikmenn fengu rúm
og tíma til að athafna sig og
árangurinn lét ekki á sér standa.
Nánast furðulegt hvað liði Reynis
hefur farið aftur. Það var illa
dekkað upp, hreyfanleiki í liðinu
lítill, markvarzlan í molum og
lítið sást til samleiks. Gegn liði
eins og FH er þá stutt í skell — og
hann fengu Reynismenn. Hinir
eldsnöggu leikmenn FH nánast
gengu út og inn um vörn Reynis,
við hraða þeirra Leifs Helgasonar,
Pálma Jónssonar og Atla
Alexanderssonar réðu varnar-
menn Reynis ekki, Leikni Þóris
Jónssonar og Viðars naut sín vel
og fyrsta markið kom þegar á 3.
mínútu. Leifur Helgason gaf lag-
lega út á vinstri vænginn til Atla,
sem brunaði upp, gaf góða send-
ingu fyrir og þar var fyrir Helgi
Ragnarsson, sem skoraði af öryggi
- 1-0.
Næsta mark FH kom á 7. mín-
útu. Enn var sending út á vinstri
vænginn, Leifur Helgason gaf
fyrir og Jón Örvar var illa á verði.
Varnarmenn ætluðu að hreinsa
frá en tókst ekki betur til en svo
að þeir skutu beint í fæturna á
Benedikt Guðbjartssyni og af hon-
um fór knötturinn í netið — 2—0.
Aðeins sex mínútur liðu og enn
lá knötturinn í netmöskvunum að
baki Jóni örvari. Leifur Helgason
fékk sendingu fram, lék laglega á
varnarmann rétt eins og hann
væri ekki til og skaut góðu skoti
úr teignum, 3—0. Á 18. mínútu var
staðan orðin 4—0 og að þessu
sinni skoraði Þórir Jónsson. Pálmi
bróðir hans lék á Jón örvar er rétt
einu sinni var eins og álfur út úr
hol, gaf síðan á Þóri, sem skoraði í
mannlaust markið. Þetta var allt
svo auðvelt, að FH-ingar nánast
gáfu vítaspyrnu á 22. mínútu er
Þórir Jónsson handlék knöttinn í
vítateignum og Hjörtur Jóhanns-
son skoraði örugglega úr vítinu,
4—1. En FH-ingar skoruðu
tvívegis fyrir leikhlé, Viðar Hall-
dórsson skoraði örugglega úr víta-
spyrnu eftir að Leifur Helgason
hafði verið felldur og á 44. mínútu
skoraði Pálmi Jónsson, eftir að
Leifur Helgason hafði sent knött-
inn á hann.
Sex sinnum hafði því knöttur-
inn hafnað í netmöskvunum að
baki Jóni Örvari en í upphafi
síðari hálfleiks gekk hvorki né rak
hjá liðunum. FH-ingar náðu ekki
að sýna sama spil og í fyrri
hálfleik, leikmenn virtust sáttir
við orðinn hlut. En á 61. mínútu
bókstaflega gekk Guðjón
Guðmundsson í gegnum vörn
Reynis án þess að nokkur reyndi
að stöðva hann og hann skoraði.
Á 76. mínútu var Leifur Helga-
son enn á ferðinni, nú skoraði
hann með skalla. Helgi Ragnars-
son bætti við níunda marki FH á
85. mínútu með góðu skoti úr
teignum, stöngin inn. Aðeins
mínútu síðar opnaðist vörn FH
illa, Jón Jónsson skoraði af öryggi
framhjá Friðriki Jónssyni. En FH
bætti við sínu tíunda marki —
Leifur Helgason skoraði með góðu
skoti eftir að varnarmenn höfðu
gert lítið til að stöðva hann.
Auðveldur, hreint ótrúlega auð-
veldur sigur FH. í raun er lítið
hægt að dæma getu liðsins af
leiknum, til þess var mótspyrnan
of lítil. Leifur Helgason var yfir-
burðamaður í liði FH, fljótur og
fylginn sér. Pálmi Jónsson átti
góða spretti, svo og Viðar Hall-
dórsson, sem lék sem aftasti
maður í vörn. Annars var vörnin
lítt trufluð, Atli Alexandersson,
Ólafsvíkingurinn í liði FH, var
mjög sprækur í fyrri hálfleik en
hvarf svo alveg út úr leiknum.
Leikinn og fljótur leikmaður en
þarf að ná meiri festu.
Liði Reynis hefur farið ótrúlega
aftur. Baráttan í liðinu ákaflega
lítil, svo og skipulagning. Allt of
mörg mörk beinlínis gefin. Erfitt
sumar framundan og liðið þarf að
taka á honum stóra sínum til að
verjast falli í 3. deild.
Friðgeir Halldórsson dæmdi vel
en leikurinn gat ekki hafist á
réttum tíma þar sem annar línu-
vörðurinn, Róbert Mckee, mætti
ekki.
H. Halls.
Helgi Ragnarsson lætur skotið ríða af en Jón örvar sá við honum að
þessu sinni — tíu sinnum mátti þó Jón örvar hirða knöttinn úr netinu.
Ljósm. Kristján.
Ljósm. Mbl. Siiftr. SigtryKgsaon.
Steinar Jóhannsson skorar fyrsta mark Keflvíkinga án þess að Ársæli markvörður komi vörnum við.
Hart barizt að venju
í leik IBK og IBV
ÞAÐ þarf ekki að fara saman gott veður og góð knattspyrna sagði
maður einn sem fylgdist með leik Keflavíkur og Vestammaeyja í
Keflavík á laugardaginn. Og hann hitti naglann á höfuðið, leikurinn
fór fram í hreint stórkostlegu veðri, því bezta í sumar en því miður
var knattspyrnan sem liðin buðu áhorfendum uppá ekki í sama
gæðaflokki. Leikurinn varð eins og fyrirfram hafði verið spáð mikill
baráttuleikur eins og jafnan þegar þessi tvö lið mætast og þegar svona
hart er barizt og hvergi gefið eftir skapast ekki mörg tækifæri til þess
að leika knattspyrnu, sem virkilega gleður augað. En baráttuleikir
þurfa ekki að vera óskemmtilegir og þessi var það ekki,*né leiddi
baráttan til þess að leikurinn varð grófur.
Fátt markvert gerðist í fyrri
hálfleiknum. Baráttan um knöttin
var í algleymingi en tækifæri við
mörkin teljandi á fingrum
annarrrar handar. Eyjamenn voru
heldur sterkari til að byrja með og
Þorsteinn varð að taka á honum
stóra sínum til þess að verja
þrumuskot Gústafs Baldvinssonar
á 7. mínútu. En leikurinn
jafnaðist og brátt fóru Keflvíking-
arnir að láta meira að sér kveða.
Steinar Jóhannsson brunaði upp
allan völl á 31. mínútu en skaut
framhjá í góðu færi og á 43.
mínútu misnotaði Ragnar
Margeirsson illa tækifæri sem
hann fékk. Ólafur Júlíusson gaf
góða sendingu frá hægri en
Ragnar skaut yfir af markteig.
Fyrsta markið kom á 11. mínútu
síðari hálfleiks. Óskar Færseth
tók langt innkast, Sigurður
Björgvinsson skallaði boltann
aftur fyrir sig að markstönginni
fjær þar sem Steinar var fyrir og
laumaði boltanum í markið,
dæmigert „Steinars-mark“. Þegar
hér var komið sögu hafði sókn
Keflvíkinga þyngst til muna og á
15. mínútu sluppu Eyjamenn með
skrekkinn þegar Steinar brauzt
upp hægri vænginn og gaf boltann
fyrir markið. Ársæll missti bolt-
ann yfir sig en marksúlan kom til
hjálpar, boltinn small í stönginni
fjær og skoppaði út á völlinn og
hættunni var síðan bægt frá.
Á 30. mínútu juku Keflvíkingar
forystuna. Þeir tóku hornspyrnu,
boltanum var spyrnt frá marki
ÍBV en síðan rakleiðis að markinu
aftur og skyndilega voru tveir
Keflvíkingar í dauðafæri í víta-
teignum. Ragnar Margeirsson
náði boltanum og vippaði honum
laglega framhjá úthlaupandi
markverði ÍBV. Eyjamenn mót-
mæltu markinu ákaft, töldu Kefl-
víkingana rangstæða en línuvörð-
urinn kvað varnarmenn ÍBV hafa
verið fyrir innan þá og því ekki
um rangstöðu að ræða.
Eftir marklð tóku Keflvíkingar
lífinu með ró. Eyjamenn sóttu þá í
sig veðrið og tókst að skora mark
á 34. mínútu. Ómar Jóhannsson
tók hornspyrnu frá hægri. Hann
gaf vel fyrir markið beint á höfuð
Einis ingólfssonar, sem skallaði
boltann í markið af miklu öryggi,
enda óvaldaður. Guðjón bakvörður
reyndi að bjarga á marklínunni en
tókst ekki.
Eyjamenn voru aldrei nálægt
því að jafna metin og það voru svo
Steinar Jóhannsson skoraði tvö
mörk á móti ÍBV.
Keflvíkingar sem innsigluðu sigur
sinn með marki á 90. mínútu.
Snorrri Rútsson braut á Einari Á.
ólafssyni innan vítateigs og Stein-
ar Jóhannsson skoraði úr víta-
spyrnunni. Var mark hans sérlega
glæsilegt, skot ofarlega í mark-
hornið.
Sigur Keflvíkinga var verð-
skuldaður. Þeir voru sterkari
aðilinn í leiknum, einkum þó í
seinni hálfleiknum. Þoredteinn
Ólafsson var að vanda öruggur í
markinu og í vörninni var Óskar
Færsteth beztur. Er sjaldgæft að
sjá hann gera mistök. Á miðjunni
var Gísli Eyjólfsson mjög drjúgur
leikmaður sem vinnur vel og
skilar boltanum vel frá sér. I
framlínunni var Steinar spræk-
astur og fer ekki á milli mála að
afturkoma hans'i liðið styrkir það
verulega.
Eyjamenn börðust vel í leiknum
en sókn þeirra var ansi bitlaus. í
liðið vantaði þá Þórð
Hallgrímsson og Tómas Pálsson
og munar um minna. Þórður var í
leikbanni en Tómas meiddur.
Beztu menn liðsins voru Ársæll
markvörður og Örn Óskarsson,
sem skilaði miðvarðarstöðunni
með miklum sóma.
í STUTTU MÁLI:
íslandsmótið 1. deild, Kefla-
víkurvöllur 21. júlí, ÍBK — ÍBV 3:1
(0:0)
MÖRK ÍBK: Steinar Jóhanns-
son á 56. og 90. mínútu
(vítaspyrna). Ragnar Margeirsson
á 75. mínútu.
MARK ÍBV: Einar Ingólfsson á
79. mínútu.
ÁMINNINGAR: Guðjóni
Guðjónssyni ÍBK sýnt gula spjald-
ið í f.h.
ÁHORFENDUR: 779.
-SS.