Morgunblaðið - 24.07.1979, Qupperneq 35

MORGUNBLAÐIÐ, ÞRIÐJUDAGUR 24. JÚLÍ1979
43
Jóhannes gáfi fer
ekki til N-Irlands
London, 23. júlí - AP
BREZK stjórnvöld hafa neitað staðhæfingum um, að Jóhannes
Páll II. páfi muni heimsækja N-írland í september. Heimildir í
Vatikaninu hermdu að vafasamt væri að páfinn færi til
Armagh en þar verður kaþólskur biskup settur í embætti.
Páfinn mun fara í þriggja daga heimsókn til írska lýðveldisins
í september og orðrómur hefur verið uppi um að hann mundi
fara yfir til Armagh.
Lischka - Gestapó-
foringinn ákærður
Köln, 23. júlí — Reuter.
NÆST ÆÐSTI mæður Gestapó í Frakklandi á stríðsárunum,
Kurt Lischka, hefur verið ákærður fyrir morð á yfir 33 þúsund
gyðingum og hefjast réttarhöld yfir honum og tveimur öðrum
nazistum 23. október. Lischka hefur hvorki neitað né játað
sakargiftum en hinir tveir, Heinrichsohn og Hagen, hafa
neitað sakargiftum.
Þremenningarnir eru ásakaðir fyrir að hafa sent að minnsta
kosti 73 þúsund gyðinga til Auschwitz og annarra útrýminga-
búða í Póllandi á árunum 1942 til 1944 og af þeim hafi 33.582
þegar verið sendir í gasklefana.
Begin missir sjón
vegna blóðtappa
23. júlí JerÚ8aIem, — AP
MENACHIM Begin, forsætisráðherra ísraels er nú í sjúkra-
húsi í Jerúsalem en þangað var hann fluttur í síðustu viku.
Læknar segja að Begin hafi misst 25% sjón á hægra auga og
10% sjón á vinstra auga vegna blóðtappa í höfði. Læknar
sögðu, að enn væri of snemmt að segja til um hvort
sjónmissirinn yrði varanlegur.
Sjóndepra Begin hefur komið af stað orðrómi um að hann segi
af sér en talsmaður stjórnarinnar sagði, að hún hefði tekið
afstöðu gegn því, þar eð hann tæki allar veigamestu ákvarðanir
og væri látinn fylgjast með gangi mála. Begin á erfitt með lestur.
Búist er við að hann útskrifist af sjúkrahúsinu í byrjun næstu
viku.
„E1 Cordobes44
kominn af tur
Brnidorm — 23. júlí — Reuter
„EL CORDOBES“, einn mesti nautabani Spánar fyrr og síðar,
tók um helgina þátt í nautaati á Benidorm við gffurlegan
fögnuð aðdáenda sinna, en nú eru liðin sjö ár frá þvf að hann
Iék síðast listir sínar. Manuel Benitez, eða „maðurinn frá
Cordoba“ sagði eftir að hafa lagt sex naut að velli: „Ég er
orðinn leiður á því að ala svín á búgarðinum mínum. Spennan
er það, sem ég hef ánægju af. Þetta er minn löstur.“
Hann er nú 43 ára að aldri og er nokkuð tekinn að grána í
vöngum. Hann hefur undirritað samninga um 40 nautaöt á Spáni
á næstunni og 35 í Suður-Ameríku.
30 börn haf a orðið
hýenum að bráð
Nýju-Dchli — 21. júlí — Reuter
MEIR EN 30 börn hafa síðustu mánuðina orðið fórnarlömb
hýena í úthverfum borgarinnar Lucknow í Norður Indlandi, að
því er indverska fréttastofan PTI skýrði frá í dag. Líkamsleif-
ar síðasta fórnarlambsins, tveggja ára gamals barns, fundust á
árbakka í útjaðri borgarinnar i gær.
í síðustu viku urðu tvö börn fórnarlömb hýena, og fundust lík
þeirra mjög illa leikin. Vopnaðir lögreglumenn fara nú um
svæðin þar sem börnin hafa látið lífið í leit að hýenum.
DC-10 í erfiðleikum
Linthicum. Maryland — 23. júlt — AP
DC-10 ÞOTA frá bandaríska flugfélaginu United Airlines
nauðlenti á Baltimore-Washington flugvellinum í gær. Bilun
varð í hægri hreyfli þotunnar, og drap áhöfnin á honum og
snéri til Baltimore-Washington flugvallarins en þaðan var
þotan á leið til Chicago. Lendingin tókst vel, engin meiðsli
urðu á fólki. Farþegar héldu síðan til Chicago með öðrum
þotum.
Atvikið í gær á sér stað aðeins níu dögum eftir að DC-10 þotum
var leyft að fara í loftið, og er þetta önnur bilunin sem fram
kemur í DC-10 eftir það.
Náttúruverndarmenn höfðu uppi mikil mótmæli þegar fundur alþjóða
hvalveiðiráðsins fór fram í Lundúnum og á mynd AP sést hvar þeir draga
risahvalaloftfar upp eftir Thames til að vekja athygli á málstað sínum.
Bohman ogPalme
deila um Víetnam
Fri Önnu Bjarnadóttur. (réttaritara MorKunblaðsina í Stokkhólmi
GÖSTE Bohman, formaður sænska íhaldsflokksins,
skoraði í síðustu viku á Olof Palme, formann Jafnaðar-
mannaflokksins og fyrrum forsætisráðherra, að segja
skoðun sína á ástandinu í Víetnam. Hann benti á að
sjaldan hefði Palme verið jafn þögull um nokkurt meiri
háttar mál í heiminum og hann væri nú um afdrif
flóttafólksins frá Víetnam.
Bohman sagði meðal annars: „Á
ferli þínum sem forsætisráðherra
tókust náin tengsl með Svíþjóð og
Hanoi-stjórninni. Víetnam var
veitt meiri fjárhagsaðstoð en
nokkru öðru þróunarlandi og
verður á næsta ári veitt 400
milljónum sænskra króna þangað.
Þú hefur barizt kröftuglega á móti
því að styrkurinn verði minnkaður
í ljósi þess, sem nú á sér stað. Þú
hefur þvert á móti farið fram á
hærri styrk til Víetnams í þinginu.
Þú hefur lýst þig mótfallinn því að
Svíþjóð taki við aðeins stærri
hluta af hundruðum þúsunda víet-
namskra flóttamanna. Þú hefur
verið hljóðari um atburðina í
Víetnam en um nokkra aðra meiri
háttar atburði í heiminum á öllum
stjórnmálaferli þínum“.
I fyrstu brást Palme við ræðu
Bohmans með því að benda á að
þegar Bandaríkjamenn létu
sprengjur falla á konur og börn í
Víetnam hafi Bohman sagt þá
kasta sprengjum í nafni friðar.
Hann sagði Bohman nú bregðast
við hörmungum flóttafólksins með
því að ráðast á sig persónulega. Og
að síðustu sagði Palme að
jafnaðarmenn hefðu ekkert að
læra í stefnu þeirra og starfi að
alþjóðlegri samstöðu bg vináttu.
Næsta dag fór Palme þó nei-
kvæðum orðum um stjórnina í
Víetnam. „Það er hörð . og
ósveigjanleg stjórn, sem virðir
einskis mannréttindi, sem eru
jafnaðarmonnum mjög mikilvæg.
Margir þeirra, sem nú gagnrýna
Víetnam eru þeir sömu, sem í raun
studdu nýlendustríð Frakka og
innrás Bandaríkjamanna. Ástæða
er til að segja ákveðið við þessa
menn: Óréttlátt stríð er aldrei
hægt að réttlæta eftir á. Það var
rétt að styðja sjálfstæðisbaráttu
Víetnama".
Palme sagði að það væri rangt
að draga úr aðstoðinni við Víet-
nam, — það væri brot á óskrif-
uðum reglum Svía um aðstoð við
þróunarlöndin.
Áskorun Göste Bohman vakti
mesta athygli í fyrstu kosninga-
ræðu hans í sumar. Hann hélt
fyrstur sænsku flokksformann-
anna ræðu í Visby á Gotlandi, en
síðan 1968 hefur það verið
viðkomustaður formannanna í
kosningabaráttunni. Palme fetaði í
fótspor Bohmans á sunnudag og
talaði um mikilvægi jafnaðar-
stefnunnar. Síðan tala þeir hver af
öðrum og ferðast svo hver um
annan þveran um landið fram að
kosningum, sem verða 16. septem-
ber, og reyna að sannfæra kjósend-
ur um yfirburði eigin stefnu yfir
stefnu annarra flokka.
Miklar sögusagnir hafa verið
uppi í Bretlandi um samband
Karls Bretaprins og Jane Ward,
23 ára gamallar fráskildrar
konu. Að sögn brezkra blaða
hafa þau hist reglulega undan-
farið — Elísabetu drottningu til
mikillar skapraunar. Á mynd
AP sjásf þau skötuhjúin saman
á göngu í Cowdry Park.
Þetta gerðist__________________________24. júlí
1976 — Víkingur lendir á Mars.
1969 — Fyrstu tunglfararnir lenda
á Kyrrahafi.
1959 — „Eldhúsumræður" Nixons
óg Krúsjeffs á vörusýningu í
Moskvu.
1946 — Fyrsta bandaríska tilraun-
ín með kjarnorkusprengju neðan-
sjávar við eyna Bikini á Kyrrahafi.
1942 — Brezkar loftárásir á Frank-
furt og Mannheim.
1929 — Hoover forseti kunngerir
Kellogg-Briand-sáttmálann sem af-
neitar stríði sem stjórntæki.
1923 — Lausanne-friðarsamningur
Grikkja, Tyrkja og stórveldanna.
1914 — Tillaga Breta um mála-
miðlun fjórvelda á Balkanskaga, en
Serbar biðja Rússa um aðstoð —
Briand myndar stjórn í Frakklandi.
1908 — Abdul Hamid II soldán
endurreisir stjórnarskrána frá
1876.
1882 —• — Arabi Pasha boðar
Heilagt stríð í Egyptalandi.
1850 — Uppreisnarmenn í Slés-
vík-Holstein sigraðir við Istedt.
1847 — Borgarastríði lýkur í
Portúgal með Gramido-sáttmálan-
um.
1799 — Napoleon Bonaparte sigrar
Tyrki við Aboukor í Egyptalandi.
1712 — Frakkar sigra Hollendinga
við Denain, Frakklandi.
1704 — Sir George Rooke aðmíráll
tekur Gíbraltar af Spánverjum —
Stanislaus I kosinn konungur Pól-
lands.
1545 — Franskur floti siglir frá
Englandi eftir velheppnaða árás.
Afmæli. Símon Bólivar,
suður-amerísk frelsishetja
(1783—1830) — Alexander Dumas
eldri, franskur rithöfundur
(1802—1870) — Frank Wedekind,
þýzkur rithöfundur (1864—1918) —
Ernst Bloch, svissneskt tónskáld
(1880-1959)
Andlát. Jakob van Artevelde,
stjórnmálaleiðtogi, 1345.
Innlent. Þjóðminjasafn stofnað í
Reykjavík 1863 — Enskt víkinga-
skip rænir fjárhirzlu landsins
(37.000 dölum) 1808 — Konungur
tilkynnir Hamborgurum einokun-
aráform sín 1601 — Söfnun undir-
skrifta um stofnun sérstaks þings
lýkur 1838 — Nunnur koma til
Islands í fyrsta skipti síðan fyrir
siðaskipti 1896 — d. Jón Rugmann
1679 — síra Gunnar Gunnarsson í
Laufási 1853 — f. Dethlev Thomsen
1867 — Straumhvörfin miklu í
Danmörku með stjórnarmyndun
vinstri manna 1901 — Friðrik
ríkisarfi og Ingiríður krónprinsessa
koma 1938 — Vinstri stjórn Her-
manns Jónassonar skipuð 1956 —
Gagarin hér 1961 — Geir Hall-
grímsson tilkynnir forseta að könn-
un á stjórnarmyndun hafi mistekizt
1974.
Orð dagsins Bezti timinn til að
eignast vini er áður en þú þarfnast
þeirra — Óþekktur höfundur.