Morgunblaðið - 13.11.1979, Blaðsíða 43

MORGUNBLAÐIÐ, ÞRIÐJUDAGUR 13. NÓVEMBER 1979
23
KR flengdi FH
KR lék FH sundur og saman og
sigraði með 22 mörkum gegn 10 i
1. deild kvenna um helgina, leikið
var i Firðinum. Eru það að sönnu
óvænt úrslit, þar sem FH heíur
um langt skeið verið með eitt
sterkasta kvennalið 1. deildar.
En liðið er nú ekki svipur hjá
sjón, þar hafa rosalegar manna-
breytingar orðið og er ekki að sjá
að FH blandi sér i baráttuna um
íslandsmeistaratitilinn að þessu
sinni.
FH-dömurnar mættu til leiks
með skara nýrra andlita, allt ung
og óreynd andlit. Þar vantaði
Gyðu markvörð, Hildi Harðar-
dóttur, Önnu Gunnarsdóttur og
Sigrúnu Sigurðardóttur. Þær tvær
fyrrnefndu munu ófrískar vera,
hinar hættar að æfa og munar um
minna hjá FH, en allar voru
fastamenn í liðinu í fyrra.
Það tekur engu tali að fara að
rekja gang leiksins, lokatölurnar
tala sínu máli, einnig sú staðreynd
að 8 leikmenn skoruðu mörk KR,
en aðeins fjórar sáu um mörk FH
og bættist sú fjórða ekki við fyrr
en 30 sekúndum fyrir leikslok.
Jafnræði var aðeins upp í 2—2, en
þá kvöddu KR-ingar rækilega.
Sigur KR var að sjálfsögðu
sanngjarn, 12 marka sigur er
aldrei heppnissigur. Liðið lék
ávallt mun sterkar og af meiri
yfirvegun, þó að oft hafi legið
einum of mikið á að skjóta. Sterk
liðsheild var styrkur KR að þessu
sinni, en vert er þó að geta
framlags Örnu Garðarsdóttur í
hægra horninu, en hún skoraði
nokkur stórglæsileg mörk og fisk-
aði víti.
Mörk FH: Kristjana 5 (4 víti),
Svanhvít 3, Sólveig Birgis og Anna
Ólafsdóttir eitt hvor.
Mörk KR: Hansína 8 (4 víti),
Arna 4, Anna Lind 3, Birna
Benediktsdóttir og Karólína 2
hvor, Olga, Hjördís og Guðrún
Vilhjálmsdóttir eitt hver. —gg.
Keflvíkingar
sterkari í lokin
KEFLVÍKINGAR unnu þýð-
ingarmikinn sigur gegn
Grindvíkingum í 1. deild
íslandsmótsins í körfuknattieik
um helgina. Sá sigur vannst þó
engan veginn fyrirhafnarlaust
og það var ekki fyrr en á
lokamínútu leiksins að Keflvík-
ingar sigu framúr — eftir að
Mark Holmes, Bandaríkjamaður-
inn i iiði Grindavíkur, varð að
víkja af velli með fimm villur.
Staðan breyttist úr 90 — 87 í
100—89. Það sannaðist enn hve
islenzk körfuknattleikslið eru
háð hinum erlendu leikmönnum.
Þeir nánast bera liðin uppi og ef
þeirra nýtur ekki við þá virðist
óhjákvæmilegt skipbrot fram-
undan.
Grindvíkingar fengu að finna
fyrir því gegn Keflvíkingum. En
dökk ský eru við sjóndeildarhring
Keflvíkinga. Jeff Welshans,
Bandaríkjamaðurinn í liði þeirra,
á yfir höfði sér leikbann, sennilega
þriggja leikja bann vegna óprúð-
mannlegrar framkomu í viðureign
ÍBK og Ármanns. Welshans var
ÍBK — Grindavík
100 — 89
allt í öllu í leik Keflvíkinga og
hann skoraði hvorki fleiri né færri
en 55 stig. Aðrir leikmenn mun
minna, Einar Steinsson 15, Sigur-
geir Þorleifsson 10 og Björn
Skúlason 8. Hjá Grindavík skoraði
Mark Holmes mest, 42 stig, Magn-
ús Valgeirsson 16 og Ólafur Jó-
hannsson 10.
Grindvíkingar höfðu lengst af
frumkvæðið og viðureign liðanna
var mikið uppgjör Bandaríkja-
mannanna. Lengst af hafði Holm-
es yfir á stigum, Grindvíkingar
höfðu lengst af forustu og í
leikhléi var fimm stiga munur
þeim í vil, 48—43. í síðari hálfleik
náðu Keflvíkingar að komast yfir,
77—76 og vart mátti á milli sjá
fram á síðustu mínútu — þar til
Holmes yfirgaf völlinn með sína
fimmtu villu. Grindvíkingar biðu
þá skipbrot og Keflvíkingar skor-
uðu 10 stig gegn aðeins 2.
Létt hjá Laugdælum
STÓRLEIKUR íslandsmótsins i
blaki um helgina var ugglaust
viðureign ÍS og UMFL í Haga-
skólanum. Var þar vonast eítir
spennandi og skemmtilegum leik.
• Þróttarar bættu tveimur stig-
um í stigasafnið um helgina, en
ÍS-liðið var ekki einu sinni
skugginn af skugganum af sér og
tapaði illa fyrir UMFL.
spennuni var ekki fyrir að fara,
því að Laugdælir reyndust hafa
algera yfirburði í leiknum. Sigr-
uðu þeir 3—0. Það var einungis
um baráttu að ræða i fyrstu
hrinunni, en henni lauk 15—10
fyrir UMFL. Síðan fóru leikar,
15—6 og 15—5, öruggur sigur.
UMSE kom litla frægðarför til
Reykjavíkur, lék bæði gegn
Víkingi og Þrótti og tapaði báðum
leikjum. Sigraði Víkingur 3—0,
15-13, 15-3 og 17-15. Eyfirð-
ingarnir unnu sér til hróss, eina
hrinu gegn Þrótti sem lék mjög
illa miðað við hvað liðið getur
best. Hrinurnar fóru 15—7, 13—
15,15-9 og loks 15-5.
Einn leikur fór fram í 1. deild
kvenna, UBK vann sinn fyrsta leik
í háa herrans tíð, en Kópavogs-
dömurnar unnu Laugdæli 3—0,
15-4,15-8 og 15-7.
í annari deild karla gerðu Völs-
ungar mjög þokkalega ferð suður
á bóginn, þeir litu við í Reykjavík
og sigruðu þar bæði Fram og
UBK. Standa Völsungar nú mjög
vel að vígi í 2. deild þó að skammt
sé liðið móts. Fyrst voru Framar-
ar lagðir að velli, 3—2. Hrinurnar
fóru þannig, Fram getið á undan:
10-15,15-6,15-9, 8-15 og loks
9—15. Síðan voru Blikarnir teknir
í bakaríið, Völsungur vann 3—1,
8—15, 6—15, 15—7 og að lokum
12-15.
Geir Þorsteinsson (t.h.) og Kristján Ágústsson berjast um knöttinn undir körfunni í
leiknum í gærkvöldi. LiÓ8“ RAX
Jón leiddi sína
menn til sigurs
KR hafði vinninginn i uppgjöri risanna í íslenzkum körfuknattleik
KR, og Vals í Laugardaishöll i gærkvöldi. Lokatölurnar urðu 68:59
eftir að KR hafði haft þriggja stiga forystu í hálfleik, 32:29. — Við
sönnuðum það i kvöld að við erum bezta lið á íslandi i dag, sagði
stjarna leiksins, Jón Sigurðsson, fyrirliði KR, í leikslok. — Við
tvieflumst bara við þetta tap og vinnum KR í þeim leikjum sem eftir
eru í mótinu, sagði Torfi Magnússon, fyrirliði Vals. Báðir voru
bjartsýnir á gott gengi liða sinna i íslandsmótinu og það má mikið
breytast ef það verður ekki annar hvor þeirra Jóns eða Torfa sem
hampar íslandsbikarnum i mótslok.
Það voru 2100 áhorfendur í
Laugardalshöllinni og stemmning
mikil. Umsjónaraðili leiksins, Val-
ur, gerði sitt til þess að gera þetta
eftirminnilegan atburð, dúndr-
andi diskóhljómlist var fyrir leik-
inn, í hálfleik var tízkusýning og
áhorfendur spreyttu sig í víta-
keppni þar sem kjötskrokkar voru
í verðlaun og þrír höfðu heppnina
með sér, kræktu sér í kjötskrokk.
Eiga forráðamenn Vals heiður
skilinn fyrir framtakið og mættu
fleiri feta í fótspor þeirra.
En snúum okkur að leiknum.
Fyrri hálfleikurinn var ákaflega
einkennilegur. Leikmenn beggja
liða voru ákaflega taugaóstyrkir
og auk þess virtist ferðaþreyta
sitja í KR-ingum. Þannig var
staðan 21:8 þegar 12 mínútur voru
liðnar af leiknum og hafði KR þá
ekki skorað eina einustu körfu í 6
mínútur. En þegar hér var komið
sögu breyttist leikurinn, Valsar-
arnir komust í mikið óstuð, þeir
skoruðu aðeins 8 stig síðustu 8
mínútur leiksins á meðan KR
skoraði 24 stig og breytti stöðunni
í 32:29 sér í hag í hálfleik.
í byrjun seinni hálfleiks skipt-
ust liðin á um forystuna en þegar
seinni hálfleikurinn var hálfnaður
fékk Marvin Jackson sína fimmtu
villu og varð að yfirgefa völlinn.
Héldu menn nú að Valsmenn
myndu hafa betur á lokasprettin-
um en það var öðru nær.
KR-ingarnir efldust mjög og
“59:68
leiddir áfram af Jóni Sigurðssyni
sigu þeir framúr, náðu öruggri
forystu og héldu henni til leiks-
loka. Á síðustu mínútunum léku
KR-ingar af mikilli skynsemi, létu
tímann líða og skutu ekki nema í
öruggum færum. Valsmönnunum
lá auðvitað meira á þegar þeir
fengu boltann og þeim urðu á
mistök í sókninni svo að þeim
tókst ekki að vinna upp forskot
KR þótt berðust hetjulegri bar-
áttu. Sigur íslandsmeistaranna
var staðreynd, öruggur og verðs-
kuldaður sigur.
Bezti maður vallarins í þessum
leik var Jón Sigurðsson, frábær
bæði í vörn og sókn. Skyggði hann
alveg á Bandaríkjamennina
Dwyer og Jacksons svo að einvígi
þeirra sem auglýst hafði verið féll
alveg í skuggann. Jackson var
slakur til að byrja með en yar að
komast í stuð í þann mund er
hann vék af velli. Þá lék Geir sinn
bezta leik með KR. Annars átti
liðið í heild góðan dag ef undan
eru skildar fyrstu mínúturnar.
Sóknarleikur Valsliðsins var
slakur að þessu sinni og það kom
liðinu í koll. Langskotin heppnuð-
ust ekki nema hjá Torfa Magnús-
syni. Hins vegar var varnarléikur
Valsmanna oft á tíðum mjög
góður. Beztu menn liðsins voru
Torfi Magnússon og Kristján
Ágústsson. Dwyer var drjúgur en
hefur oft leikið betur.
Dómarar voru Kristbjörn Al-
bertsson og Guðbrandur Sigurðs-
son og skiluðu þeir hlutverki sínu
með sóma en leikurinn var langt
frá því að vera auðdæmdur.
STIG KR: Jón Sigurðsson 25, Mar-
vin Jackson 16, Geir Þorsteinsson
13, Birgir Guðbjörnsson 6, Garðar
Jóhannesson 4, Ágúst Líndal 3, Árni
Guömundsson 2.
STIG Vals: Tim Dwyer 18, Torfi
Magnússon 15, Kristján Ágústsson
12, Ríkharður Hrafnkelsson 7, Jó-
hannes Magnússon 4, Þórir Magn-
ússon 2.
- ss.
VALUR: Kristjón Ágústsson 3, Jóhannes Magnússon 2, Ríkharður
Hrafnkelsson 2, Þórir Magnússon 1, Torfi Magnússon 3, Jón
Steingrímsson 1, Sígurður Hjörleifsson 1.
KR: Geir Þorsteinsson 3, Birgir Guðbjörnsson 2, Árni Guðmundsson
2, Jón Sigurðsson 4, Ágúst Líndal 2, Garðar Jóhannsson 2, Eiríkur
Jóhannesson 1, Þröstur Guðmundsson 1.