Morgunblaðið - 13.11.1979, Blaðsíða 46

26
MORGUNBLAÐIÐ, ÞRIÐJUDAGUR 13. NÓVEMBER 1979
Birgir Björnsson
Oliver Steinn frjálsíþróttakappi
Hjalti Einarsson
Nokkrar af helstu hand-
knattleiksstjörnum FII í
gegnum árin.
Rajínar Jónsson
Geir Hallsteinsson
EINS og frá hefur verið skýrt í
fjölmiðlum varð Fimleikafélag
Hafnarfjarðar 50 ára hinn 15.
október s.l. Frumkvöðull að
stofnun félagsins var Hallsteinn
Hinriksson, iþróttakennari, sem
stofnaði félagið ásamt 10 ung-
mennum árið 1929. Stofnun fé-
lagsins var jafnframt stofnun
fimleikaflokks, er félagið dró
síðan nafn sitt af.
FH-ingar hösluðu sér fljótlega
völl á sviði íþróttanna. Kristján
Gamalielsson fyrsti formaður FH
og Jóhannes (heitinn) Eiðsson
urðu báðir landskunnir fimleika-
menn og með Hallstein i farar-
broddi ruddu frjálsar íþróttir sér
rúms innan FH og urðu FH-ingar
þegar á fyrstu árum félagsins i
fremstu röð frjálsíþróttamanna,
en áberandi lengst i þeim grein-
um náði Oliver Steinn Jóhannes-
son, sem á árunum eftir siðari
heimsstyrjöldina varð margfald-
ur íslandsmeistari og náði ferill
hans til Evrópukeppni.
Þótt handknattleikur hafi verið
kynntur í Hafnarfirði af Valdimar
Sveinbjörnssyni, íþróttakennara
og margfr Kirdarieíkir farið fram
milli nemenda Flensborgarskól-
ans í Hafnarfirði og Menntaskól-
ans í Reykjavík á þessum árum, þá
verður sú íþrótt, sem félagið hefur
orðið frægast fyrir, ekki áberandi
grein innan íþróttastarfsins í FH
fyrr en eftir síðari heimsstyrjöld-
ina. Og virkilega fer ekki að gæta
fyrr en eftir að FH varð íslands-
meistari í 2. aldursflokki karla
1954 og síðan Islandsmeistari í
meistaraflokki karla 1956. Frá
þeim tíma hefur FH borið „Ægis-
hjálm“ yfir önnur handknatt-
leikslið hvað árangur snertir.
Ekkert íslenzkt handknattleikslið
er til samanburðar við sigurgöngu
þeirra í meistaraflokki karla,
hvert sem er rakinn ferill þess í
inni eða úti-handknattleik, sömu-
leiðis hafa FH-ingar náð beztum
árangri íslenzkra handknattleiks-
liða í Evrópukeppni. Árið 1961
náði íslenzka handknattleiks-
landsliðið þeim frábæra árangri
að verða nr. 6 í Heimsmeistara-
keppninni það ár. í liði Islands
voru 7 FH-ingar og landsliðsþjálf-
arinn var Hallsteinn Hinriksson
„Faðir FH“. -
Þótt hvergi nærri sé hægt að
líkja saman, þá hafa FH-ingar átt
sína sigurgöngu einnig í knatt-
spyrnunni. Sæmdarheitið „Bezta
knattspyrnufélag Hafnarfjarðar"
hafa þeir unnið meir en þrefalt
sinnum oftar en erfðaféndur
þeirra „Haukar".
Meistaraflokkur FH í knatt-
spyrnu karla er fyrsta félagsliðið
(utan Reykjavíkur) sem vinnur sér
sæti í 1. deild íslandsmótsins í
knattspyrnu. Og sömuleiðis eina 2.
deildarliðið, sem hefur náð að
leika til úrslita í Bikarkeppni KSÍ.
Og undanfarin ár hafa FH-ingar
verið mikið í sviðsljósi knatt-
spyrnunnar fyrir léttan og lipran
leik, eignast 4 landsliðsmenn og
verið handhafar hinnar eftirsóttu
„Drago“-styttu, sem afhent er
prúðasta liðinu ár hvert í 1. og 2.
deild íslandsmótsins í knatt-
spyrnu.
I kvennaknattspyrnu hafa FH-
stúlkurnar unnið íslandsmeist-
aratitilinn oftar en nokkurt annað
kvennalið og er knattspyrnu-
keppnisferð FH-stúlknanna til
Ítalíu enn í fersku minni.
Mikil gróska hefur hlaupið í
frjálsíþróttalíf félagsins undan-
farin ár og eru FH-ingar þar í
fremstu röð íslenzkra frjáls-
íþróttamanna og kvenna. Má þar
nefna systurnar Rut og Ragnheiði
Ólafsdætur, Guðmund R. Guð-
mundsson og Sigurð Pétur Sig-
mundsson.
Iðkun fimleika lagðist niður að
mestu hjá félaginu vegna aðstöðu-
leysis, en á stríðsárunum var
fimleikahúsið tekið „hernámi" og
nýtt íþróttahús var ekki byggt í
Hafnarfirði fyrr en íþróttahúsið
við Strandgötu var tekið í notkun.
Allar líkur eru fyrir því að FH
taki ekki upp fimleika aftur á
stefnuskrá sína fyrr en í eigin húsi
er reisa á í Kaplakrika og hinir
bjartsýnustu þykkast sjá hylla
undir þessa dagana.
En FH gerir garðinn frægan
víðar en á íþróttasviðinu þ.e. í
keppni, því félagið er í samvinnu
við ríki og bæ að koma sér upp
einu fullkomnasta félagssvæði
sem til er á íslandi, og undirstrik-
aði bæjarstjórn Hafnarfjarðar
virðingu sína fyrir þessu framtaki
félagsins þessa dagaana er hún
samþykkti tillögu frá bæjarráði
Hafnarfjarðar um viðbótarland
FH til handa í Kaplakrika og
jafnframt leyfi til áframhaldandi
uppbyggingar svæðisins eins og
félagið hefur áformað uppbygg-
ingu þess með hjálp Teiknistofu
Gísla Halldórssonar og Verk-
fræðiskrifstofu Sigurðar Thor-
oddsen að ógleymdum góðum ráð-
um íþróttafulltrúa ríkisins Þor-
steins Einarssonar.
F-DAGUR
Hallsteinsdagur
Hinn annan september s.l. héldu
íþróttadeildir og félagar í FH
hátíðlegan FH-dag í Kaplakrika,
en n.k. sunnudag mun félagið efna
til Hallsteinsdags, sem haldinn er
til minningar um Hallstein heit-
inn Hinriksson, sem hlotið hefur
nafnið „Faðir FH“.
Hátíðahöld þessi munu fara
fram í íþróttahúsinu við Strand-
götu og hefjast þau kl. 14.00 og
standa fram eftir degi og er
ókeypis aðgangur.
Þættir dagsins munu saman-
standa af leikjum og keppnum í
þeim íþróttagreinum, er FH hefur
nú á stefnuskrá sinni og mun þar
m.a. fara fram fyrsta lyftingamót,
sem háð hefur verið í Hafnarfirði
til þessa.
Nánar verður sagt frá þessum
hátíðahöldum í fréttatilkynningu,
sem borin verður út í Hafnarfirði
og jafnframt verður dagurinn
auglýstur í skólum bæjarins, því
Hallsteinn Hinriksson var fyrst
og fremst íþróttakennari skóla-
æskunnar í Hafnarfirði, starf
hans innan FH var aðeins „tóm-
stundastarf".
Aðalstjórn, fulltrúaráð félags-
ins og deildarstjórnir þess munu
síðan standa sameiginlega að af-
mælishófi, sem haldið verður í
veitingastaðnum „Snekkjan",
laugardaginn 17. þ.m. — Aðgöngu-
miðar að hófinu eru komnir í sölu
hjá formönnum deilda félagsins
og eru félagsmenn eldri og yngri
áminntir um að taka þátt í hófinu
og kaupa sér miða sem fyrst, því
búast má við að fljótlega verði
uppselt.
Deildarskipting:
FH starfar í deildum, hand-
knattleiks-, knattspyrnu-, frjáls-
íþróttadeild, lyftingum, Gaflara-
deild og kvennadeild, en þær
síðasttöldu skipa FH-ingar, sem
halda vilja tryggð við félagið.
Stjórn FH er nú þannig skipuð:
Formaður: Bergþór Jónsson. Rit-
ari: Þórður Sverrisson. Gjaldkeri:
Gunnlaugur Magnússon. Með-
stjórnendur: Finnbogi F. Arndal
og Jón Gestur Viggósson. Vara-
maður: Rósa Héðinsdóttir. Auk
þess sitja stjórnarfundi Árni Ág-
ústsson, formaður fulltrúaráðs fé-
lagsins og Jón Sveinsson, fulltrúi
FH í IBH. Formenn íþróttadeilda
sitja og stjórnarfundi: Hand-
knattleiksdeild: Ingvar Viktors-
son. Knattspyrnudeild: Magnús
Jónsson. Frjálsíþróttadeild: Har-
aldur Magnússon. Lyftingadeild:
Sólveig Ágústsdóttir. Gaflara-
deild: Gísli Ágúst Gunnlaugsson.
50 ára afmælisfundur
FH í Kaplakrika
í tilefni 50 ára afmælis FH hinn
15. okt. s.l. hélt aðalstjórn félags-
ins upp á daginn með fundi í
íbúðarhúsinu í Kaplakrika. Bæj-
arráðsmönnum,
áheyrandafulltrúum flokka
þeirra, sem ekki eiga sæti í
bæjarráði og bæjarstjóranum í
Hafnarfirði var boðið til þessa
fundar í tilefni samþykktar bæj-
arráðs Hafnarfjarðar þá fyrr í
vikunni.
Formaður FH Bergþór Jónsson
bauð gesti velkomna í Kaplakrika
og til þessa afmælisfundar, en að
máli hans loknu talaði bæjarstjór-
inn í Hafnarfirði, Einar I. Hall-
dórsson fyrir hönd bæjarráðs-
manna. Var þessi fundur hinn
virðulegasti og ánægjulegur. Að
loknum þessum fundi vígði aðal-
stjórn FH nýja funda- og félags-
aðstöðu FH-inga að Lækjargötu
20, Hafnarfirði. En þar má búast
við að sú starfsemi verði þar til
lokið hefur verið við að byggja
félagsaðstöðuna og búningsklef-
ana við grasvöllinn í Kaplakrika,
en byrjað var að ýta fyrir grunni
þeirrar byggingar s.l. laugardag.
I